ಎರಕ ಹೊಯ್ದ ಕಬ್ಬಿಣ – ೧.೮-೪.೫% ಇಂಗಾಲವನ್ನು ಹೊಂದಿರುವ ಕಬ್ಬಿಣದ ಮಿಶ್ರಲೋಹಗಳ ಒಂದು ಗುಂಪು. ಇವನ್ನು ನಿರ್ದಿಷ್ಟ ಆಕಾರ ಬರುವಂತೆ ಅಚ್ಚಿನಲ್ಲಿ ಎರಕ ಹೊಯ್ಯಬಹುದಾಗಿದೆ. 

ಪ್ರಧಾನ ಬಿಂದುಗಳು – ಒಂದು ದಪ್ಪ ಮಸೂರದ ಅಥವಾ ಸಮಾನ ಅಕ್ಷವುಳ್ಳ ಮಸೂರಗಳ ವ್ಯವಸ್ಥೆಯಲ್ಲಿನ ಆರು ಮುಖ್ಯ ಬಿಂದುಗಳು.

ಮಿಶ್ರಕ ಕೊಳವೆ – ಆಂತರಿಕ ದಹನವುಳ್ಳ ಕಲ್ಲೆಣ್ಣೆ(ಪೆಟ್ರೋಲ್)ಯ ಚಾಲಕ ಯಂತ್ರದಲ್ಲಿ ವಾಯು ಮತ್ತು ಕಲ್ಲೆಣ್ಣೆಯನ್ನು ಸ್ಫೋಟನಕ್ಕೆ ಮುಂಚೆ ಬೆರೆಸುವ ಉಪಕರಣ.

ಕರ‍್ನಾಟ್ ಚಕ್ರ – ಒಂದು ಪರಿಪೂರ್ಣವಾದ ತಾಪಯಂತ್ರದಲ್ಲಿ ಕಂಡುಬರುವ, ಒಂದು ಇನ್ನೊಂದನ್ನು ಹಿಂಬಾಲಿಸುವAತಹ ನಾಲ್ಕು ಭೌತಿಕ ಕ್ರಿಯೆಗಳ ಒಂದು ಚಕ್ರ.

ಒಯ್ಯಕ – ಒಂದು ಅರೆವಾಹಕದಲ್ಲಿ ಎಲೆಕ್ಟಾçನುಗಳು ಅಥವಾ ರಂಧ್ರಗಳು ತಮ್ಮ ಚಲನೆಯಿಂದಾಗಿ ವಿದ್ಯುತ್ ಉತ್ಪತ್ತಿಯಾಗಲು ಕಾರಣವಾಗುತ್ತವೆ. ಇವುಗಳನ್ನು ಒಯ್ಯಕಗಳು ಎಂದು ಕರೆಯುತ್ತಾರೆ.

ಒಯ್ಯಕ ಅಲೆ – ಆಕಾಶವಾಣಿ(ರೇಡಿಯೋ) ಪ್ರಸಾರಕವು ಸೂಸುವ ಒಂದು ನಿರಂತರ ವಿದ್ಯುತ್ಕಾಂತೀಯ ವಿಕರಣವಿದು. ಇದಕ್ಕೆ ಸ್ಥಿರವಾದ ಅಲೆಯೆತ್ತರ ಮತ್ತು ಆವರ್ತನ ಗತಿಗಳಿರುತ್ತವೆ.