ಕನ್ನಡ ಕನ್ನಡಿ

 ಕ್ಯಾಲೊರಿ – ಒಂದು ಗ್ರಾಂ ನೀರಿನ ಉಷ್ಣತೆಯನ್ನು ಒಂದು ಡಿಗ್ರಿ ಸೆಂಟಿಗ್ರೇಡ್‌ಗೆ ಏರಿಸಲು ಬೇಕಾದ ತಾಪದ ಪ್ರಮಾಣ. ಹಳೆಯ ಕಾಲದ ಈ ಮೂಲಮಾನವನ್ನು ಈಗ ಜೌಲ್ ಎಂಬ ಹೊಸ ಮೂಲಮಾನದಿಂದ ಸ್ಥಳಾಂತರಿಸಲಾಗಿದೆ.

ಉಷ್ಣಮಾಪಕ – ತಾಪಶಕ್ತಿಯನ್ನು ಅಳೆಯಲು ಬಳಸುವ ಉಪಕರಣ.

ಛಾಯಾಚಿತ್ರಗ್ರಾಹಕ – ಛಾಯಾಚಿತ್ರಗಳನ್ನು ತೆಗೆಯಲು ಅಥವಾ ಚಲನಚಿತ್ರ ಬಿಂಬಗಳನ್ನು ಪ್ರಕಟಪಡಿಸಲು ಬಳಸುವ ಒಂದು ದೃಶ್ಯೋಪಕರಣ

ಕೆನಡಾ ಅಂಟು ಅಥವಾ ಗೋಂದು(ಗುಗ್ಗಳ) – ಗಾಜಿನಂತೆ ಕಾಣುವ ಹಳದಿ ಬಣ್ಣದ ಒಂದು ಅಂಟು ಪದಾರ್ಥ. ಸೂಕ್ಷದರ್ಶಕದಲ್ಲಿ ನೋಡಲಾಗುವ ವಸ್ತುಗಳನ್ನು ನೋಡುತಟ್ಟೆಗೆ ಏರಿಸುವಾಗ ಇದನ್ನು ಬಳಸುತ್ತಾರೆ. ಉತ್ತರ ಅಮೆರಿಕಾದ ಕಾಡುಗಳಲ್ಲಿ ಸಿಗುವ ಮರದಿಂದ ಇದನ್ನು ಪಡೆಯಲಾಗುವುದರಿಂದ ಈ ವಸ್ತುವಿಗೆ ಈ ಹೆಸರು ಬಂದಿದೆ.

ಕಾಲುವೆ ಕಿರಣಗಳು – ಋಣಧ್ರುವದಲ್ಲಿ ಚಿಕ್ಕ ಚಿಕ್ಕ ತೂತುಗಳನ್ನು ಮಾಡುವ ಮೂಲಕ, ವಿಸರ್ಜನ ಕೊಳವೆಯಿಂದ ಪಡೆದುಕೊಳ್ಳಲಾಗುವ ಧನ ಅಯಾನುಗಳ ಪ್ರವಾಹಗಳು.

ತನ್ನ ಒಂದು ಕಡೆಯಲ್ಲಿ ಜೋಡಿಸಲ್ಪಟ್ಟ ಹಾಗೂ ಇನ್ನೊಂದು ಕಡೆಯಲ್ಲಿ ಮುಕ್ತವಾಗಿರಲು ಬಿಟ್ಟಂತಹ ವೃತ್ತಾಕಾರದ ಅಥವಾ ಚೌಕಾಕಾರದ ತೊಲೆ. ಇದರ ಮುಕ್ತಭಾಗದ ಮೇಲೆ ಭಾರ ಬೀಳುತ್ತದೆ.

ವಿದ್ಯುತ್ ಸಾಮರ್ಥ್ಯ – ವಾಹಕಗಳ ನಡುವೆ ವಿದ್ಯುತ್ ಅಂತಃಸಾಮರ್ಥ್ಯದ ವ್ಯತ್ಯಾಸವಿದ್ದಾಗ ವಿದ್ಯುತ್ ವಾಹಕಗಳು ಹಾಗೂ ನಿರೋಧಕಗಳ ಒಂದು ವ್ಯವಸ್ಥೆಗಿರುವ ವಿದ್ಯುತ್ ಸಂಗ್ರಹದ ಸಾಮರ್ಥ್ಯ.

ಕೂದಲಗಲದಲ್ಲಿ ಚಲನೆ – ಕೂದಲಿನಷ್ಟು ಕಡಿಮೆ ವ್ಯಾಸವುಳ್ಳ ಅತಿ ತೆಳುವಾದ ಕೊಳವೆಗಳಲ್ಲಿ ದ್ರವಗಳು ಏರುವುದನ್ನು ಅಥವಾ ಇಳಿಯುವುದನ್ನು ವಿವರಿಸಲು ಬಳಸುವ ಪದ. 

ವಶ – ಕಣಗಳ ಒಂದು ವ್ಯವಸ್ಥೆಯು ತನ್ನದಾಗಿರದಿದ್ದ ಕಣವೊಂದನ್ನು ಹೊರಗಿನಿಂದ ಹೀರಿಕೊಳ್ಳುವ ಪ್ರಕ್ರಿಯೆಗಳಲ್ಲಿ ಯಾವುದಾದರೊಂದು ಪ್ರಕ್ರಿಯೆ.

ಕ್ಯಾರಟ್ – ಅ. ಚಿನ್ನದ ಶುದ್ಧತೆಯನ್ನು ಅಳೆಯುವ ಮೂಲಮಾನ. ಶುದ್ಧಚಿನ್ನವನ್ನು ೨೪ ಕ್ಯಾರಟ್‌ನದು   ಎನ್ನುತ್ತಾರೆ.