ರಾಸಾಯನಿಕ ಕಾಲನಿಗದೀಕರಣ – ಒಂದು ಪ್ರಯೋಗವಸ್ತುವಿನ ರಾಸಾಯನಿಕ ಸಂಯೋಜನೆಯನ್ನು ಅಳೆಯುವುದನ್ನು ಅವಲಂಬಿಸಿರುವ ಒಂದು ಕಾಲನಿಗದಿಯ ವಿಧಾನ ; ಉದಾಹರಣೆಗೆ ಹುಗಿದಿಟ್ಟ ಮೂಳೆಗಳ ಕಾಲನಿಗದಿ ಮಾಡಲು ಈ ವಿಧಾನವನ್ನು ಬಳಸಬಹುದು.

ರಾಸಾಯನಿಕ ಶಕ್ತಿ – ರಾಸಾಯನಿಕ ವಸ್ತುವೊಂದರಲ್ಲಿ ಸಂಗ್ರಹಗೊAಡಿರುವ ಶಕ್ತಿ. ಇದು ಇನ್ನೊಂದು ರೂಪಕ್ಕೆ ಬದಲಾಗಬಹುದು. ಒಂದು ರಾಸಾಯನಿಕ ವಸ್ತುವನ್ನು ಕಾಯಿಸಿದರೆ ರಾಸಾಯನಿಕ ಶಕ್ತಿಯು ಉಷ್ಣತೆಯಾಗಿ ಬದಲಾಗುತ್ತದೆ.

ರಾಸಾಯನಿಕ ಪಲ್ಲಟ – ರಾಸಾಯನಿಕ ಪರಿಣಾಮದಿಂದಾಗಿ ವರ್ಣಪಟಲದ ಶಿಖರಬಿಂದುವಿನಲ್ಲಿ ಉಂಟಾಗುವ ಬದಲಾವಣೆ.

ರಸಾಯನಾವರಣ – ಭೂಮಿಯ ಮೇಲ್ಮೈಯಿಂದ ಇಪ್ಪತ್ತು ಮೀಟರ್ ಎತ್ತರದಲ್ಲಿರುವಂತಹ ಹಾಗೂ ತನ್ನೊಳಗೆ ಅನೇಕ ಬೆಳಕು-ರಾಸಾಯನಿಕ ಕ್ರಿಯೆಗಳು ನಡೆಯುವಂತಹ,  ವಾತಾವರಣದ ಒಂದು ಪದರ. 

ಸಿ.ಜಿ.ಎಸ್. ಮೂಲಮಾನ ಪದ್ಧತಿ – ಸೆಂಟಿಮೀಟರ್, ಗ್ರಾಂ, ಮತ್ತು ಸೆಕೆಂಡುಗಳನ್ನು ಮೂಲಭೂತ ಮೂಲಮಾನವಾಗಿ ಉಳ್ಳ ಒಂದು ಮೂಲಮಾನ ವ್ಯವಸ್ಥೆ.

ಸರಣಿ ಕ್ರಿಯೆ – ಪರಮಾಣು ಬೀಜಕೇಂದ್ರದ ಸೀಳಿಕೆಗಳಲ್ಲಿ, ಕೆಲವು ಭಾರವಾದ ಬೀಜಕೇಂದ್ರಗಳು ನ್ಯೂಟ್ರಾನುಗಳನ್ನು ಹೀರಿಕೊಂಡು ಕಡಿಮೆ ಭಾರದ ಬೀಜಕೇಂದ್ರಗಳಾಗಿ ಒಡೆದುಕೊಳ್ಳುತ್ತವೆ. ಈ ಕ್ರಿಯೆಯಲ್ಲಿ ಮತ್ತೆ ಬಿಡುಗಡೆಯಾಗುವ ನ್ಯೂಟ್ರಾನುಗಳು ಉಳಿದ ಭಾರವಾದ ಬೀಜಕೇಂದ್ರಗಳ ಸೀಳಿಕೆಗೆ ಕಾರಣವಾಗುತ್ತವೆ. ಹೀಗಾಗಿ ಸೀಳಿಕೆಗಳ ಸರಣಿಯೇ ಉಂಟಾಗಿಬಿಡುತ್ತದೆ. ಇದನ್ನು ಸರಣಿಕ್ರಿಯೆ ಎಂದು ಕರೆಯುತ್ತಾರೆ.

ವಾಹಿನಿ – ಪ್ರಸಾರ ಕ್ರಿಯೆಯಲ್ಲಿ ವಿದ್ಯುತ್ ಅಲೆಗಳ ಪ್ರಸರಣಕ್ಕಾಗಿ ಅಥವಾ ಸ್ವೀಕಾರಕ್ಕಾಗಿ ಬಳಸುವ ನಿರ್ದಿಷ್ಟ ಆವರ್ತನಗಳ ಒಂದು ಕಟ್ಟು ಅಥವಾ ಒಂದು ನಿರ್ದಿಷ್ಟ ದಾರಿ.

ವಿದ್ಯುದಂಶ – ವಸ್ತುವಿನ ಮೂಲಭೂತ ಕಣಗಳ ಒಂದು ಮೂಲಭೂತ ಗುಣ¯ಕ್ಷಣವಿದು. ಇದರ ಮೂಲಮಾನ ಕೂಲಂಬ್. ಧನ ಮತ್ತು ಋಣ ಎಂದು ಎಂದು ರೂಢಿಗತವಾಗಿ ಕರೆಯುವ ಎರಡು ರೀತಿಯ ವಿದ್ಯುದಂಶಗಳಿರುತ್ತವೆ.