ಕನ್ನಡ ಕನ್ನಡಿ

ಕ್ಯಾಪ್ ಲೈನ್ – ಕ್ಯಾಪ್ ಲೈನ್ – ಕಾಂತೀಯ ಬಲರೇಖೆಗಳ ಒಂದು‌ ಮೂಲಮಾನ. ಇದು 6000 ಮಾಕ್ಸ್ವೆಲ್ ಗಳಿಗೆ ಸಮ.

ಕ್ಯಾಥರೋಮೀಟರ್ -ಉಷ್ಣವಾಹಕತಾ ಮಾಪಕ – ಎರಡು ಅನಿಲಗಳ ಉಷ್ಣವಾಹಕತೆಗಳನ್ನು ಆ ಅನಿಲಗಳು ಸುತ್ತುವರಿದಿರುವಂತಹ ಕಾದ ಸುರುಳಿಗಳು ಕಳೆದುಕೊಳ್ಳುವ ಉಷ್ಣತೆಗಳನ್ನು ತುಲನೆ ಮಾಡುವ ಮೂಲಕ ಅಳೆಯುವಂತಹ ಒಂದು ಉಪಕರಣ.

ಕೇಸರ್ – ಅಲೆಯ ಸಂಖ್ಯೆಯ ಮೂಲಮಾನವಾಗಿ ಸ್ವೀಕೃತವಾದ ಒಂದು ಹೆಸರು. ಒಂದು ಸೆಂಟಿಮೀಟರ್ ನಲ್ಲಿ ಇರುವಂತಹ ಅಲೆಗಳ ಸಂಖ್ಯೆ ಇದು‌.

ಕೀಪರ್ – ಕಾಂತರಕ್ಷಕ‌ – ಶಾಶ್ವತ ಅಯಸ್ಕಾಂತವೊಂದನ್ನು ಬಳಸದೆ ಇಟ್ಟಿದ್ದಾಗ ಅದರ ಧ್ರುವಗಳನ್ನು ಬೆಸೆಯಲು ಬಳಸುವಂತಹ ಮೃದುಕಬ್ಬಿಣದ ಒಂದು ತುಂಡು. ಇದು ಕಾಂತಶಕ್ತಿಯ ಸೋರುವಿಕೆಯನ್ನು ತಡೆಯುವುದರ ಮೂಲಕ ಅಯಸ್ಕಾಂತೀಕರಣವನ್ನು ರಕ್ಷಿಸಿಟ್ಟಿರುತ್ತದೆ. 

ಕೆಲ್ವಿನ್ ಬ್ಯಾಲೆನ್ಸ್ – ಕೆಲ್ವಿನ್ ತ್ರಾಸ – ವಿದ್ಯುತ್ ಚಲನಾ ಅಮ್ಮೀಟರ್, ವೋಲ್ಟ್ ಮೀಟರ್ ಅಥವಾ ವ್ಯಾಟ್ ಮೀಟರ್. ಇದರಲ್ಲಿ ವಿದ್ಯುತ್ ಕಾಂತೀಯ ಬಲಗಳು ಚಲಿಸುತ್ತಿರುವ ಭಾರದಿಂದಾಗಿ ಗುರುತ್ವಕ್ಕೆ ಸಂಬಂಧಿಸಿದಂತೆ ಸಮತೋಲನಗೊಳಿಸಲ್ಪಡುತ್ತವೆ.

ಕೆಲ್ವಿನ್ ಎಫೆಕ್ಟ್ – ಕೆಲ್ವಿನ್ ಪರಿಣಾಮ – ಒಂದು ವಾಹಕದ ತಂತಿಯುದ್ದಕ್ಕೂ ಇರುವಂತಹ ತಾಪಮಾನದ ಏರಿಳಿತ ಶ್ರೇಣಿಯು ಆ ತಂತಿಯುದ್ದಕ್ಕೂ ವಿದ್ಯುತ್ ಸಾಮರ್ಥ್ಯದ ಏರಿಳಿತ ಶ್ರೇಣಿಯನ್ನುಂಟುಮಾಡುತ್ತದೆ‌.

ಕೆಲ್ವಿನ್ ಸ್ಟೇಟ್ ಮೆಂಟ್( ಸೆಕೆಂಡ್ ಲಾ ಆಫ್ ಥರ್ಮೋಡೈನಮಿಕ್ಸ್) –

ಕೆಲ್ವಿನ್ ರ ಹೇಳಿಕೆ –  ( ಉಷ್ಣಚಲನಾ ಶಾಸ್ತ್ರದ ಎರಡನೆಯ ನಿಯಮ) – ಶುದ್ಧಾಂಗ ಪರಿಪೂರ್ಣವಾದ ಒಂದು ತಾಪಯಂತ್ರವನ್ನು ನಿರ್ಮಿಸಲು ಸಾಧ್ಯವಿಲ್ಲ( ಉಷ್ಣತೆಯ ನಷ್ಟವು ಇದಕ್ಕೆ ಕಾರಣ).

ಕೆಲ್ವಿನ್, ಸಿಂಬಲ್ K – ಕೆಲ್ವಿನ್, ಸಂಕೇತ K – ಉಷ್ಣಚಲನೆಯ ತಾಪಮಾನದ ಎಸ್.ಐ. ಮೂಲಮಾನ ಇದು. ನೀರಿನ ತ್ರಿಬಿಂದು*ವಿನ 273.16 ರಲ್ಲಿ ಒಂದು ಭಾಗಕ್ಕೆ ಸಮ ಇದು‌. ಲಾರ್ಡ್ ಕೆಲ್ವಿನ್ ಎಂಬ ಬ್ರಿಟಿಷ್ ಗಣಿತಜ್ಞರ ನೆನಪಿನಲ್ಲಿ ‌ಇಟ್ಟ ಹೆಸರು. 

*ನೀರಿನ ತ್ರಿಬಿಂದು = ನೀರಿನ ಘನ, ದ್ರವ ಹಾಗೂ ಅನಿಲ ಸ್ಥಿತಿಗಳು ಸಮತೋಲನದಲ್ಲಿರುವಂತಹ ಒಂದು ಬಿಂದು.

ಕೆನೋಟ್ರಾನ್ – ಕೆನೋಟ್ರಾನು – ಹೆಚ್ಚಿನ ನಿರ್ವಾತವುಳ್ಳ ಒಂದು ದ್ವಿದ್ವಾರ. ಇದನ್ನು ಪ್ರಬಲ ಪರಿವರ್ತಕವಾಗಿ ಕೆಲಸ ಮಾಡುವಂತೆ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿರುತ್ತದೆ.‌

ಕೆಪ್ಲೇರಿಯನ್ ಟೆಲಿಸ್ಕೋಪ್ – ಕೆಪ್ಲರ್ ದೂರದರ್ಶಕ‌ – ಅತ್ಯಂತ ಸರ್ವೇಸಾಮಾನ್ಯವಾದ ವಕ್ರೀಭವನ ದೂರದರ್ಶಕ ಇದು( ಎರಡು ಮಸೂರಗಳನ್ನು ಹೊಂದಿರುತ್ತದೆ).