ಕನ್ನಡ ಕನ್ನಡಿ

ಕಣ್ಣು ದ್ರವ – ಕಣ್ಣಿನಲ್ಲಿ ಕಣ್ಣುಗುಡ್ಡೆಯ ಹಿಂದಿನ ಪಾರದರ್ಶಕ ಭಾಗ ಮತ್ತು ಮಸೂರದ ನಡುವೆ ಇರುವ ದ್ರವ.

ನಿರ್ವಾತಕಾರಕ – ನಿರ್ವಾತ ರೇಚಕ(ಪಂಪು)ಗಳಲ್ಲಿ, ಭಾಗಶಃ ನಿರ್ವಾತವನ್ನುಂಟು ಮಾಡಲು ಬಳಸುವ ಉಪಕರಣ.

ಅಸಮದೃಷ್ಟಿ – ಸರ್ವೇಸಾಮಾನ್ಯವಾದ ಒಂದು ದೃಷ್ಟಿದೋಷ ಇದು. ಒಂದೇ ದೂರದಲ್ಲಿರುವ ಉದ್ದುದ್ದಕ್ಕಿರುವ ಹಾಗೂ ಅಡ್ಡಡ್ಡಕ್ಕಿರುವ ವಸ್ತುಗಳನ್ನು ಒಟ್ಟಿಗೇ ನೋಡಿದಾಗ ಅವನ್ನು ಬೇರೆ ಬೇರೆಯಾಗಿ ಗ್ರಹಿಸಲು ಸಾಧ್ಯವಾಗದ ದೃಷ್ಟಿದೋಷ.

ಖಗೋಳ ವಿಜ್ಞಾನ – ಭೂಮಿಯ ವಾತಾವರಣದ ಆಚೆಗೆ ಇರುವ ವಿಶ್ವದ ಅಧ್ಯಯನ.

ವಕ್ರಾಕರ್ಷಿತ ಸರಳರೇಖೆ – ಅನಂತದೆಡೆಗೆ ಸಾಗುತ್ತಿರುವ ವಕ್ರರೇಖೆಯೊಂದನ್ನು ಮುಟ್ಟಲು ಯತ್ನಿಸುತ್ತಿರುವ ಸರಳರೇಖೆ.

ಪರಮಾಣು – ಒಂದು ರಾಸಾಯನಿಕ ಕ್ರಿಯೆಯಲ್ಲಿ ಭಾಗವಹಿಸಬಲ್ಲಷ್ಟು ಪ್ರಮಾಣದಲ್ಲಿರುವಂತಹ ಮೂಲವಸ್ತುವಿನ ಅತಿ ಚಿಕ್ಕ ಭಾಗ.

ಪರಮಾಣು ಗಡಿಯಾರ – ಪರಮಾಣು ಅಥವಾ ಅಣುಗಳಲ್ಲಿ ಕಾಣುವ ನಿಯತಕಾಲಿಕ ಗುಣಸ್ವಭಾವಗಳ ಆಧಾರದ ಮೇಲೆ ಕಾಲವನ್ನು ಅಳೆಯಲು ಅಥವಾ ಪ್ರಮಾಣೀಕರಿಸಲು ಬಳಸುವ ಉಪಕರಣ.

ಪರಮಾಣೀಯ ಸಂಖ್ಯೆ  ಒಂದು ಪರಮಾಣುವಿನ ಬೀಜಕೇಂದ್ರದಲ್ಲಿರುವ ಪ್ರೋಟಾನುಗಳ ಸಂಖ್ಯೆ. ಇದು ಆ ಬೀಜಕೇಂದ್ರವನ್ನು ಸುತ್ತುತ್ತಿರುವ ಎಲೆಕ್ಟ್ರಾನುಗಳ ಸಂಖ್ಯೆಗೆ ಸಮವಾಗಿರುತ್ತದೆ. 

ಶಕ್ತಿಗುಂದುವಿಕೆ – ಒಂದು ವಸ್ತುವಿನೊಳಗೆ ಹಾದು ಹೋಗುವಾಗ ವಿಕಿರಣದ ಸಾಮರ್ಥ್ಯವು ಕಡಿಮೆಯಾಗುವುದು.

ಉತ್ತರಧ್ರುವ ಅರುಣಜ್ಯೋತಿ – ಉತ್ತರಧ್ರುವದಲ್ಲಿ ಕಾಣಿಸುವ ಬಣ್ಣಬಣ್ಣದ ಬೆಳಕು (ಮುಖ್ಯವಾಗಿ ಕೆಂಪು ಮತ್ತು ಹಸಿರು)