ಬೆಕ್ವೆರಲ್ ಕಿರಣಗಳು – ಯುರೇನಿಯಂ ಸಂಯುಕ್ತಗಳು ತಾವಾಗಿ ತಾವೇ ಸಹಜವಾಗಿ ಹೊರಸೂಸುವ ಆಲ್ಫಾ, ಬೀಟಾ ಮತ್ತು ಗಾಮಾ ಕಿರಣಗಳು.

ಬಗ್ಗಿಸುವ ತಿರುಗುಬಲ – ವಸ್ತುವೊಂದನ್ನು ಬಗ್ಗುವಂತೆ ಮಾಡುವ ಬಲ ಅಥವಾ ಒಂದು ತೊಲೆಯ ಒಂದು ಬದಿಯ ಮೇಲೆ ವರ್ತಿಸುವ ಎಲ್ಲ ಬಲಗಳ ಮೊತ್ತ.

ಬೀಟಾ ಕ್ಷಯ – ಪರಮಾಣು ಬೀಜಕೇಂದ್ರವು ಎಲೆಕ್ಟ್ರಾನಿನಂತಹ ಕಣವೊಂದನ್ನು ಹೊರಚೆಲ್ಲುತ್ತಾ ಕ್ಷಯಗೊಳ್ಳುವ ಒಂದು ರೀತಿಯ ವಿಕಿರಣ ಪ್ರಕ್ರಿಯೆ.

ವಿದ್ಯುತ್ ಪಕ್ಪಪಾತ  ವಿದ್ಯುನ್ಮಾನ ಉಪಕರಣವೊಂದರಲ್ಲಿ ವಿದ್ಯುತ್ ಉಪಕರಣವೊಂದಕ್ಕೆ ಇಚ್ಛಿಸಿದ ಗುಣಲಕ್ಷಣ ಪಡೆಯಲು ನೀಡಿದ ವಿದ್ಯುತ್ ಸಾಮರ್ಥ್ಯ.

ಪಟ್ಟಿ ವಿಸ್ತಾರ  ಒಂದು ಉಪಕರಣದ ಆಕರ್ಷಣ ತಂತಿಯು ಸರಾಗವಾಗಿ ಸ್ವೀಕರಿಸಬಲ್ಲ ಅಥವಾ ನಿರ್ವಹಿಸಬಲ್ಲ ಆವರ್ತನಗತಿ(ಫ್ರೀಕ್ವೆನ್ಸಿ)ಗಳು ಅಥವಾ ತರಂಗಾಂತರ(ವೇವ್‌ಲೆಂಗ್ತ್)ಗಳ ಒಂದು ಕಟ್ಟು. 

ವಾಯುಭಾರ ಮಾಪಕ  ವಾತಾವರಣದ ಒತ್ತಡವನ್ನು ಅಳೆಯುವ ಉಪಕರಣ.

ವಿದ್ಯುತ್ ಸಂಗ್ರಾಹಕ – ಹಲವು ವಿದ್ಯುತ್‌ಕೋಶಗಳನ್ನು ಒಂದು ಸರಣಿಯಲ್ಲಿ ಜೋಡಿಸಿರುವಂತಹ ವ್ಯವಸ್ಥೆ.

ಕಿರಣಪುಂಜ  ಒಂದೇ ದಿಕ್ಕಿನಲ್ಲಿ ಚಲಿಸುತ್ತಿರುವ ಆದರೆ ಸದಾ ಕಾಲ ಸಮಾನಾಂತರವಾಗಿಯೇನೂ ಇರದ ಬೆಳಕಿನ ಅಥವಾ ಇನ್ನಿತರ ವಿಕಿರಣಗಳ ಕಿರಣಸಮೂಹ.