ಕನ್ನಡ ಕನ್ನಡಿ

ವಾಯುವೇಗಮಾಪಕ : ಅನಿಲ ಅಥವಾ ಹರಿಯುವ ದ್ರವವಸ್ತುವಿನ ವೇಗವನ್ನು ಅಳೆಯಲು ಬಳಸುವ ಉಪಕರಣ

ಋಣವಿದ್ಯುದಣು : ಋಣ ವಿದ್ಯುದಂಶವನ್ನು ಹೊಂದಿರುವ ಪರಮಾಣು

ಅಸಮಗುಣಿ – ತನ್ನ ಬೇರೆ ಬೇರೆ ಭಾಗಗಳಲ್ಲಿ ಬೇರೆ ಬೇರೆ ಭೌತಿಕ ಗುಣಲಕ್ಷಣಗಳನ್ನು ಹೊಂದಿರುವ ಒಂದು ವಸ್ತು ಅಥವಾ ಮಾಧ್ಯಮ.

ಶೂನ್ಯೀಕರಣ – ಒಂದು ಕಣ ಮತ್ತು ಅದರ ವಿರುದ್ಧ ಕಣಗಳು ಒಂದಕ್ಕೊಂದು ಸಂಘರ್ಷಿಸಿದಾಗ ಉಂಟಾಗುವ ಸಂಪೂರ್ಣ ವಿನಾಶ.

ಧನ ವಿದ್ಯುದ್ವಾರ – ಎಲೆಕ್ಟ್ರಾನುಗಳನ್ನು ಆಕರ್ಷಿಸುವ ಧನಾತ್ಮಕ ವಿದ್ಯುತ್ ತುದಿಗೋಡೆ.

ಪ್ರತಿ ಕಣ – ಒಂದು ಕಣವು ಹೊಂದಿರುವಷ್ಟೇ ದ್ರವ್ಯರಾಶಿ ಮತ್ತು ಗಿರಕಿ(ಸ್ಪಿನ್)ಗಳನ್ನು ಹೊಂದಿದ್ದರೂ  ಅದಕ್ಕೆ ವಿರುದ್ಧವಾದ ವಿದ್ಯುದಂಶವನ್ನು ಹೊಂದಿರುವ ಕಣ.

ಕಂಪನ ಶಿಖರ – ಸ್ಥಿರವಾದ ಅಲೆವಿನ್ಯಾಸವೊಂದರಲ್ಲಿ ಗರಿಷ್ಠ ಕಂಪನ ಹೊಂದಿರುವ ಒಂದು ಬಿಂದು.

ವಿರುದ್ಧ ಸಮಾನಾಂತರಿ – ಎರಡು ಸಮಾನಾಂತರ ರೇಖೆಗಳು ವಿರುದ್ಧ ದಿಕ್ಕಿನಲ್ಲಿ ಚಲಿಸುತ್ತಿರುವಂಥದ್ದು.

ಕ್ಯಾಮೆರಾಕಿಂಡಿ – ಒಂದು ಛಾಯಾಗ್ರಾಹಕ ಯಂತ್ರ(ಕ್ಯಾಮೆರಾ)ದ ಮಸೂರದಲ್ಲಿ ಬೆಳಕನ್ನು ಒಳಗೆ ಬಿಟ್ಟುಕೊಳ್ಳುವ ಕಿಂಡಿ. ಎಷ್ಟು ಬೆಳಕು ಒಳಗೆ ಬರುತ್ತದೆ ಎಂಬುದು ಈ ಮಸೂರದ ವ್ಯಾಸವನ್ನು ಅವಲಂಬಿಸಿರುತ್ತದೆ.

 ದೂರಬಿಂದು – ಒಂದು ಗ್ರಹ, ಧೂಮಕೇತು ಅಥವಾ ಕೃತಕ ಉಪಗ್ರಹದ ಕಕ್ಷೆಯಲ್ಲಿ ಸೂರ್ಯನಿಂದ ಗರಿಷ್ಠ ದೂರದಲ್ಲಿರುವ ಬಿಂದು.