ಜೌಲ್ ಕೆಲ್ವಿನ್ ಎಫೆಕ್ಟ್ ‌( ಜೌಲ್ ಥಾಂಪ್ಸನ್ ಎಫೆಕ್ಟ್) – ಜೌಲ್ ಕೆಲ್ವಿನ್ ಪರಿಣಾಮ ( ಜೌಲ್ ಥಾಂಪ್ಸನ್ ಪರಿಣಾಮ) ಒಂದು ಅನಿಲವು ರಂಧ್ರಗಳುಳ್ಳ ಅಡ್ಡಗೋಡೆಯ ಮೂಲಕ ಕಡಿಮೆ ಒತ್ತಡವುಳ್ಳ ಒಂದು ಪ್ರದೇಶಕ್ಕೆ ವಿಸ್ತರಿಸಿಕೊಂಡಾಗ ಅದರಲ್ಲಿ ಉಂಟಾಗುವ ಬದಲಾವಣೆ. ಅನೇಕ ನೈಜ ಅನಿಲಗಳು ಈ ರೀತಿಯಲ್ಲಿ ವಿಸ್ತಾರಗೊಂಡಾಗ ಸ್ವಲ್ಪ ತಂಪಾಗುತ್ತವೆ. ಏಕೆಂದರೆ, ಅವು ತಮ್ಮೊಳಗಿನವೇ ಆದ ಸ್ವಂತ ಅಂತರ್ ಅಣುಶಕ್ತಿಗಳ ವಿರುದ್ಧ ಕೆಲಸ ಮಾಡುತ್ತಿರುತ್ತವೆ. ಆದರ್ಶ ಅನಿಲಗಳಲ್ಲಿ ಅಂತರ್ ಅಣುಶಕ್ತಿಗಳು ಇಲ್ಲದಿರುವುದರಿಂದ ಈ ಪರಿಣಾಮವು ಅವುಗಳಲ್ಲಿ ಕಾಣಿಸುವುದಿಲ್ಲ.