ಕನ್ನಡ ಕನ್ನಡಿ

ಎಲೆಕ್ಟ್ರೋಆಪ್ಟಿಕಲ್ ಎಫೆಕ್ಟ್ – ವಿದ್ಯುತ್ ದೃಶ್ಯ ಬೆಳಕು ಪರಿಣಾಮ – ಯಾವುದಾದರೊಂದು ಪಾರದರ್ಶಕ‌ ವಿದ್ಯುತ್ ನಿರೋಧಕ ವಸ್ತುವೊಂದನ್ನು ತುಂಬ ಬಲವತ್ತರವಾದ ವಿದ್ಯುತ್ ಕ್ಷೇತ್ರದಲ್ಲಿರಿಸಿದಾಗ ಆ ಕ್ಷೇತ್ರದ ಹಾಗೂ ಆ ವಸ್ತುವಿನ ವಕ್ರೀಭವನದ ಗುಣಲಕ್ಷಣಗಳ ನಡುವೆ ಉಂಟಾಗುವ ಅಂತರ್ ಕ್ರಿಯೆ. 

ವಿದ್ಯುತ್ ರಾಸಾಯನಿಕ ಸರಣಿ – ರಾಸಾಯನಿಕ ಮೂಲವಸ್ತುಗಳನ್ನು ಅವುಗಳ ನಿಯತ ವಿದ್ಯುದ್ವಾರ ಅಂತಃ ಸಾಮರ್ಥ್ಯಕ್ಕೆ ಅನುಗುಣವಾಗಿ ಜೋಡಿಸುವುದು.

ವಿದ್ಯುತ್ ರಸಾಯನಿಕ ಶಾಸ್ತ್ರ- ದ್ರಾವಕಗಳಲ್ಲಿ ವಿದ್ಯುದಣುಗಳ ರೂಪಣೆ ಮತ್ತು ವರ್ತನೆಗಳನ್ನು ಅಧ್ಯಯನ ಮಾಡುವ ಜ್ಞಾನಶಾಖೆ.

ವಿದ್ಯುದ್ವಾರ – ಒಂದು ವಿದ್ಯುತ್ ಉಪಕರಣದಲ್ಲಿ ಅಥವಾ ವಿದ್ಯುತ್ ವ್ಯವಸ್ಥೆಯಲ್ಲಿ ಎಲೆಕ್ಟ್ರಾನುಗಳನ್ನು ಅಥವಾ ಬೇರೆ ವಿಧದ ವಿದ್ಯುತ್ ಒಯ್ಯಕಗಳನ್ನು ಹೊರಸೂಸುವ ಅಥವಾ ಸಂಗ್ರಹಿಸುವ ಭಾಗ. ‌ 

ವಿದ್ಯುದ್ವಾರದ‌ ಅಂತಃಸಾಮರ್ಥ್ಯ – ಒಂದು ಲೋಹವು ತನ್ನನ್ನು ಸುತ್ತುವರೆದಿರುವ ದ್ರಾವಕಕ್ಕೆ ತನ್ನ ಎಲೆಕ್ಟ್ರಾನುಗಳನ್ನು ಕೊಟ್ಟುಬಿಡುವ ಪ್ರವೃತ್ತಿಯ ಅಳತೆ.

ವಿದ್ಯುತ್ತೀಯ ಪದರಗಟ್ಟುವಿಕೆ – ವಿದ್ಯುತ್ ರಾಸಾಯನಿಕ ಕ್ರಿಯೆಯ ಮೂಲಕ ಒಂದು ಘನವಸ್ತುವಿನ ( ಲೋಹ) ಒಂದು ಪದರವನ್ನು ಒಂದು ವಿದ್ಯುದ್ವಾರದ ಮೇಲ್ಮೈಗೆ ಹಚ್ಚುವುದು. 

ವಿದ್ಯುತ್ತೀಯ ದ್ರವ ಶುದ್ಧೀಕರಣ – ನಿರ್ಲವಣೀಕರಣ ಅಥವಾ ನೀರಿನಿಂದ ಉಪ್ಪನ್ನು ಪ್ರತ್ಯೇಕಿಸುವಂತೆ, ಉಪ್ಪಿರುವ ನೀರಿನಿಂದ ಶುದ್ಧ ನೀರನ್ನು ಪಡೆಯುವ ವಿಧಾನ.

ವಿದ್ಯುತ್ತೀಯ ಚಲನಶಾಸ್ತ್ರ – ಚಲನೆಯಲ್ಲಿರುವ  ವಿದ್ಯುದಂಶಗಳು, ವಿದ್ಯುತ್ತೀಯ ಹಾಗೂ ಕಾಂತಕ್ಷೇತ್ರಗಳಿಂದ ಸೃಷ್ಟಿಯಾಗುವ ಬಲಗಳ ನಡುವಿನ ಸಂಬಂಧ ( ಮುಖ್ಯವಾಗಿ ವಿದ್ಯುಜ್ಜನಕ ಯಂತ್ರಗಳಿಗೆ ಸಂಬಂಧ ಪಟ್ಟಂತೆ) – ಈ ವಿಷಯಗಳ ಅಧ್ಯಯನ.

ವಿದ್ಯುತ್ ಮಾಪಕ‌ – ನೇರ ಮತ್ತು ಪರ್ಯಾಯ ಎರಡೂ ವಿದ್ಯುತ್ ಮಂಡಲಗಳಲ್ಲಿನ ವಿದ್ಯುತ್ ಅಂತಃಸಾಮರ್ಥ್ಯ ಅಥವಾ ವಿದ್ಯುತ್ ಬಲವನ್ನು ಅಳೆಯುವ ಒಂದು ಉಪಕರಣ.

ಮೆದುಳುವಿದ್ಯುತ್ ನ ಜಾಡು ಹಿಡಿಯುವಿಕೆ ಅಥವಾ ಅದರ ಚಿತ್ರ – ಮೆದುಳಿನಲ್ಲಿ ನಡೆಯುವ ವಿದ್ಯುತ್ ಕ್ರಿಯೆಗಳ ಜಾಡು ಹಿಡಿಯುವ ಅಥವಾ ಅವುಗಳನ್ನು ಚಿತ್ರಿಸುವ ಕ್ರಿಯೆ.