ಕನ್ನಡ ಕನ್ನಡಿ

ಅಯಾನೈಸಿಂಗ್ ರೇಡಿಯೇಷನ್ – ವಿದ್ಯುದಣು ನಿರ್ಮಾಣ ವಿಕಿರಣ – ಒಂದು ವ್ಯವಸ್ಥೆಯಲ್ಲಿ ವಿದ್ಯುದಣು ನಿರ್ಮಾಣ ಮಾಡಲು ಬೇಕಾದಷ್ಟು ಶಕ್ತಿಯನ್ನು ಹೊಂದಿರುವಂತಹ ವಿಕಿರಣ.

ಅಯಾನೋಸ್ಫಿಯರ್ – ವಿದ್ಯುದಣು ಮಂಡಲ – ಭೂಮಿಯ ಹವಾಮಾನದ ಎತ್ತರದ ಮಟ್ಟಗಳಲ್ಲಿ ರೇಡಿಯೋ ಅಲೆಗಳನ್ನು ( ಒಂದು ರೀತಿಯ ವಿದ್ಯುತ್ಕಾಂತೀಯ ಅಲೆಗಳಿವು)  ಪ್ರತಿಫಲಿಸುವ ಹಾಗೂ ತನ್ಮೂಲಕ ರೇಡಿಯೋ ಪ್ರಸಾರವನ್ನು ಸಾಧ್ಯ ಮಾಡುವ ಪ್ರದೇಶ.

ಇರ್ರಿವರ್ಸೆಬಲ್ ಪ್ರೋಸೆಸ್ – ಹಿಮ್ಮರಳಿಸಲಾಗದ ಪ್ರಕ್ರಿಯೆ – ಕ್ರಿಯೆ ನಡೆಯುವಾಗ ಯಾವ ಹಂತಗಳ ಸರಣಿ‌ ಜಾರಿಯಾಗಿತ್ತೋ ಅದೇ ಸರಣಿಯಲ್ಲಿ ತನ್ನ ಮೂಲಸ್ಥಿತಿಗೆ ಮರಳಲಾಗದ ಪ್ರಕ್ರಿಯೆ. ಎಲ್ಲ ನಿಜ ಕ್ರಿಯೆಗಳೂ ತಮ್ಮ ಗುಣಸ್ವಭಾವದಲ್ಲಿ ಮರಳಿಸಲಾಗದ ಪ್ರಕ್ರಿಯೆಗಳೇ ಆಗಿರುತ್ತವೆ.

ಐಸೆನ್ಥಾಲ್ಪಿಕ್ ಪ್ರೋಸೆಸ್ – ಸಮಶಾಖ ಪ್ರಮಾಣ  ಪ್ರಕ್ರಿಯೆ – ಶಾಖಪ್ರಮಾಣದಲ್ಲಿ ಯಾವುದೇ ಬದಲಾವಣೆ ಇಲ್ಲದೆ ನಡೆಯುವ ಪ್ರಕ್ರಿಯೆ, ಅಂದರೆ, ಇದರಲ್ಲಿನ ಒಟ್ಟು ಉಷ್ಣ ಶಕ್ತಿಯು ಸ್ಥಿರವಾಗಿಯೇ ಉಳಿಯುತ್ತದೆ.

ಐಸೆನ್ ಟ್ರೋಪಿಕ್ ( ಅಡಿಯಾಬ್ಯಾಟಿಕ್)

ಪ್ರೋಸೆಸ್ –  ಶಕ್ತಿವಿನಿಮಯ ರಹಿತ ಪ್ರಕ್ರಿಯೆ – ವ್ಯವಸ್ಥೆಯಲ್ಲಿರುವ ಶಕ್ತಿಯು ಹೊರಗೆ ಹೋಗದೆ, ಹೊರಗಿನಿಂದ ಶಕ್ತಿಯು ಒಳಗೆ ಪ್ರವೇಶಿಸದೆ ಇರುವ ಪ್ರಕ್ರಿಯೆ.

ಐಸೋಬಾರ್ – ಸಮ ಒತ್ತಡ/ಸಮಭಾರಿ – 

(ಅ) ನಕ್ಷೆಯಲ್ಲಿ ಸಮಾನ ಹವಾಮಾನ ಒತ್ತಡವುಳ್ಳ ಸ್ಥಳಗಳ ಮೂಲಕ ಹಾದುಹೋಗುವ ಒಂದು ರೇಖೆ.

(ಆ) ಒಂದೇ ದ್ರವ್ಯರಾಶಿ ಸಂಖ್ಯೆ ಇದ್ದು ಬೇರೆ ಬೇರೆ ಪರಮಾಣು ಸಂಖ್ಯೆಯುಳ್ಳ ಎರಡು ಅಥವಾ ಅದಕ್ಕಿಂತ ಹೆಚ್ಚಿನ ನ್ಯೂಕ್ಲೈಡು( ಒಂದು ರೀತಿಯ ಪರಮಾಣು)ಗಳು.

ಐಸೋಕ್ರೋನಸ್ ಸರ್ಕ್ಯೂಟ್ಸ್ – ಸಮಕಂಪನ ವಿದ್ಯುನ್ಮಂಡಲಗಳು – ಎರಡು ವಿದ್ಯುನ್ಮಂಡಲಗಳು ಒಂದೇ ಕಂಪನಾವರ್ತನ ಕಾಲ ( resonant frequency) ವನ್ನು ಹೊಂದಿದ್ದರೆ ಅವುಗಳನ್ನು ಸಮಕಂಪನ ವಿದ್ಯುನ್ಮಂಡಲಗಳು ಎನ್ನುತ್ತಾರೆ.

ಐಸೋಕ್ಲಿನಿಕ್ ಲೈನ್ – ಸಮ ಇಳಿಜಾರುಯುತ ರೇಖೆ – ಭೂಮಿಯ ಮೇಲ್ಮೈಯ ಮೇಲೆ ಸಮ ಇಳಿಜಾರು ಕೋನಗಳುಳ್ಳ ಬಿಂದುಗಳನ್ನು ಸೇರಿಸುವ ಒಂದು ರೇಖೆ.

ಸಮಬಲ ರೇಖೆ – ಭೂಮಿಯ ಮೇಲ್ಮೈಯಲ್ಲಿ ಒಟ್ಟು ಕಾಂತಕ್ಷೇತ್ರಬಲವು ಒಂದೇ ಆಗಿರುವ ಬಿಂದುಗಳನ್ನು ಸೇರಿಸುವಂತಹ ಒಂದು ಕಲ್ಪಿತ ರೇಖೆ.

ಐಸೋಗಾನಿಕ್ ಲೈನ್ ( ಐದೋಗಾನಲ್) – ಭೂಮಿಯ ಮೇಲ್ಮೈಯಲ್ಲಿ ಸಮಬಾಗುವಿಕೆಯುಳ್ಳ ಬಿಂದುಗಳನ್ನು ಸೇರಿಸುವ ಕಲ್ಪಿತ ರೇಖೆ.