ಕಾಂತಪ್ರದೇಶ – ಅಯಸ್ಕಾಂತಗುಣೀ ವಸ್ತುವಿನಲ್ಲಿ ಎಲ್ಲ ಪರಮಾಣುಗಳ ಕಾಂತಕ್ಷೇತ್ರಗಳೂ ಒಂದೇ ದಿಕ್ಕಿನಲ್ಲಿ ಸ್ಥಿತಗೊಂಡಿರುವ ಪ್ರದೇಶ.‌

ದಿಕ್ಬದಲನಾ ಮಸೂರ – ಸಮಾನಾಂತರವಾಗಿರುವ ಬೆಳಕಿನ ಕಿರಣಗಳ ದಿಕ್ಕನ್ನು‌ ಬೇರೆಬೇರೆಯಾಗಿಸುವ ಮಸೂರ‌. ಇದು ಮಧ್ಯದಲ್ಲಿ ತಗ್ಗಿದ್ದು ತುದಿಗಳಲ್ಲಿ ಉಬ್ಬಿರುತ್ತದೆ.

ವಿರೂಪಗೊಳಿಸುವಿಕೆ – ತನಗೆ ದತ್ತವಾದದ್ದರ ಗುಣಲಕ್ಷಣಗಳನ್ನು ಅವು ಇದ್ದಂತೆಯೇ ಮರುಉತ್ಪಾದಿಸುವಲ್ಲಿ ವ್ಯವಸ್ಥೆಯು ವಿಫಲಗೊಳ್ಳುವ ಸ್ಥಿತಿ.

ಅಪಸ್ವರ – ಸಂಗೀತದಲ್ಲಿ ಕೆಲವು ಸ್ವರಗಳನ್ನು ಒಟ್ಟಿಗೆ ನುಡಿಸಿದಾಗ ಉಂಟಾಗುವ, ಕಿವಿಗೆ  ಕರ್ಕಶವಾಗಿ  ಕೇಳಿಸುವಂತಹ  ಸ್ವರಮಿಶ್ರಣ.

ಚದುರಿದ ಅವಸ್ಥೆ – ಕಲಿಲಗಳಲ್ಲಿ ಅಂದರೆ ಪರಸ್ಪರ ಕರಗದ ವಸ್ತುಗಳ ಮಿಶ್ರಣದಲ್ಲಿ ಚದುರಿದ ಸ್ಥಿತಿಯಲ್ಲಿರುವ ವಸ್ತುವಿನ ರೂಪ ಅಥವಾ ಅವಸ್ಥೆ.

ಸ್ಥಾನಾಂತರ – ಸ್ಫಟಿಕದಲ್ಲಿನ(ಹರಳಿನಲ್ಲಿನ) ಒಂದು ಗೆರೆದೋಷ ಇದು‌. ಇದರಿಂದಾಗಿ ಸ್ಫಟಿಕದ ಒಟ್ಟು ಚೌಕಟ್ಟಿನ ಒಂದು ಅಥವಾ ಅದಕ್ಕಿಂತ ಹೆಚ್ಚಿನ ಮೇಲ್ಮೈಗಳಲ್ಲಿ ಸ್ಥಾನಾಂತರ ಆಗುತ್ತದೆ( ಸ್ಥಾನಂತರ = ವಸ್ತುಗಳು ಎಲ್ಲಿರಬೇಕೋ ಅಲ್ಲಿ ಇರದಿರುವುದು).

ವಿಘಟನೆ – ಒಂದು ಪರಮಾಣುವಿನ ಬೀಜಕೇಂದ್ರವು ಒಡೆದು ಚೂರುಚೂರಾಗುವುದು‌.

ಭೇದಕಾರಕ ವಿದ್ಯುನ್ಮಂಡಲ – ಕೆಲವು ವಿದ್ಯುತ್ ಅಲೆಗಳನ್ನು ಆಯ್ದುಕೊಳ್ಳುವ ಹಾಗೂ ಇನ್ನು ಕೆಲವನ್ನು ತಿರಸ್ಕರಿಸುವ ವಿದ್ಯುನ್ಮಂಡಲ.

ವಿದ್ಯುತ್ ಹರಿವು – ಒಂದು ಅವಾಹಕದಲ್ಲಿ ಅಥವಾ ಕಡಿಮೆ ಒತ್ತಡದಲ್ಲಿರುವ ಅನಿಲದ ಮೂಲಕ ವಿದ್ಯುತ್ತು ಹರಿಯುವುದು‌. ಇದು ಸಾಮಾನ್ಯವಾಗಿ ಪ್ರಕಾಶಮಾನವಾಗಿರುತ್ತದೆ. 

ತಂತಿ ಕಾಣಿಸದ ಉಷ್ಣಮಾಪಕ – ಉಷ್ಣತೆಯಿಂದಾಗಿ ಬೆಳಕು ಬೀರುವ ಆಕರವೊಂದರ ತಾಪಮಾನವನ್ನು ಅಳೆಯಲು ಬಳಸುವ ವಿದ್ಯುತ್ ಮಾಪಕ.