ನಿಷ್ಕಾಂತಗೊಳಿಸುವಿಕೆ – ಒಂದು‌ ವಸ್ತುವಿನ ಕಾಂತಕ್ಷೇತ್ರವನ್ನು ಅದಕ್ಕೆ ಸಮವಾಗಿರುವ ಮತ್ತು ಅದರ ವಿರುದ್ಧ ದಿಕ್ಕಿನಲ್ಲಿರುವ ಕಾಂತಕ್ಷೇತ್ರದ ಬಳಕೆಯಿಂದ ತಟಸ್ಥಗೊಳಿಸುವುದು.

ಜೋಡಣೆ ಕಳಚುವಿಕೆ – ವಿದ್ಯುನ್ಮಂಡಲವೊಂದರಿಂದ ಯಾವುದಾದರೂ ಭಾಗವನ್ನು ತೆಗೆದುಬಿಡುವುದು.

ಇಳಿಜಾರು ಮಾಪಕ‌ – ಅಯಸ್ಕಾಂತೀಯ ಇಳಿಜಾರನ್ನು ಅಳೆಯಲು‌ ಬಳಸುವ ಉಪಕರಣ.

ವಿನಾಶ – ಒಂದು ವಿಕಿರಣ ಬೀಜಕೇಂದ್ರವು ಇನ್ನೊಂದು ವಿಕಿರಣ ಬೀಜಕೇಂದ್ರವಾಗಿ‌ ಮಾರ್ಪಾಟುಗೊಳ್ಳುವುದು.

ಡಾಲ್ಟನ್ ರ ನಿಯಮ – ಅನಿಲಗಳ ಒಂದು‌ ಮಿಶ್ರಣದ ಒತ್ತಡವು ಆ ಮಿಶ್ರಣದಲ್ಲಿನ ಪ್ರತಿ ಬಿಡಿ ಅನಿಲದ ಒತ್ತಡಗಳ ಒಟ್ಟು ಮೊತ್ತವಾಗಿರುತ್ತದೆ  ಎಂದು ಸೂಚಿಸುವ ನಿಯಮವಿದು.

ಮಗಳು – ಒಂದು  ಬೀಜಕೇಂದ್ರದ ವಿಭಜನೆಯಿಂದ ಹುಟ್ಟಿದ ಇನ್ನೊಂದು ಬೀಜಕೇಂದ್ರ.

ಡಿ ಬ್ರಾಗ್ಲಿ ಅಲೆ  – ಪ್ರೋಟಾನು ಅಥವಾ ಎಲೆಕ್ಟ್ರಾನಿನಂತಹ ಒಂದು‌ ಕಣಕ್ಕೆ ಸಂಬಂಧಿಸಿದ ಅಲೆ.‌1924 ರಲ್ಲಿ ಲೂಯಿಸ್ ಡಿ ಬ್ರಾಗ್ಲಿಯವರು ಇದರ ಪ್ರಸ್ತಾಪ ಮಾಡಿದರು.

ಅತಿ ಕುಗ್ಗಿದ – ಗ್ಯಾಲ್ವನೋಮೀಟರಿನಂತಹ ಉಪಕರಣದಲ್ಲಿನ ಆಂದೋಲನಗಳು ಅತ್ಯಂತ ಕಡಿಮೆ ಸಮಯದಲ್ಲಿ ನಿಂತು ಹೋದಾಗ ಅದನ್ನು ಅತಿ ಕುಗ್ಗಿದ ಸ್ಥಿತಿಯದ್ದು ಎನ್ನುತ್ತಾರೆ.