ಕನ್ನಡ ಗಾದೆಮಾತು – ಕಂಡದ್ದು ಕಂಡ ಹಾಗೆ ಹೇಳಿದರೆ ಕೆಂಡದಂಥಾ ಕೋಪ.

ಮನುಷ್ಯರ ಅಂತರಂಗದಲ್ಲಿನ ಒಂದು ವಿಲಕ್ಷಣ ಸ್ವಭಾವವನ್ಬು ಈ ಗಾದೆಮಾತು ಬಿಚ್ಚಿ ತೋರಿಸುತ್ತದೆ. 

ಜನರಿಗೆ ತಾವು ಮಾಡುವ ಕೆಲವು ತಪ್ಪುಗಳು – ಉದಾಹರಣೆಗೆ, ಬಳಗದವರಲ್ಲಿ     ತಾರತಮ್ಯ ಮಾಡುವುದು, ಬೇರೆಯವರ ಸಮಯದ ಬಗ್ಗೆ ನಿರ್ಲಕ್ಷ್ಯ ತೋರುವುದು, ಮಾತು ಕೊಟ್ಟು ಉಳಿಸಿಕೊಳ್ಳದಿರುವುದು, ಅನಗತ್ಯವಾಗಿ ಸಿಟ್ಟು ಮಾಡಿಕೊಳ್ಳುವುದು, ಕಾರಣವಿಲ್ಲದೆ ಒರಟಾಗಿ ನಡೆದುಕೊಳ್ಳುವುದು….ಇಂಥವು – ಮತ್ತು  ಅವುಗಳಿಂದ ಬೇರೆಯವರಿಗೆ ಆಗುವ ತೊಂದರೆಗಳ  ಬಗ್ಗೆ ಅರಿವಿರುವುದಿಲ್ಲ ಎಂದಲ್ಲ. ಇರುತ್ತದೆ‌. ಆದರೆ, ಎದುರಿಗಿರುವವರು ಆ ತಪ್ಪುಗಳನ್ನು ಬಾಯಿಬಿಟ್ಟು ಹೇಳಿದರೆ, ಅಥವಾ ಬೆರಳಿಟ್ಟು ತೋರಿಸಿಬಿಟ್ಟರೆ ಮಾತ್ರ ಅವರಿಗೆ ವಿಪರೀತ ಕೋಪ ಬರುತ್ತದೆ!!  “ಹೌದು, ತಮ್ಮಿಂದ ತಪ್ಪಾಗಿದೆ” ಎಂದು ಒಪ್ಪಿಕೊಳ್ಳುವ ಬದಲು ಕೂಗಾಡುವುದು, ಕಿರಿಚಾಡುವುದು, ತಪ್ಪನ್ನು ಎತ್ತಿ ತೋರಿಸಿದವರ ಜೊತೆ ಮಾತು ಬಿಡುವುದು, ಸಂಬಂಧ ಕಡಿದುಕೊಳ್ಳುವುದು ಇಂಥವನ್ನೆಲ್ಲ‌ ಮಾಡುತ್ತಾರೆ. ಯಾಕೆ ಹೀಗೆ!? ಬಹುಶಃ ನಾವೆಲ್ಲರೂ ಈ ಬಗ್ಗೆ ಆತ್ಮನಿರೀಕ್ಷಣೆ ಮಾಡಿಕೊಳ್ಳಬೇಕು ಅನ್ನಿಸುತ್ತೆ. 

Kannada proverb – Kandaddu kanda haage helidare kendadantha kopa ( If you tell them what it is as it is, they burn like coal with anger). 

Most people among us have a peculiar characteristic. Time and again we keep making mistakes, blunders, slights and numerous misdeeds which annoy others. Deep in our hearts we are aware of this. But if the person at the receiving end calls this out directly, we become very angry and defensive! We argue, fight and even cut contact with the person who pointed our misdeed. Writers and story tellers have often observed this human characteristic and written stories about it. So this proverb. It makes us think and reflect about human nature. Isn’t it?