ಕನ್ನಡ ಕನ್ನಡಿ

ಫೋವಿಯಾ ( ಯೆಲ್ಲೋ‌ ಸ್ಪಾಟ್) – ಕುಳಿ ( ಹಳದಿ ಕುಳಿ) – ಅಕ್ಷಿ ಪರದೆಯ (ರೆಟಿನಾ) ಮೇಲೆ ಶಂಕುಗಳು ಅತಿ ಹೆಚ್ಚಾಗಿ, ಒತ್ತೊತ್ತಾಗಿ ಸಂಗ್ರಹಿತವಾಗಿರುವ ಒಂದು ಚಿಕ್ಕ ಪ್ರದೇಶ ಇದು (ಕಾಲು ಮಿಲಿಮೀಟರ್ ). ಕಣ್ಣಿನಲ್ಲಿ ದೃಷ್ಟಿಯು ಅತ್ಯಂತ ತೀಕ್ಷ್ಣ ವಾಗಿರುವ ಸ್ಥಳವೆಂದರೆ ಇದೇ. 

ಇನ್ ವರ್ಟರ್ ಗೇಟ್  ( ನಾಟ್ ಗೇಟ್) – ವಿಲೋಮ ಕವಾಟ – ಒಂದು ಸರಳ ವಿದ್ಯುನ್ಮಂಡಲ‌. ಇದನ್ನು, ಹೆಚ್ಚಿನ ಒಳಹಾಕುವ ವಿದ್ಯುತ್ತನ್ನು ಕಡಿಮೆ ಹೊರಬರುವ ವಿದ್ಯುತ್ತಾಗಿಸಲು ಮತ್ತು ಇದರ ವಿರುದ್ಧ ಕ್ರಿಯೆಯನ್ನು ಸಾಧ್ಯ ಮಾಡಲು ಬಳಸುತ್ತಾರೆ‌. ಸರಳ ತಾರ್ಕಿಕ ಪ್ರಕ್ರಿಯೆಗಳನ್ನು ಮಾಡಲು ಇಂತಹ ಸರಳವಾದ ವಿದ್ಯುನ್ಮಂಡಲ‌ಗಳನ್ನು ಬಳಸುತ್ತಾರೆ.

ಅಯಾನ್ ಸೌಂಡ್ – ವಿದ್ಯುದಣು ಶಬ್ಧ – ಪ್ಲಾಸ್ಮಾದಲ್ಲಿ ವಿದ್ಯುದಣುಗಳ ಉದ್ದುದ್ದ ಆಂದೋಲನಗಳಿಂದ ತುಂಬ ಕಡಿಮೆ ತರಂಗಾಂತರವಿರುವ ಅಲೆಗಳು ಹುಟ್ಟುತ್ತವೆ‌. ಇವನ್ನು ವಿದ್ಯುದಣು ಶಬ್ಧ ಎನ್ನುತ್ತಾರೆ‌.

ಕೈನೆಟಿಕ್ ಎನರ್ಜಿ‌- ( K. E.) – ಚಲನ ಶಕ್ತಿ( K.E.) – ತಾನು ಚಲಿಸುತ್ತಿರುವುದರಿಂದಾಗಿ ಒಂದು ವಸ್ತುವು ಹೊಂದಿರುವ ಶಕ್ತಿ.

ಬಿಂಬದೋಷ – ಒಂದು ಮಸೂರ(ಉಬ್ಬು ಗಾಜು, ಅಥವಾ ತಗ್ಗು ಗಾಜು) ಅಥವಾ ಕನ್ನಡಿಯಿಂದ ರೂಪುಗೊಂಡಂತಹ ಬಿಂಬದಲ್ಲಿರುವ ದೋಷ.

ನಿರ್ಜೀವಿಮೂಲ ಜೀವೋತ್ಪತ್ತಿ – ಜೀವವಿಲ್ಲದ ಕಣಗಳಿಂದ ಜೀವೋತ್ಪತ್ತಿ ಆಗಿರಬಹುದಾದ ಸಾಧ್ಯತೆಯ ಅಧ್ಯಯನ.

ಪರಮ ಶೂನ್ಯ – ಸೈದ್ಧಾಂತಿಕವಾಗಿ ಸಾಧ್ಯವಾಗಬಹುದಾದ ಅತಿ ಕನಿಷ್ಠ ಉಷ್ಣತೆ.

ವೇಗೋತ್ಕರ್ಷ – ದಿಶಾಯುತ ವೇಗ ಅಥವಾ ದಿಕ್ಕುಳ್ಳ ವೇಗ(ವೆಲಾಸಿಟಿ)ದಲ್ಲಿ  ಉಂಟಾಗುವ ಹೆಚ್ಚಳ.

ಸಂಗ್ರಾಹಕ ಕೋಶ – ವಿದ್ಯುತ್ ಹರಿಸುವುದರ ಮೂಲಕ ವಿದ್ಯುದಂಶ(ಚಾರ್‍ಜ್)ವನ್ನು ನೀಡಬಹುದಾದ ವಿದ್ಯುತ್ ಕೋಶ ಅಥವಾ ಬ್ಯಾಟರಿ ಇದು.

ರಂಗುರಹಿತ ಬಣ್ಣ – ಯಾವುದೇ ರಂಗಿಲ್ಲದ ಬಣ್ಣ, ಅಂದರೆ ಕಪ್ಪು, ಬಿಳಿ ಅಥವಾ ಬೂದು ಬಣ್ಣ