ಶೀತ ಪಂಜರ – ದ್ರವರೂಪೀ ಅನಿಲ ಅಥವಾ ಅಸಿಟೋನಿನಲ್ಲಿರುವ ಒಣ ಮಂಜುಗಡ್ಡೆ(ಹೆಪ್ಪುಗಟ್ಟಿಸಿದ ಇಂಗಾಲದ ಡೈ ಆಕ್ಸೈಡ್)ಯನ್ನು ಹೊಂದಿದ್ದು, ತುಂಬ ತಣ್ಣಗಿರುವ ಒಂದು ಕೊಳವೆ ಇದು. ಈ ಕೊಳವೆಯು ತನ್ನ ಮೂಲಕ ಚಿಲಸುವ ಆವಿಯನ್ನು ಹಿಡಿದು ದ್ರವರೂಪಕ್ಕೆ ತಂದುಬಿಡುತ್ತದೆ.

ತಂಪು ಋಣವಿದ್ಯುದ್ವಾರ – ವಿದ್ಯುತ್ ತಂತಿಯ ಸಹಾಯದಿಂದ ಬಿಸಿ ಮಾಢದೇ ಇರುವ ಋಣ ವಿದ್ಯುದ್ವಾರ.

ಸಮಕಣ ಆಕರ್ಷಣೆ – ಒಂದೇ ರೀತಿಯ ಅಲೆಗಳು ಅಥವಾ ಒಂದೇ ವಸ್ತುವಿನ ಅಣುಗಳ ನಡುವಿನ ಆಕರ್ಷಣೆಯ ಬಲ.

ಸುಸಂಬದ್ಧತೆ – ಏಕಮಾತ್ರ ಆವರ್ತನವುಳ್ಳ ಕಿರಣಗಳ ಸಮೂಹದಲ್ಲಿ ಅಲೆಗಳ, ಏರಿಕೆಗಳ ಹಂತವ್ಯತ್ಯಾಸವು ಸ್ಥಿರವಾಗಿರುವುದು. ಒಂದೇ ದಿಕ್ಕಿಗೆ ಹರಿಯುವ ಬೆಳಕನ್ನು ಹೊರಸೂಸುವ ಆಕರವು ಸುಸಂಬದ್ಧವಾಗಿರುತ್ತದೆ, ಉದಾಹರಣೆಗೆ ಲೇಸರ್.

ನಿರ್ಬಂಧಕ ಬಲ – ಅಯಸ್ಕಾಂತವಾಗಿರುವ ಒಂದು ವಸ್ತುವಿನಲ್ಲಿ ಉಳಿದುಕೊಂಡಿರುವ ಅಯಸ್ಕಾಂತತೆಯನ್ನು ತೆಗೆದುಹಾಕಲು ಪ್ರಯೋಗಿಸಬೇಕಾದ ವಿರುದ್ಧಗುಣದ ಅಯಸ್ಕಾಂತೀಯ ತೀಕ್ಷ್ಣತೆ.

ಸಹಗುಣಕ – ಒಂದು ಗುಣಕ. ಇದು ಒಂದು ವಸ್ತುವಿನ ನಿರ್ದಿಷ್ಟ ಗುಣಲಕ್ಷಣವೊಂದರ ಅಳತೆಯಾಗಿದ್ದು, ಕೆಲವು ದತ್ತ ಸನ್ನಿವೇಶಗಳಲ್ಲಿ ಆ ವಸ್ತುವಿನ ಮಟ್ಟಿಗೆ ಒಂದು ಸ್ಥಿರಾಂಕವಾಗಿರುತ್ತದೆ.

ಕಾಕ್‌ಕ್ರಾಫ್ಟ್-ವಾಲ್ಟನ್ ವೇಗವರ್ಧಕ – ಮೊಟ್ಟ ಮೊದಲು ಕಂಡುಹಿಡಿಯಲಾದ ಕಣವೇಗವರ್ಧಕವಿದು. ೧೯೩೨ರಲ್ಲಿ, ಬ್ರಿಟನ್ ಮತ್ತು ರ‍್ಲೆಂಡ್‌ನ ಭೌತವಿಜ್ಞಾನಿಗಳಾದ ಜಾನ್ ಡಾಗ್ಲಾಸ್  ಕಾಕ್‌ಕ್ರಾಫ್ಟ್  ಮತ್ತು ರ‍್ನೆಸ್ಟ್ ಸಿನ್‌ಟನ್ ವಾಲ್ಟನ್ ಕಂಡುಹಿಡಿದAಥದ್ದು. ಆಲ್ಫಾ ಕಣಗಳನ್ನು ಪಡೆಯಲೋಸುಗ ಪ್ರೋಟಾನುಗಳನ್ನು ಲಿಥಿಯಮ್ ಗುರಿವಸ್ತುವಿಗೆ ಢಿಕ್ಕಿ ಹೊಡೆಸಿ, ಇದರ ಮೂಲಕ ಮೊಟ್ಟ ಮೊದಲ ಬಾರಿಗೆ ಕೃತಕವಾಗಿ ಅಣುಬೀಜಕೇಂದ್ರ ಒಡೆಯುವಿಕೆಯನ್ನು ಸಾಧಿಸಲಾಯಿತು.  

ಕೋಬಾಲ್ಟ್ ಉಕ್ಕು –  ಅತಿವೇಗದ ಉಪಕರಣಗಳಲ್ಲಿ ಬಳಸುವ ಉಕ್ಕಿನ ಒಂದು ಮಿಶ್ರಲೋಹ ಇದು. ಕೋಬಾಲ್ಟ್, ಟಂಗ್‌ಸ್ಟನ್, ಕ್ರೋಮಿಯಂ ಮತ್ತು ವೆನೆಡಿಯಂಗಳನ್ನು ಹೊಂದಿರುವ ಉಕ್ಕಿನ ಈ ಮಿಶ್ರಲೋಹವು ತುಂಬ ಕಠಿಣವಾಗಿದ್ದರೂ ಬೇಗ ಮುರಿಯುವ ಗುಣ ಹೊಂದಿರುತ್ತದೆ.