ಕನ್ನಡ ಕನ್ನಡಿ

ಐಡಿಯಲ್ ಗ್ಯಾಸ್ ( ಪರ್ಫೆಕ್ಟ್ ಗ್ಯಾಸ್) – ಆದರ್ಶ ಅನಿಲ ( ಪರಿಪೂರ್ಣ ಅನಿಲ) – ಬಾಯ್ಲ್ ನ ನಿಯಮವನ್ನು ಪಾಲಿಸುವ ಅನಿಲ. ಇದಕ್ಕೆ ತನ್ನ ಪರಿಮಾಣದ ಮೇಲೆ ಯಾವ ಅವಲಂಬನೆಯೂ ಇರದಂತಹ ಆಂತರಿಕ ಶಕ್ತಿ ಇರುತ್ತದೆ.

ಇಗ್ನಿಷನ್ ಟೆಂಪರೇಚರ್ – ಉರಿ ಹತ್ತುವ ಉಷ್ಣಾಂಶ – ಒಂದು ವಸ್ತುವು ಹತ್ತಿಕೊಂಡು ಉರಿಯಲು ಬೇಕಾದಂತಹ ಉಷ್ಣಾಂಶ.

ಇಲ್ಯೂಮಿನೆನ್ಸ್ ( ಇಲ್ಯೂಮಿನೇಷನ್), ಸಿಂಬಲ್ ‘E’ – ಪ್ರಕಾಶ, ಸಂಕೇತ ‘E’ – ಕಣ್ಣಿಗೆ ಕಾಣುವ ಬೆಳಕಿನ ರೂಪದಲ್ಲಿರುವ ಶಕ್ತಿ. ಇದನ್ನು lux ಎಂಬ ಮೂಲಮಾನದಿಂದ ಅಳೆಯುತ್ತಾರೆ.

ಇಮೇಜ್ – ಬಿಂಬ – ಮಸೂರ, ಕನ್ನಡಿ ಅಥವಾ ಇನ್ಯಾವುದಾದರೂ ದೃಶ್ಯಸಂಬಂಧೀ ಉಪಕರಣದಿಂದ ಮೂಡಿಸಿದಂತಹ,  ವಸ್ತುವೊಂದರ ರೂಪ.

ಇಮೇಜ್ ಫೋರ್ಸ್ – ಪ್ರತಿಬಿಂಬ ಬಲ ಅಥವಾ ಪ್ರತಿ ಬಲ‌ – ಒಂದು ವಿದ್ಯುದಂಶವು ತನ್ನ ಸಮೀಪ ಇರುವ ವಾಹಕಗಳು ಅಥವಾ ಅವಾಹಕಗಳಲ್ಲಿ ಪ್ರಚೋದಿಸುವ ವಿದ್ಯುದಂಶಗಳಿಂದಾಗಿ, ಆ ವಿದ್ಯುದಂಶದ ಮೇಲೆ ಉಂಟಾಗುವ ಅಥವಾ ವರ್ತಿಸುವ ಬಲ.

ಇಮೇಜ್ ಪ್ಲೇನ್ – ಬಿಂಬ ಮೇಲ್ಮೈ – ಬಿಂಬವನ್ನು ಕೇಂದ್ರವಗಿ  ಹೊಂದಿರುವ ಅಕ್ಷಕ್ಕೆ ಲಂಬವಾಗಿರುವ ಮೇಲ್ಮೈ.

ಇಮೇಜ್ ಸ್ಪೇಸ್ – ಬಿಂಬ ರೂಪಣಾ ಸ್ಥಳ ( ಜಾಗ) – ಒಂದು ದೃಶ್ಯ ವಿಜ್ಞಾನ ವ್ಯವಸ್ಥೆಯಲ್ಲಿ ನಿಜವಾದ ಅಥವಾ ನಿಜಭಾಸ( ವರ್ಚುಯಲ್)  ಬಿಂಬಗಳನ್ನು ರೂಪಿಸುವಂತಹ ಜಾಗ.

ಇಮ್ಯಾಜಿನರಿ ನಂಬರ್ – ಕಲ್ಪಿತ ಸಂಖ್ಯೆ – -1 ರ ವರ್ಗಮೂಲದ ಗುಣಕವಾಗಿರುವ ಒಂದು‌ ಸಂಖ್ಯೆ‌. ಇದನ್ನು ‘i’ ಯಿಂದ ಸೂಚಿಸಲಾಗುತ್ತದೆ‌.

ಇಮ್ಮರ್ಶನ್ ಆಬ್ಜೆಕ್ಟಿವ್ – ಮುಳುಗಿಸಿಟ್ಟ ಮಸೂರ – ಸೂಕ್ಷ್ಮದರ್ಶಕದಲ್ಲಿ ಇರುವಂತಹ ಹೆಚ್ಚಿನ ಸಾಮರ್ಥ್ಯವುಳ್ಳ ಒಂದು ರೀತಿಯ ವಸ್ತುಮಸೂರ ಇದು. ( ವಸ್ತು ಮಸೂರ = ನೋಡುತ್ತಿರುವ ವಸ್ತುವಿಗೆ ಅತ್ಯಂತ ಹತ್ತಿರ ಇರುವ ಮಸೂರ).

ಇಂಪ್ಯಾಕ್ಟ್ ಸ್ಟ್ರೆಂಗ್ತ್  – ಒಂದು ವಸ್ತುವಿಗೆ ಇರುವ ಆಘಾತಧಾರಣ ಸಾಮರ್ಥ್ಯ ( ಇದ್ದಕ್ಕಿದ್ದಂತೆ ಉಂಟಾಗುವ ಆಘಾತವನ್ನು ತಡೆದುಕೊಳ್ಳುವ ಶಕ್ತಿ).