ಕನ್ನಡ ಕನ್ನಡಿ

ಕನ್ನಡಿಯುತ ದೂರದರ್ಶಕ – ತನ್ನ ಕೆಲಸ ಮಾಡಲು ಕನ್ನಡಿಯೊಂದನ್ನು ಬಳಸಿಕೊಳ್ಳುವ ಒಂದು ರೀತಿಯ ಪ್ರತಿಫಲಿಸುವ ದೂರದರ್ಶಕ.

ಎರಕ ಹೊಯ್ದ ಕಬ್ಬಿಣ – ೧.೮-೪.೫% ಇಂಗಾಲವನ್ನು ಹೊಂದಿರುವ ಕಬ್ಬಿಣದ ಮಿಶ್ರಲೋಹಗಳ ಒಂದು ಗುಂಪು. ಇವನ್ನು ನಿರ್ದಿಷ್ಟ ಆಕಾರ ಬರುವಂತೆ ಅಚ್ಚಿನಲ್ಲಿ ಎರಕ ಹೊಯ್ಯಬಹುದಾಗಿದೆ. 

ಕಂಬ ದೂರದರ್ಶಕ _ ವಿಂಗಡಣೆಯ ಗುರುತುಗಳನ್ನು ಮಾಡಿದಂತಹ ಕಂಬಕ್ಕೆ ಕಟ್ಟಿದ, ಮೇಲೆ ಕೆಳಗೆ ಚಲಸುವ ಸಾಮರ್ಥ್ಯವುಳ್ಳ ದೂರದರ್ಶಕ. ಕೆಲವು ಅಡಿಗಳ ಅಂತರದಲ್ಲಿ ಉಂಟಾಗುವ ಸ್ಥಾನಪಲ್ಲಟಗಳನ್ನು ಅಳೆಯಲು ಸಾಮಾನ್ಯವಾಗಿ ಇದನ್ನು ಬಳಸುತ್ತಾರೆ.

 ಋಣ ಧ್ರುವ ಅಥವಾ ಋಣ ವಿದ್ಯುತ್‌ಧ್ರುವ _ ತಾಪ ವಿದ್ಯುದಣು ಕವಾಟದಲ್ಲಿ (ಥರ್ಮಿಯಾನಿಕ್ ವಾಲ್ವ್) ಎಲೆಕ್ಟ್ರಾನುಗಳನ್ನು ಹೊರಸೂಸುವ ಆಕರ.

ಋಣಧ್ರುವ ಕಿರಣ ಬಿಂಬದರ್ಶಕ – ವಿದ್ಯುತ್‌ಪ್ರವಾಹವನ್ನು ಅಥವಾ ವಿದ್ಯುದಂಶವನ್ನು ಒಂದು ಪ್ರತಿದೀಪಕ (ಫ್ಲೋರೋಸೆಂಟ್) ಪರದೆಯ ಮೇಲೆ ತೋರಿಸುವ ಒಂದು ಉಪಕರಣ.

ಋಣಧ್ರುವ ಕಿರಣ ಬಿಂಬ ದರ್ಶಕ –  ವಿದ್ಯುತ್ ಪ್ರವಾಹವನ್ನು ಅಥವಾ  ವಿದ್ಯುದಂಶವನ್ನು ಒಂದು ಪ್ರತಿದೀಪಕ (ಫ್ಲೋರೋಸೆಂಟ್) ಪರದೆಯ ಮೇಲೆ ತೋರಿಸುವ ಒಂದು ಉಪಕರಣ.

ಋಣಧ್ರುವ ಕಿರಣಗಳು – ವಿದ್ಯುತ್ ಸೂಸುವ ಒಂದು ನಳಿಗೆಯಲ್ಲಿ ಅತ್ಯಂತ ಕಡಿಮೆ ಒತ್ತಡ ಇದ್ದು, ಅದರ ವಿದ್ಯುತ್ ಧ್ರುವಗಳ ನಡುವೆ ಹೆಚ್ಚಿನ ಚಾಲಕ ಶಕ್ತಿಯನ್ನು ಕೊಟ್ಟಾಗ, ಋಣಧ್ರುವದಿಂದ ಹೊರಸೂಸುವಂತಹ ಎಲೆಕ್ಟ್ರಾನುಗಳ ಕಿರಣಗಳು.

ಧನ ವಿದ್ಯುದಣು – ಧನ ವಿದ್ಯುದಂಶವುಳ್ಳ ಒಂದು ಪರಮಾಣು. 

 ಕಾಚಿಯವರ ಚದುರುವಿಕೆಯ ಸಿದ್ಧಾಂತ – ಬಹುತೇಕ ಸಂಗತಿಗಳಲ್ಲಿನ ಬೆಳಕಿನ ಚದುರುವಿಕೆಯನ್ನು ಸಾಕಷ್ಟು ಕರಾರುವಾಕ್ಕಾಗಿ ವಿವರಿಸುವ ಒಂದು ಸಿದ್ಧಾಂತ.

ಕಾರಣ ತತ್ವ ಅಥವಾ ಕಾರ್ಯಕಾರಣ ತತ್ವ _ ಪ್ರತಿಯೊಂದು ಪರಿಣಾಮಕ್ಕೂ ಕೂಡ ಹಿಂದೆ ನಡೆದ ಘಟನೆ ಅಥವಾ ಘಟನೆಗಳು ಕಾರಣ ಅನ್ನುವ ಸಿದ್ಧಾಂತ.