ಕನ್ನಡ ಕನ್ನಡಿ

ಇನ್ಫ್ರಾರೆಡ್ ರೇಡಿಯೇಷನ್ – ಅಧೋಕೆಂಪು ವಿಕಿರಣ – ಅಣು ಮಟ್ಟದಲ್ಲಿ ಉಂಟಾಗುವಂತಹ ವಿದ್ಯುದಂಶದ ಚಲನೆಯಿಂದ ಉತ್ಪತ್ತಿಯಾಗುವ ವಿಕಿರಣಗಳಿವು.

ಇನ್ಫ್ರಾಸೌಂಡ್ – ಅಧೋಶಬ್ಧ – 16 ಹರ್ಟ್ಝ್ ಗಿಂತ ಕಡಿಮೆ ಆವರ್ತನ ಇರುವ ಮಾಧ್ಯಮವೊಂದರಲ್ಲಿನ ಕಂಪನಗಳು. ಇವನ್ನು ಕಿವಿಯು ಒಂದು ನಿರಂತರವಾದ ಶಬ್ಧ ಎಂದು ಗ್ರಹಿಸುವುದಿಲ್ಲ, ಬದಲಾಗಿ ಶಬ್ಧಮಿಡಿತಗಳ ಸರಣಿಯಾಗಿ ಗ್ರಹಿಸುತ್ತದೆ.

ಇನ್ಲೈನ್ ಹೋಲೋಗ್ರಫಿ –  ಏಕರೇಖೆಯ ಪೂರ್ಣಚಿತ್ರಗ್ರಹಣ – ಒಂದು ಚಿಕ್ಕ ವಸ್ತುವಿನಿಂದ ಚದುರಿಸಲ್ಪಟ್ಟ ಅಥವಾ ಹಬ್ಬಿಸಲ್ಪಟ್ಟ ಅಲೆಗಳೊಂದಿಗೆ ಲೇಸರ್ ಕಿರಣಗಳು ಅಡ್ಡ ಹಾಯ್ದು ಉತ್ಪತ್ತಿಯಾದ ಪೂರ್ಣಚಿತ್ರ.

ಇನ್ಸ್ಟೆಂಟೇನಿಯಸ್  ವ್ಯಾಲ್ಯೂ – ತಾಕ್ಷಣಿಕ ಮೌಲ್ಯ – ವೇಗೋತ್ಕರ್ಷ, ವಿದ್ಯುತ್, ವಿದ್ಯುತ್ ಬಲ ಮುಂತಾದ ಕ್ಷಣಭಿನ್ನ ಪರಿಮಾಣಕ್ಕೆ ಸಂಬಂಧಿಸಿದಂತೆ ಕಾಲದ ಒಂದು ನಿರ್ದಿಷ್ಟ ಕ್ಷಣದಲ್ಲಿ ಅದರ ಮೌಲ್ಯ.

ಇನ್ಸ್ಯುಲೇಷನ್, ಎಲೆಕ್ಟ್ರಿಕಲ್ – ಪ್ರತಿರೋಧ, ವಿದ್ಯುತ್ತೀಯ – (ರಕ್ಷಣೆಗಾಗಿ ಅಥವಾ ಮಂಡಲ ಮೊಟಕಾಗದಂತೆ ( ಶಾರ್ಟ್ ಸರ್ಕ್ಯೂಟ್ ಆಗದಂತೆ) ತಡೆಯಲಿಕ್ಕಾಗಿ) ವಿದ್ಯುತ್ ವಾಹಕಗಳಿಗೆ ಹೊದಿಸಲು ಅಥವಾ ಅವುಗಳನ್ನು ಪ್ರತ್ಯೇಕಿಸಲು ಅವಾಹಕ ವಸ್ತುಗಳನ್ನು ಬಳಸುವುದು.

ಇನ್ಸ್ಯುಲೇಟರ್ – ಪ್ರತಿರೋಧಕ – ತುಂಬ ಹೆಚ್ಚು ವಿದ್ಯುತ್ ಪ್ರತಿರೋಧವನ್ನು ಹೊಂದಿರುವ ವಸ್ತು. ಬಹುತೇಕ ಅಲೋಹ ವಸ್ತುಗಳು (ಲೋಹವಲ್ಲದ ವಸ್ತುಗಳು) ಒಳ್ಳೆಯ ವಿದ್ಯುತ್ ನಿರೋಧಕಗಳಾಗಿರುತ್ತವೆ.

ಇನ್ಸ್ಯುಲೇಟರ್, ಥರ್ಮಲ್ – ಪ್ರತಿರೋಧಕ, ಉಷ್ಣತಾ –

ಉಷ್ಣತೆಯನ್ನು ಸರಾಗವಾಗಿ‌ (ಕೂಡಲೇ ಎಂಬಂತೆ) ತಮ್ಮೊಳಗೆ ಮತ್ತು ತಮ್ಮ ಮೂಲಕ ಹರಿಯಲು ಬಿಡದ ವಸ್ತುಗಳು.

 ಇಂಟಿಗ್ರೇಟೆಡ್‌ ಸರ್ಕ್ಯೂಟ್ – ಸಂಕಲಿತ ವಿದ್ಯುನ್ಮಂಡಲ – ಅನೇಕ ಬೇರೆ ಬೇರೆ ಅಂಗಗಳು‌ ತನ್ನೊಳಗೆ ಒಂದು ಘಟಕವಾಗುವಂತೆ ಸಂಕಲಿಸಿದ ವಿನ್ಯಾಸ ಇರುವಂತಹ ವಿದ್ಯುನ್ಮಂಡಲ.

ಇಂಟಿಗ್ರೇಟಿಂಗ್ ಮೀಟರ್ – ಸಂಕಲನ ಮಾಪಕ – ಅಳೆದಂತಹ ಒಂದು‌ ಪರಿಮಾಣವನ್ನು ಕಾಲಕ್ಕೆ ಸಂಬಂಧಿಸಿದ ರೀತಿಯಲ್ಲಿ ಸಂಕಲಿಸುವ ಉಪಕರಣ.

ಇಂಟಿಗ್ರೇಟರ್ – ಸಂಕಲನ( ಕೂಡುವ) ಯಂತ್ರ – ನಿರಂತರ ಕೂಡುವಿಕೆ  ಎಂಬ ಗಣಿತಕ್ರಿಯೆಯನ್ನು ಮಾಡಲು ಬಳಸುವ ಯಂತ್ರಚಾಲಕ‌ ಅಥವಾ ವಿದ್ಯುತ್ ಉಪಕರಣ.