ಕನ್ನಡ ಕನ್ನಡಿ

ಫ್ರೀಝಿಂಗ್ ಮಿಕ್ಸ್ಚರ್‌ – ಹೆಪ್ಪುಗಟ್ಟುವ ಮಿಶ್ರಣ – ತುಂಬಾ ಶೀತತೆಯನ್ನು ಅಂದರೆ ಅತ್ಯಂತ ಕಡಿಮೆ ಉಷ್ಣತೆಯನ್ನು ಉತ್ಪತ್ತಿ‌ ಮಾಡಲು ಬಳಸುವಂತಹ ಒಂದು ವಸ್ತುಮಿಶ್ರಣ ಇದು. ಉದಾಹರಣೆಗೆ, ಮಂಜುಗಡ್ಡೆ ಮತ್ತು ಉಪ್ಪಿನ ಮಿಶ್ರಣ.

ಫ್ರೆಂಕೆಲ್ ಡಿಫೆಕ್ಟ್ – ಫ್ರೆಂಕೆಲ್ ದೋಷ – ಒಂದು ಹರಳಿನ ರಚನೆಯಲ್ಲಿ ಒಂದು ಪರಮಾಣು ಅಥವಾ ಒಂದು ವಿದ್ಯುದಣು ತನ್ನ ಸಾಮಾನ್ಯ ಸ್ಥಾನದಿಂದ ತೆಗೆದುಹಾಕಲ್ಪಟ್ಟು, ಪರಮಾಣು ಸಾಲು ಮತ್ತು ವಿದ್ಯುದಣುಗಳ ಸಾಲಿನ ಮಧ್ಯೆ ಸ್ಥಿತಗೊಳ್ಳುವಂಥದ್ದು.

ಫ್ರೀಕ್ವೆನ್ಸಿ – ಆವರ್ತನ – ಒಂದು ನಿಯತರೀತಿಯ ಘಟನೆಯ ಪುನರಾವರ್ತನೆಯ ಗತಿಲೆಕ್ಕ. ಸೆಕೆಂಡೊಂದಕ್ಕೆ ಅಲೆ ಅಥವಾ ಇನ್ಯಾವುದಾದರೂ ಆಂದೋಲನ ಅಥವಾ ಕಂಪನಗಳ ಸುತ್ತುಗಳ ಸಂಖ್ಯೆ.

ಫ್ರೀಕ್ವೆನ್ಸಿ ಡಿವೈಡರ್ – ಆವರ್ತನ ವಿಭಾಜಕ – ತಾನು‌ ಪಡೆಯುತ್ತಿರುವ ಆವರ್ತನದ ನಿಖರ ಉಪಗುಣಕವಾಗಿರುವಂತಹ ಆವರ್ತನವನ್ನು ಕೊಡುವಂತಹ ಒಂದು ವಿದ್ಯುತ್ ಉಪಕರಣ.

ಫ್ರೀಕ್ವೆನ್ಸಿ ಮೀಟರ್‌ – ಆವರ್ತನ ಮಾಪಕ – ಪರ್ಯಾಯ ವಿದ್ಯುತ್ತಿನ ಆವರ್ತನವನ್ನು ಅಳೆಯುವ ಒಂದು ಉಪಕರಣ.

ಪ್ರಸ್ನೆಲ್ – ಫ್ರೆಸ್ನೆಲ್ – ಆವರ್ತನದ ಒಂದು ಮೂಲಮಾನ ಇದು.‌ 1000000000000 ಹರ್ಟ್ಝ್ ಗೆ ಸಮ ಹಾಗೂ ಒಂದು ಟೆರಾ ಹರ್ಟ್ಝ್ ಗೆ ಸಮ‌‌. ಇದು ಎ.ಜೆ.ಫ್ರೆಸ್ನೆಲ್ ( 1788-1827) ಎಂಬ ಫ್ರೆಂಚ್ ವಿಜ್ಞಾನಿಯ ನೆನಪಿನಲ್ಲಿ ಇಟ್ಟ ಹೆಸರು .

ಫ್ರೆಸ್ನೆಲ್ಸ್ ಡಿಫ್ರ್ಯಾಕ್ಷನ್ – ಫ್ರಸ್ನೆಲ್ ಹಬ್ಬುವಿಕೆ – ಇದು ಒಂದು ರೀತಿಯ (ಬೆಳಕಿನಲೆಯ) ಹಬ್ಬುವಿಕೆ. ಇದರಲ್ಲಿನ ಅಲೆಮುಖವು ಸಮತಲವಾಗಿರುವುದಿಲ್ಲ, ಬಾಗಿರುತ್ತದೆ.

 ಫ್ರೆಸ್ನೆಲ್ ಲೆನ್ಸ್ – ಫ್ರೆಸ್ನೆಲ್ ಮಸೂರ – ಒಂದು ರೀತಿಯ ಮಸೂರ ಇದು.‌ ಇದರ ಒಂದು ಮೇಲ್ಮೈಯನ್ನು ಮೆಟ್ಟಿಲು ಮೆಟ್ಟಿಲಾಗಿ ಕತ್ತರಿಸಿರುತ್ತಾರೆ. ಇದರಿಂದಾಗಿ ಈ ಮಸೂರದಿಂದ ಇನ್ನೂ ದಪ್ಪ, ಭಾರ ಹಾಗೂ ದುಬಾರಿಯಾದ ಸಾಂಪ್ರದಾಯಿಕ ಮಸೂರದ ಮೂಲಕ ಆಗುವಂತಹ ಬೆಳಕಿನ ವಕ್ರೀಭವನ ಉಂಟಾಗುತ್ತದೆ.

ಫ್ರಿಕ್ಷನ್ – ಘರ್ಷಣೆ ( ತಿಕ್ಕಾಟ) – ಸಂಪರ್ಕದಲ್ಲಿರುವ ಎರಡು ಮೇಲ್ಮೈಗಳ ಸಂಬಂಧಿತ ( ರಿಲೇಟಿವ್) ಚಲನೆಯನ್ನು ವಿರೋಧಿಸುವ ಬಲ.

ಫ್ರಿಂಜಸ್ – ಕಪ್ಪು ಬಿಳುಪು ಪಟ್ಟಿಗಳು – ಬೆಳಕಿನಲೆಯ ಹಬ್ಬುವಿಕೆ ಅಥವಾ ಅಡ್ಡ ಹಾಯುವಿಕೆಯಿಂದ ಉಂಟಾದ ಸಮಾನಾಂತರ ಕಪ್ಪು ಬಿಳುಪು ಪಟ್ಟಿಗಳು( ಪಟ್ಟಿಯಂತಹ ಪ್ರದೇಶಗಳು).