ಲೇವೋರೊಟೇಟರಿ – ಎಡಮುರಿ – ಧ್ರುವೀಕರಣದ ಮೇಲ್ಮೈಯನ್ನು ಎಡದಿಂದ ಬಲಕ್ಕೆ ತಿರುಗಿಸುವುದು‌.

ಲೇಬಲ್ – ಜಾಡುಪತ್ತೆ ಬೀಜಕೇಂದ್ರ – ಒಂದು ರಾಸಾಯನಿಕ ಕ್ರಿಯೆ ಅಥವಾ ಯಾವುದಾದರೂ ಒಂದು ಪ್ರಕ್ರಿಯೆಯನ್ನು ಜಾಡು ಹಿಡಿದು ಪರಿಶೀಲಿಸಲು ಬಳಸುವ ಒಂದು ಸ್ಥಿರ ಅಥವಾ ವಿಕಿರಣೀಯ ಬೀಜಕೇಂದ್ರ.

ಕೈಮೋಗ್ರಾಫ್ – ಅಲೆಮಾಪಕ – ನಿಯತಕಾಲಿಕ ಚಲನೆಗಳನ್ನು ಅದರಲ್ಲೂ ವಿಶೇಷವಾಗಿ ಸ್ನಾಯುಗಳಲ್ಲಿನ ನಿಯತಕಾಲಿಕ ಚಲನೆಗಳನ್ನು ದಾಖಲಿಸಲು ಬಳಸುವ ಒಂದು ಉಪಕರಣ.

ಕೋವಾರ್ – ಕೋವಾರ್ – ಕಬ್ಬಿಣ, ಕೋಬಾಲ್ಟ್ ಮತ್ತು ನಿಕ್ಕಲ್ ಗಳು ಸೇರಿರುವಂತಹ ಒಂದು ಮಿಶ್ರಲೋಹದ ವ್ಯಾಪಾರೀ ಹೆಸರು ಇದು‌.‌ ಈ ಮಿಶ್ರಲೋಹದ ಗುಣವು ಗಾಜಿನಂತೆಯೇ ಇರುತ್ತದೆ. ಉಷ್ಣತೆಯಲ್ಲಿ ತುಂಬ ವ್ಯತ್ಯಾಸಗಳುಂಟಾಗುತ್ತವೆ ಎಂಬ ನಿರೀಕ್ಷೆ ಇರುವ ಸನ್ನಿವೇಶಗಳಲ್ಲಿ ಇದನ್ನು ಬಳಸುತ್ತಾರೆ.‌

ನುಡ್ಸೆನ್ ಫ್ಲೋ‌ – ನುಡ್ಸೆನ್ ಹರಿವು – ತಾನಿರುವ ಪಾತ್ರೆಯ ಅಳತೆಗಿಂತ ಹೆಚ್ಚು ಸರಾಸರಿ ಮುಕ್ತ ಚಲನೆಯುಳ್ಳ ಪರಮಾಣುಗಳ ಹರಿವು ಇದು‌.

ನಾಕ್ ಆನ್ ಕೊಲಿಷನ್ – ನೂಕಿ ತಳ್ಳುವ ಢಿಕ್ಕಿ‌- ತುಂಬ ಹೆಚ್ಚಿನ ಶಕ್ತಿಯುಳ್ಳ ಕಣವು ಢಿಕ್ಕಿ ಹೊಡೆದದ್ದರಿಂದಾಗಿ‌ ಒಂದು ಮೂಲಭೂತ ಕಣ‌, ಅಥವಾ ಪರಮಾಣುವಿನ‌ ಬೀಜಕೇಂದ್ರವು ಚಲಿಸಲು ಪ್ರಾರಂಭಿಸಿದರೆ ಅಂತಹ ಢಿಕ್ಕಿಯನ್ನು ನೂಕಿ ತಳ್ಳುವ ಢಿಕ್ಕಿ ಎಂದು ಕರೆಯುತ್ತಾರೆ. ಎಲೆಕ್ಟ್ರಾನೊಂದು ತನ್ನ ಪಥದಿಂದ ತಳ್ಳಲ್ಪಡುವುದೂ ಇದೇ ಢಿಕ್ಕಿಯಿಂದ.

ನಾಕಿಂಗ್ – ಹೊಡೆತ ಶಬ್ದ – ಕೆಲವು ಸನ್ನಿವೇಶಗಳಲ್ಲಿ ಕಿಡಿ-ಪೆಟ್ರೋಲು ಆಧಾರಿತ ಚಾಲಕಯಂತ್ರದಿಂದ ಹುಟ್ಟುವಂತಹ, ಲೋಹ ಕುಟ್ಟಿದಂತೆ ಕೇಳಿಸುವ ಶಬ್ದ. ದಹನಪಾತ್ರೆಯಲ್ಲಿನ ಇನ್ನೂ ಸುಟ್ಟಿಲ್ಲದ ಸ್ಫೋಟಕ ಮಿಶ್ರಣದ ಶೀಘ್ರ ದಹನದಿಂದ ಈ ಶಬ್ಧ ಹುಟ್ಟುತ್ತದೆ.