Like us!
Follow us!
ಕನ್ನಡ ಭಾಷೆಯಲ್ಲಿನ ಒಂದು ವಿಶಿಷ್ಟ ಗಾದೆಮಾತಿದು. ದೇವರಿಗೆ ಹೂವಿನ ಹಾರ ಹಾಕಲು ಹೂ ಕಟ್ಟುವಾಗ ಬಾಳೆಯ ಅಥವಾ ಇನ್ಯಾವುದಾದರೂ ಗಿಡದ ನಾರನ್ನು ಬಳಸುತ್ತಾರೆ ಅಲ್ಲವೇ? ದೇವರಿಗೆ ಅರ್ಪಿಸಿದ ಹೂವು ಸ್ವರ್ಗ ಸೇರುತ್ತದೆ, ಏಕೆಂದರೆ ದೇವರ ಆವಾಸಸ್ಥಾನ ಸ್ವರ್ಗ ತಾನೇ. ಇಲ್ಲಿ ಸ್ವಾರಸ್ಯದ ಸಂಗತಿ ಅಂದರೆ ಸುಂದರ, ಸುಗಂಧಮಯ ಹೂವು ಸ್ವರ್ಗ ಸೇರುವುದೇನೋ ಸರಿಯೇ ; ಅದರೆ ಅದನ್ನು ಕಟ್ಟಲು ಬಳಸಿದ ಅಂದಚಂದ ಇಲ್ಲದ ಸರಳ ಸಾಧಾರಣ ನಾರೂ ಸಹ ಅದರೊಂದಿಗೆ ಸ್ವರ್ಗ ಸೇರಿಬಿಡುತ್ತದಲ್ಲ!! ನಮ್ಮ ಜೀವನದಲ್ಲಿ ಯಾರಾದರೂ […]
ವಿದ್ಯುತ್ಕಾಂತೀಯ ವರ್ಣಪಟಲ – ಒಂದು ವಿಸ್ತಾರವಾದ ಹರಹಿನಲ್ಲಿ ಕ್ರಮವಾಗಿ ಇರಿಸಿದ ವಿದ್ಯುತ್ಕಾಂತೀಯ ವಿಕಿರಣಗಳು. ಇದರಲ್ಲಿ ಅತಿನೇರಳೆ, ಅಧೋಕೆಂಪು, ಕಣ್ಣಿಗೆ ಕಾಣುವ ಅಲೆಗಳೇ ಮುಂತಾದ ವಿವಿಧ ರೀತಿಯ ಅಲೆಗಳು ಇರುತ್ತವೆ.
ವಿದ್ಯುತ್ ಕಾಂತೀಯ ವಿಕಿರಣ ಅಥವಾ ವಿದ್ಯುತ್ಕಾಂತೀಯ ಅಲೆ – ವಿದ್ಯುತ್ ಕ್ಷೇತ್ರ ಹಾಗೂ ಕಾಂತಕ್ಷೇತ್ರಗಳನ್ನು ಒಳಗೊಂಡಿರುವ ಮತ್ತು ಚಲಿಸಲು ಯಾವ ಮಾಧ್ಯಮವೂ ಬೇಕಿಲ್ಲದ ಅಲೆಗಳು. ಬೆಳಕು ಸಹ ಇಂತಹ ಒಂದು ಅಲೆಯಾಗಿದೆ.
ವಿದ್ಯುತ್ಕಾಂತೀಯ ರೇಚಕ ಯಂತ್ರ( ಪಂಪು) – ದ್ರವರೂಪೀ ಲೋಹಗಳನ್ನು ಕೊಳವೆಯ ಮೂಲಕ ಮೇಲೆತ್ತಲು ಬಳಸುವ ಒಂದು ಉಪಕರಣ.
ವಿದ್ಯುದಯಸ್ಕಾಂತ - ಮೃದು ಕಬ್ಬಿಣದ ಸುತ್ತ ಒಂದು ತಂತಿಯನ್ನು ಸುತ್ತುವ ಮೂಲಕ ರೂಪಿಸಿದಂತಹ ಒಂದು ಅಯಸ್ಕಾಂತ. ಎಲ್ಲಿಯವರೆಗೆ ತನ್ನಲ್ಲಿ ವಿದ್ಯುತ್ ಹರಿಯುತ್ತದೋ ಅಲ್ಲಿಯವರೆಗೆ ಅದು ಅಯಸ್ಕಾಂತದಂತೆ ವರ್ತಿಸುತ್ತದೆ.
ವಿದ್ಯುತ್ ವಿಭಜಕ – ತನ್ನೊಳಗಿನ ಪರಮಾಣುಗಳನ್ನು ಧನ ಹಾಗೂ ಋಣ ವಿದ್ಯುದಂಶದ ಅಣುಗಳಾಗಿ ವಿಭಜಿತಗೊಳಿಸುವ ಮೂಲಕ ವಿದ್ಯುತ್ತನ್ನು ತನ್ನೊಳಗೆ ಹರಿಯಿಸುವ ವಸ್ತು
ವಿದ್ಯುತ್ ವಿಭಜನೆ – ಒಂದು ವಿದ್ಯುತ್ವಾಹಕ ದ್ರಾವಕದ ಮೂಲಕ ವಿದ್ಯುತ್ತನ್ನು ಹರಿಸಿ ರಾಸಾಯನಿಕ ಕ್ರಿಯೆಯೊಂದನ್ನು ಅಲ್ಲಿ ತೊಡಗಿಸಿ, ಆ ಮೂಲಕ ಧನ ವಿದ್ಯುದಂಶ ಹಾಗೂ ಋಣ ವಿದ್ಯುದಂಶಗಳನ್ನು ಪ್ರತ್ಯೇಕಿಸುವ ಕ್ರಿಯೆ.