ಅಸಮದೃಷ್ಟಿ – ಸರ್ವೇಸಾಮಾನ್ಯವಾದ ಒಂದು ದೃಷ್ಟಿದೋಷ ಇದು. ಒಂದೇ ದೂರದಲ್ಲಿರುವ ಉದ್ದುದ್ದಕ್ಕಿರುವ ಹಾಗೂ ಅಡ್ಡಡ್ಡಕ್ಕಿರುವ ವಸ್ತುಗಳನ್ನು ಒಟ್ಟಿಗೇ ನೋಡಿದಾಗ ಅವನ್ನು ಬೇರೆ ಬೇರೆಯಾಗಿ ಗ್ರಹಿಸಲು ಸಾಧ್ಯವಾಗದ ದೃಷ್ಟಿದೋಷ.

ಖಗೋಳ ವಿಜ್ಞಾನ – ಭೂಮಿಯ ವಾತಾವರಣದ ಆಚೆಗೆ ಇರುವ ವಿಶ್ವದ ಅಧ್ಯಯನ.

ವಕ್ರಾಕರ್ಷಿತ ಸರಳರೇಖೆ – ಅನಂತದೆಡೆಗೆ ಸಾಗುತ್ತಿರುವ ವಕ್ರರೇಖೆಯೊಂದನ್ನು ಮುಟ್ಟಲು ಯತ್ನಿಸುತ್ತಿರುವ ಸರಳರೇಖೆ.

ಪರಮಾಣು ಗಡಿಯಾರ – ಪರಮಾಣು ಅಥವಾ ಅಣುಗಳಲ್ಲಿ ಕಾಣುವ ನಿಯತಕಾಲಿಕ ಗುಣಸ್ವಭಾವಗಳ ಆಧಾರದ ಮೇಲೆ ಕಾಲವನ್ನು ಅಳೆಯಲು ಅಥವಾ ಪ್ರಮಾಣೀಕರಿಸಲು ಬಳಸುವ ಉಪಕರಣ.

ಪರಮಾಣು – ಒಂದು ರಾಸಾಯನಿಕ ಕ್ರಿಯೆಯಲ್ಲಿ ಭಾಗವಹಿಸಬಲ್ಲಷ್ಟು ಪ್ರಮಾಣದಲ್ಲಿರುವಂತಹ ಮೂಲವಸ್ತುವಿನ ಅತಿ ಚಿಕ್ಕ ಭಾಗ.

ಕ್ಯಾಮೆರಾಕಿಂಡಿ – ಒಂದು ಛಾಯಾಗ್ರಾಹಕ ಯಂತ್ರ(ಕ್ಯಾಮೆರಾ)ದ ಮಸೂರದಲ್ಲಿ ಬೆಳಕನ್ನು ಒಳಗೆ ಬಿಟ್ಟುಕೊಳ್ಳುವ ಕಿಂಡಿ. ಎಷ್ಟು ಬೆಳಕು ಒಳಗೆ ಬರುತ್ತದೆ ಎಂಬುದು ಈ ಮಸೂರದ ವ್ಯಾಸವನ್ನು ಅವಲಂಬಿಸಿರುತ್ತದೆ.

 ದೂರಬಿಂದು – ಒಂದು ಗ್ರಹ, ಧೂಮಕೇತು ಅಥವಾ ಕೃತಕ ಉಪಗ್ರಹದ ಕಕ್ಷೆಯಲ್ಲಿ ಸೂರ್ಯನಿಂದ ಗರಿಷ್ಠ ದೂರದಲ್ಲಿರುವ ಬಿಂದು.

ಕಣ್ಣು ದ್ರವ – ಕಣ್ಣಿನಲ್ಲಿ ಕಣ್ಣುಗುಡ್ಡೆಯ ಹಿಂದಿನ ಪಾರದರ್ಶಕ ಭಾಗ ಮತ್ತು ಮಸೂರದ ನಡುವೆ ಇರುವ ದ್ರವ.