ಕನ್ನಡ ಕನ್ನಡಿ

ಕಾಂಪ್ಟನ್ ಪರಿಣಾಮ – ಕ್ಷ-ಕಿರಣ ಅಥವಾ ಗಾಮಾಕಿರಣಗಳಲ್ಲಿನ ಫೋಟಾನು(ಬೆಳಕು ಶಕ್ತಿಯ ಕಣಗಳು)ಗಳನ್ನು ಮುಕ್ತ ಎಲೆಕ್ಟ್ರಾನಗಳು ಚದುರಿಸಿದಾಗ ಆ ಫೋಟಾನುಗಳ ಶಕ್ತಿಯು ಕಡಿಮೆಯಾಗುವ ವಿದ್ಯಮಾನ. ಈ ಪರಿಣಾಮವನ್ನು ೧೯೨೩ರಲ್ಲಿ ಅಮೆರಿಕದ ವಿಜ್ಞಾನಿ ಎ.ಎಚ್.ಕಾಂಪ್ಟನ್‌ರು ಮೊಟ್ಟಮೊದಲು ಗಮನಿಸಿದರು.

ಗಣಕ ಯಂತ್ರ – ಒಂದು ವಿದ್ಯುನ್ಮಾನ ಉಪಕರಣ. ಒಂದು ಸೂಚಿತ ಕ್ರಮಬದ್ಧ ಕಾರ್ಯಪಟ್ಟಿ(ಪ್ರೋಗ್ರಾಂ)ಯ ಪ್ರಕಾರ ಮಾಹಿತಿಯನ್ನು ಸಂಸ್ಕರಿಸುತ್ತದೆ. ಗಣಕ ಯಂತ್ರದ ಯಂತ್ರಾಂಶವು(ಹಾರ್ಡ್ವೇರ್) ವಾಸ್ತವಿಕ ವಿದ್ಯುನ್ಮಾನ ಅಥವ ಯಾಂತ್ರಿಕ ಉಪಕರಣಗಳನ್ನು ಒಳಗೊಂಡಿರುತ್ತದೆ, ಹಾಗೂ ಅದರ ತಂತ್ರಾಂಶವು(ಸಾಫ್ಟ್ವೇರ್) ಕ್ರಮಬದ್ಧ ಕಾರ್ಯಪಟ್ಟಿ ಮತ್ತು ದತ್ತಾಂಶಗಳನ್ನು ಒಳಗೊಂಡಿರುತ್ತದೆ.

ತಗ್ಗು ಅಥವಾ ನಿಮ್ನ – ತನ್ನ ಮೇಲ್ಮೈಯಲ್ಲಿ ಒಳಮುಖಿಯಾಗಿ ತಗ್ಗಿದ ಅಥವಾ ಬಾಗಿದ ಒಂದು ಗಾಜು ಅಥವಾ ಮಸೂರ.

ತಗ್ಗು-ಉಬ್ಬು ಅಥವಾ ನಿಮ್ನ-ಪೀನ – ತನ್ನ ಒಂದು ಮೇಲ್ಮೈಯಲ್ಲಿ ಉಬ್ಬಿದ್ದು ಇನ್ನೊಂದು ಮೇಲ್ಮೈಯಲ್ಲಿ ತಗ್ಗಿರುವ ಗಾಜು ಅಥವಾ ಮಸೂರ.

ಸ್ವರಮೈತ್ರಿ – ಎರಡು ಅಥವಾ ಅದಕ್ಕಿಂತ ಹೆಚ್ಚು ಸ್ವರಗಳು ಒಟ್ಟಿಗೆ ಸೇರಿ, ಕಿವಿಗೆ ಇಂಪಾಗುವಂತಹ ಧ್ವನಿಸಂಯೋಜನೆಯನ್ನು ಉಂಟುಮಾಡುವುದು.

ಹನಿಗಟ್ಟುವಿಕೆ ಅಥವಾ ಬಾಷ್ಪೀಭವನ –  ‌ವಸ್ತುವಿನ ಅವಸ್ಥೆಯು ಆವಿಯಿಂದ ದ್ರವರೂಪಕ್ಕೆ ಬದಲಾಗುವುದು.

ವಿದ್ಯುತ್ ಸಂಗ್ರಾಹಕ – ವಿದ್ಯುದಂಶವನ್ನು ಸಂಗ್ರಹಿಸಬಲ್ಲ  ವಾಹಕ‌ ಅಥವಾ ವಾಹಕಗಳಿಂದ ಕೂಡಿದ ಒಂದು ವ್ಯವಸ್ಥೆ. ಇದಕ್ಕೆ capacitor ಎಂಬ ಹೆಸರೂ ಇದೆ. 

ವಾಹಕತ್ವ – ಒಂದು‌ ವಸ್ತುವಿನಲ್ಲಿ ಎಷ್ಟು ಸುಲಭವಾಗಿ ವಿದ್ಯುತ್ ಹರಿಯಬಲ್ಲುದು‌ ಎಂಬುದರ ಅಳತೆಯೇ ಅದರ ವಾಹಕತ್ವ.

ವಾಹಕತೆ – ವಸ್ತುವಿನ ಒಂದು ಭಾಗದಿಂದ ಇನ್ನೊಂದು ಭಾಗಕ್ಕೆ ಆ ವಸ್ತುವಿನ ಚಲನೆಯಿಲ್ಲದೆ ಶಕ್ತಿಯು ಹರಿಯುವ ಕ್ರಿಯೆ. ಉದಾಹರಣೆಗೆ –  ಉಷ್ಣವಾಹಕತೆ, ವಿದ್ಯುತ್ ವಾಹಕತೆ.

ಜೋಡಿ ಬಿಂದುಗಳು‌ – ಮಸೂರದ ಎರಡೂ ಬದಿಗಳಲ್ಲಿರುವ ಒಂದು‌ ಜೋಡಿ ಬಿಂದುಗಳಿವು. ಇವು ಹೇಗಿರುತ್ತವೆ ಅಂದರೆ ಒಂದು ಬಿಂದುವಿನಲ್ಲಿ ಇಟ್ಟ ಒಂದು ವಸ್ತುವಿನ ಬಿಂಬವು ಇನ್ನೊಂದರಲ್ಲಿ ಮೂಡುತ್ತದೆ.