ರಾಸಾಯನಿಕ ಅಂತಃಸಾಮರ್ಥ್ಯ – ಒಂದು ಮಿಶ್ರಣದಲ್ಲಿನ ಒಂದು ವಸ್ತುವಿನ ರಾಸಾಯನಿಕ ಅಂತಃಸಾಮರ್ಥ್ಯ.

ರಾಸಾಯನಿಕ ತೇವಾಂಶಮಾಪಕ – ಒಂದು ಅನಿಲ ಅಥವಾ ಗಾಳಿಯ ತೇವಾಂಶವನ್ನು ಅಳೆಯಲು ಬಳಸುವ ಉಪಕರಣ.

ಮುಖ್ಯ ಕಿರಣ – ಒಂದು ವಸ್ತುವಿನಿಂದ ಹೊರಟು ನಮ್ಮ ಕಣ್ಣುಪಾಪೆಯ ಮಧ್ಯಭಾಗಕ್ಕೆ ತಲುಪುವ ಕಿರಣಪುಂಜದಲ್ಲಿನ ಮಧ್ಯದಲ್ಲಿರುವ ಒಂದು ಪ್ರಾತಿನಿಧಿಕ ಕಿರಣ

ಚಿ-ಮೆಸಾನು – ಪರಮಣುವಿನೊಳಗೆ ಇರುವ ಒಂದು ಸಣ್ಣ ಕಣ. ಇದು ಬೋಸಾನುಗಳ ಗುಂಪಿಗೆ ಸೇರುತ್ತದೆ.

ಮೈಕ್ರೋಚಿಪ್ಪು – ತುಂಬ ಪುಟ್ಟದಾಗಿರುವ ಒಂದು ಅರೆವಾಹಕ. ಇದು ಸಂಕಲಿತ ವಿದ್ಯುನ್ಮಂಡಲದ ಟ್ರಾನ್ಸ್ಮೀಟರನ್ನು ಅಥವಾ ನಿರೋಧಕವನ್ನು ಒಳಗೊಂಡಿರುತ್ತದೆ. 

ವಿದ್ಯುದಂಶ ಸಾಂದ್ರತೆ – ವಸ್ತುವೊಂದರ ಏಕಮಾನ ಉದ್ದದಲ್ಲಿ ಅಥವಾ ಏಕಮಾನ ವಿಸ್ತೀರ್ಣದಲ್ಲಿ, ಅದರ ಏಕಮಾನ ಪರಿಮಾಣದಲ್ಲಿ ಇರುವಂತಹ ವಿದ್ಯುದಂಶ.

ರಾಸಾಯನಿಕ ಕಾಲನಿಗದೀಕರಣ – ಒಂದು ಪ್ರಯೋಗವಸ್ತುವಿನ ರಾಸಾಯನಿಕ ಸಂಯೋಜನೆಯನ್ನು ಅಳೆಯುವುದನ್ನು ಅವಲಂಬಿಸಿರುವ ಒಂದು ಕಾಲನಿಗದಿಯ ವಿಧಾನ ; ಉದಾಹರಣೆಗೆ ಹುಗಿದಿಟ್ಟ ಮೂಳೆಗಳ ಕಾಲನಿಗದಿ ಮಾಡಲು ಈ ವಿಧಾನವನ್ನು ಬಳಸಬಹುದು.

ರಾಸಾಯನಿಕ ಶಕ್ತಿ – ರಾಸಾಯನಿಕ ವಸ್ತುವೊಂದರಲ್ಲಿ ಸಂಗ್ರಹಗೊAಡಿರುವ ಶಕ್ತಿ. ಇದು ಇನ್ನೊಂದು ರೂಪಕ್ಕೆ ಬದಲಾಗಬಹುದು. ಒಂದು ರಾಸಾಯನಿಕ ವಸ್ತುವನ್ನು ಕಾಯಿಸಿದರೆ ರಾಸಾಯನಿಕ ಶಕ್ತಿಯು ಉಷ್ಣತೆಯಾಗಿ ಬದಲಾಗುತ್ತದೆ.