ಫಾರ್ ಪಾಯಿಂಟ್ –  ತುಟ್ಟತುದಿಯ ಬಿಂದು –   ಕಣ್ಣಿನ ಅಕ್ಷಿಪಟಲದ ಮೇಲೆ ಬಿಂಬವು ರೂಪುಗೊಳ್ಳಲು ಸಾಧ್ಯ ಇರುವ ಅತ್ಯಂತ ದೂರದ ಬಿಂದು ಇದು.

ಫಾರ್ ಇನ್ ಫ್ರಾರೆಡ್ – ತುಟ್ಟತುದಿಯ ಅಧೋಕೆಂಪು -ವಿದ್ಯುತ್ಕಾಂತೀಯ ವರ್ಣಪಟಲದಲ್ಲಿನ ಅಧೋಕೆಂಪು ಅಲೆಪ್ರದೇಶದ ಅತ್ಯಂತ ಉದ್ದದ ತರಂಗಾಂತರವುಳ್ಳ ಭಾಗಗಳು.

 ಫ್ಯಾಕ್ಟೋರಿಯಲ್ – ಆದಿಗುಣಕ‌ – ಒಂದು ದತ್ತ ಸಂಖ್ಯೆ ಹಾಗೂ ಅದರ ಕೆಳಗಿರುವ ಎಲ್ಲ ಪೂರ್ಣಾಂಕಗಳ ಗುಣಲಬ್ಧ. ಸಾಮಾನ್ಯವಾಗಿ ಇದನ್ನು‌N! ಎಂದು ಬರೆಯುತ್ತಾರೆ. 

ಫ್ಯಾರಡ್( F) – ಫ್ಯಾರಡ್( F) – ವಿದ್ಯುತ್ ಸಾಮರ್ಥ್ಯದ ಎಸ್.ಐ.ಮೂಲಮಾನ. ಭೌತವಿಜ್ಞಾನಿ ಮೈಕೆಲ್ ಫ್ಯಾರಡೆಯ( ಕಾಲ 1791-1867) ನೆನಪಿನಲ್ಲಿ‌ ಇಟ್ಟ ಹೆಸರು ಇದು.‌

ಫಾಲ್ ಔಟ್ – ವಿಕಿರಣ ಪಾತ – ಅಣು ಸ್ಥಾವರಗಳು ಸ್ಫೋಟಗೊಂಡಾಗ ವಾತಾವರಣಕ್ಕೆ ಬಂದು ಸೇರಿಕೊಳ್ಳುವ ವಿಕಿರಣ ವಸ್ತುಕಣಗಳು.‌ ಇವು‌ ಮನುಷ್ಯನ ಹಾಗೂ ಪ್ರಾಣಿಗಳ ದೇಹಕ್ಕೆ ತುಂಬ ಅಪಾಯವನ್ನುಂಟುಮಾಡುತ್ತವೆ.

ಫ್ಯಾರಡೆ ಎಫೆಕ್ಟ್  – ಫ್ಯಾರಡೆ ಪರಿಣಾಮ‌- ಕಾಂತಕ್ಷೇತ್ರದಲ್ಲಿರುವಂತಹ ಒಂದು‌ ಅವಾಹಕ‌ ಮಾಧ್ಯಮವೊಂದರಲ್ಲಿ ವಿಕಿರಣದ ಧ್ರುವೀಕರಣದ ಮೇಲ್ಮೈಯ ಸುತ್ತುವಿಕೆ.

ಫ್ಯಾರಡೆ ಡಿಸ್ಕ್ –  ಫ್ಯಾರಡೆ ತಟ್ಟೆ ಅಥವಾ ಫ್ಯಾರಡೆ ಫಲಕ – ನೇರ ವಿದ್ಯುತ್ತನ್ನು ಉತ್ಪಾದಿಸುವ ಒಂದು ಉಪಕರಣ ಇದು. ಏಕಧ್ರುವ ವಿದ್ಯುದುತ್ಪಾದಕ. ಇದರಲ್ಲಿ, ಈ ಉದ್ದೇಶಕ್ಕಾಗಿ, ಕಾಂತಕ್ಷೇತ್ರದಲ್ಲಿ ಸುತ್ತುತ್ತಿರುವ ಲೋಹದ ತಟ್ಟೆಯೊಂದನ್ನು ಬಳಸುತ್ತಾರೆ.