ಕನ್ನಡ ಕನ್ನಡಿ

ಹೈ ಟೆನ್ಶನ್ ( HT) – ಉಚ್ಚ ವಿದ್ಯುದೊತ್ತಡ/ ಉಚ್ಚ ವಿದ್ಯುತ್ ಸಾಮರ್ಥ್ಯ ವ್ಯತ್ಯಾಸ ಅಥವಾ ಹೈ ವೋಲ್ಟೇಜ್ – ನೂರು ವೋಲ್ಟ್ ಗಳು ಅಥವಾ ಅದಕ್ಕಿಂತ ಹೆಚ್ಚಿರುವ ವಿದ್ಯುತ್ ಸಾಮರ್ಥ್ಯ ವ್ಯತ್ಯಾಸ.

ಹೋಡೋಸ್ಕೋಪ್ – ಗಮನ‌ ಗ್ರಾಹಕ – ವಿದ್ಯುದಂಶ ಹೊಂದಿರುವ ( ಸಾಮಾನ್ಯವಾಗಿ ವಿಶ್ವಾತ್ಮಕ ಕಿರಣಗಳ) ಕಣಗಳ ಪಥವನ್ನು ಗೊತ್ತು ಮಾಡುವ ( ಅವುಗಳ ಜಾಡು ಹಿಡಿಯುವ) ಉಪಕರಣ.

ಹೋಲ್ – ರಂಧ್ರ – ಒಂದು ಘನವಸ್ತುವಿನ  ಕಿಂಡಿ ಚೌಕಟ್ಟಿನ (ಲ್ಯಾಟಿಸ್) ರಚನೆಯಲ್ಲಿ ಎಲೆಕ್ಟ್ರಾನೊಂದು ಇದ್ದು, ಈಗ ಖಾಲಿಯಾಗಿರುವ ಜಾಗ. ರಂಧ್ರವು ಒಂದು ‘ಸಂಚಾರಿ- ಧನಾತ್ಮಕ – ವಿದ್ಯುದಂಶ-ಒಯ್ಯಕ’ ದಂತೆ ಕೆಲಸ ಮಾಡುತ್ತದೆ.

ಹೋಲೋಗ್ರಾಂ – (ಮೂರು ಆಯಾಮಗಳ) ಪೂರ್ಣಚಿತ್ರ ದಾಖಲೆ – ಪೂರ್ಣಚಿತ್ರ ಗ್ರಹಣದಲ್ಲಿ ಮೂರು ಆಯಾಮಗಳ ಬಿಂಬವನ್ನು ಪುನರುತ್ಪತ್ತಿ ಮಾಡುವಾಗ ಬಳಸುವ ಒಂದು ಛಾಯಾಚಿತ್ರ ದಾಖಲೆ.

ಹೋಲೋಗ್ರಫಿ – ಮೂರು ಆಯಾಮಗಳ ಛಾಯಾಚಿತ್ರ ಗ್ರಹಣ – ಲೇಸರ್ ಬೆಳಕು ಹಾಗೂ ಛಾಯಾಚಿತ್ರ ಫಲಕಗಳನ್ನು ಬಳಸಿ ಒಂದು ವಸ್ತುವಿನ ಬಿಂಬವನ್ನು ಮೂರು ಆಯಾಮಗಳಲ್ಲಿ ದಾಖಲಿಸುವುದು ಮತ್ತು ಪ್ರದರ್ಶಿಸುವುದು.‌ ಹಂಗೇರಿಯ ಭೌತಶಾಸ್ತ್ರಜ್ಞರಾದ ಡೆನ್ನಿಸ್ ಗೇಬರ್ ಇದನ್ನು 1948ರಲ್ಲಿ ಕಂಡುಹಿಡಿದರು. ಇವರಿಗೆ ಈ ಸಂಶೋಧನೆಗಾಗಿ 1971ರಲ್ಲಿ ನೊಬೆಲ್ ಪ್ರಶಸ್ತಿ ಬಂತು.

ಹೋಮೋಜೀನಸ್ ರಿಯಾಕ್ಟರ್ – ಸಮಜಾತೀಯ ಅಣುಸ್ಥಾವರ – ಅಣುಸ್ಥಾವರವೊಂದರಲ್ಲಿ ನ್ಯೂಟ್ರಾನುಗಳ ವಿದಳನ ಕಾರ್ಯಕ್ಕಾಗಿ ವಿದಳನ ವಸ್ತು ಮತ್ತು ಮಂದಕಾರಕಗಳನ್ನು ಚೆನ್ನಾಗಿ ಬೆರೆಸಿದ್ದರೆ( ಅಂದರೆ ಸಮಜಾತೀಯ ಮಿಶ್ರಣವಾಗುವಂತೆ) ಅದು ಸಮಜಾತೀಯ ಅಣುಸ್ಥಾವರ ಅನ್ನಿಸಿಕೊಳ್ಳುತ್ತದೆ.

ಹೋಮೋಪೋಲಾರ್ ಕ್ರಿಸ್ಟಲ್ – ಏಕಧ್ರುವ ಹರಳು ಅಥವಾ ಏಕಧ್ರುವ ಸ್ಫಟಿಕ) – ಕೇವಲ ಸಹಸಂಯೋಗ ( ಕೋವೇಲೆಂಟ್) ಬಂಧಗಳನ್ನು ಹೊಂದಿರುವ ಒಂದು ಹರಳು ಅಥವಾ ಸ್ಫಟಿಕ.

– ಹೋಮೋಪೋಲಾರ್ ಜನರೇಟರ್ ( ಫ್ಯಾರಡೇ ಡಿಸ್ಕ್) 

– ಏಕಧ್ರುವ ವಿದ್ಯುದುತ್ಪಾದಕ ( ಫ್ಯಾರಡೇ ತಟ್ಟೆ) – ಒಂದು ಲೋಹದ ತಟ್ಟೆ ಹಾಗೂ ತನ್ನ ಮೇಲ್ಮೈಗೆ ಲಂಬಕೋನದಲ್ಲಿ ಸುತ್ತುತ್ತಿರುವ ಕಾಂತಕ್ಷೇತ್ರವನ್ನು ಹೊಂದಿರುವಂತಹ,  ‘ನೇರ ವಿದ್ಯುತ್’ ಉತ್ಪಾದಕ ಇದು. ಈ ತಟ್ಟೆಯ ಕೇಂದ್ರ ಮತ್ತು ತುದಿಗಳ ನಡುವೆ ವಿದ್ಯುತ್ ಚಾಲಕ ಶಕ್ತಿಯು ಪ್ರೇರಿತಗೊಳ್ಳುತ್ತದೆ.

ಹೂಕ್ಸ್ ಲಾ – ಹೂಕ್ ರ ನಿಯಮ – ಈ ನಿಯಮದ ಪ್ರಕಾರ ಒಂದು ವೇಳೆ ಒಂದು ವಸ್ತುವು ವಿರೂಪಗೊಂಡಿದೆಯೆಂದರೆ, ಅದರಲ್ಲಿ ಉಂಟಾದ ವಿರೂಪ ಅಥವಾ ಪೀಡನೆಯು ಅದರ ಮೇಲೆ ಹಾಕಿದ ಒತ್ತಡಕ್ಕೆ ನೇರ ಅನುಪಾತದಲ್ಲಿರುತ್ತದೆ. ಆದರೆ, ಒಂದು ಮಟ್ಟಕ್ಕಿಂತ ಹೆಚ್ಚಿನ ಒತ್ತಡ ಹಾಕಿದರೆ ಆ ವಸ್ತುವು ಹೂಕ್ ರ ನಿಯಮವನ್ನು ಪಾಲಿಸುವುದಿಲ್ಲ.

ಹಾರಿಜಾಂಟಲ್ ಇನ್ ಟೆನ್ಸಿಟಿ‌ – ಅಡ್ಡ ರೇಖೆಯುದ್ಧದ  ತೀವ್ರತೆ – ಭೂಮಿಯ ಮೇಲ್ಮೈಯ ಅಡ್ಡರೇಖೆಯಲ್ಲಿರುವ  ಯಾವುದಾದರೂ ದತ್ತ ಬಿಂದುವಿನಲ್ಲಿ ಅಥವಾ ಅದರ ಮೇಲ್ಮೈಯ ಹತ್ತಿರದ ಬಿಂದುವಿನಲ್ಲಿ ಇರುವಂತಹ ಕಾಂತಕ್ಷೇತ್ರದ ಶಕ್ತಿ.