ಕಿಲೋಟಾನ್ ವೆಪನ್ – ಕಿಲೋಟಾನ್ ಆಯುಧ – ಸಾವಿರ ಟನ್ ‘ಟಿ ಎನ್ ಟಿ'( ಟ್ರೈ ನೈಟ್ರೋ ಟಾಲಿನ್) ಸ್ಫೋಟ ಸಾಮರ್ಥ್ಯವುಳ್ಳ ಒಂದು ಅಣುಶಕ್ತಿ ಆಯುಧ.

ಕಿಲೋವ್ಯಾಟ್ ಅವರ್ ( ಸಿಂಬಲ್ kWh) – ಕಿಲೋವ್ಯಾಟ್ ಅವರ್ ( ಸಂಕಥೆತ kWh) – ವಿದ್ಯುಚ್ಛಕ್ತಿ ಯ ವ್ಯಾಪಾರೀ ಮೂಲಮಾನ. ಇದು 1 ಗಂಟೆಗೆ 1000 ವ್ಯಾಟ್ ಗಳನ್ನು ಬಳಸಿಕೊಳ್ಳುವುದಕ್ಕೆ ಸಮ.

ಕರ್ ಮ್ಯಾಗ್ನೆಟೋ ಆಪ್ಟಿಕ್ ಎಫೆಕ್ಟ್ ‌ – ಕರ್ ಕಾಂತ ದೃಶ್ಯಬೆಳಕು ಪರಿಣಾಮ – ವಿದ್ಯುತ್ ಕಾಂತವೊಂದರ ಉಜ್ಜಿ ಹೊಳಪುಗೊಳಿಸಿದ ಧ್ರುವವೊಂದರ ಮೂಲಕ ಪ್ರತಿಫಲಿತವಾದಾಗ, ತಾನು ಬೀಳುತ್ತಿರುವ ಮೇಲ್ಮೈಯಲ್ಲಿ ಅಥವಾ ಅದಕ್ಕೆ ಲಂಬವಾಗಿ ಧ್ರುವೀಕೃತವಾಗುವಂತಹ ಬೆಳಕು‌ ಅಂಡಾಕಾರದಲ್ಲಿ ಧ್ರುವೀಕೃತಗೊಳ್ಳುತ್ತದೆ.

ಕರ್ ಎಫೆಕ್ಟ್ – ಕರ್ ಪರಿಣಾಮ – ಒಂದು ಪ್ರಬಲವಾದ ವಿದ್ಯುತ್ ಕ್ಷೇತ್ರದಲ್ಲಿಟ್ಟಾಗ  ಕೆಲವು ಸಮವರ್ತಿ ವಸ್ತುಗಳು ಇಮ್ಮಡಿ ವಕ್ರೀಭವನದ ಪರಿಣಾಮವನ್ನು ಪ್ರದರ್ಶಿಸುತ್ತವೆ.  ಉದಾ:- ಬೆನ್ ಝೀನ್. ಈ ಪರಿಣಾಮವು ವಿದ್ಯುತ್ ಕ್ಷೇತ್ರದ ದ್ವಿಘಾತಕ್ಕೆ ಸಮಾನುಪಾತದಲ್ಲಿರುತ್ತದೆ. ಸ್ಕಾಟ್ಲೆಂಡ್ ನ ಜಾನ್ ಕರ್ ಎಂಬ ವಿಜ್ಞಾನಿಯು ಹತ್ತೊಂಬತ್ತನೆಯ ಶತಮಾನದಲ್ಲಿ ಕಂಡುಹಿಡಿದ ಪರಿಣಾಮ ಇದು.

ಕರ್ನೆಲ್ – ಪರಮಾಣು ತಿರುಳು – ತನ್ನ ಎಲ್ಲಾ ಅಂಚಿನೆಲಕ್ಟ್ರಾನುಗಳನ್ನು ಕಳೆದುಕೊಂಡ ಪರಮಾಣುಗಳನ್ನು ಪರಮಾಣು ತಿರುಳು ಎನ್ನುತ್ತಾರೆ‌.

ಕೆನೋಟ್ರಾನ್ – ಕೆನೋಟ್ರಾನು – ಹೆಚ್ಚಿನ ನಿರ್ವಾತವುಳ್ಳ ಒಂದು ದ್ವಿದ್ವಾರ. ಇದನ್ನು ಪ್ರಬಲ ಪರಿವರ್ತಕವಾಗಿ ಕೆಲಸ ಮಾಡುವಂತೆ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿರುತ್ತದೆ.‌

ಕೆಪ್ಲೇರಿಯನ್ ಟೆಲಿಸ್ಕೋಪ್ – ಕೆಪ್ಲರ್ ದೂರದರ್ಶಕ‌ – ಅತ್ಯಂತ ಸರ್ವೇಸಾಮಾನ್ಯವಾದ ವಕ್ರೀಭವನ ದೂರದರ್ಶಕ ಇದು( ಎರಡು ಮಸೂರಗಳನ್ನು ಹೊಂದಿರುತ್ತದೆ).

ಕೆಲ್ವಿನ್ ಸ್ಟೇಟ್ ಮೆಂಟ್( ಸೆಕೆಂಡ್ ಲಾ ಆಫ್ ಥರ್ಮೋಡೈನಮಿಕ್ಸ್) –

ಕೆಲ್ವಿನ್ ರ ಹೇಳಿಕೆ –  ( ಉಷ್ಣಚಲನಾ ಶಾಸ್ತ್ರದ ಎರಡನೆಯ ನಿಯಮ) – ಶುದ್ಧಾಂಗ ಪರಿಪೂರ್ಣವಾದ ಒಂದು ತಾಪಯಂತ್ರವನ್ನು ನಿರ್ಮಿಸಲು ಸಾಧ್ಯವಿಲ್ಲ( ಉಷ್ಣತೆಯ ನಷ್ಟವು ಇದಕ್ಕೆ ಕಾರಣ).