ಕನ್ನಡ ಕನ್ನಡಿ

ಇಂಟರ್ ಮಾಲಿಕ್ಯುಲಾರ್ ಫೋರ್ಸಸ್ – ಅಂತರ್ ಅಣುವಿಕ ಬಲಗಳು – ಅಣುಗಳು ಮತ್ರು ಪರಮಾಣುಗಳ ನಡುವಿನ ಬಲಗಳು. ಇವು ಆಕರ್ಷಣೆಯ ಬಲಗಳಾಗಿರುತ್ತವೆ.

ಇಂಟರ್ನಲ್ ಕಂಬಶ್ಚನ್ ಇಂಜಿನ್ – ಆಂತರಿಕ ದಹನ ಯಂತ್ರ – ಉಗಿ ಯಂತ್ರಗಳಲ್ಲಿರುವಂತೆ ಪ್ರತ್ಯೇಕ ಕುಲುಮೆಯಿಲ್ಲದೆ, ಇಂಧನವನ್ನು ತನ್ನಲ್ಲಿಯೇ ಇರುವ ದಹನ ಘಟಕಗಳಲ್ಲಿ ಉರಿಸುವಂತಹ ಒಂದು‌ ತಾಪಯಂತ್ರ.

ಇಂಟರ್ನಲ್ ಎನರ್ಜಿ : ಸಿಂಬಲ್ U – ಆಂತರಿಕ ಶಕ್ತಿ (ಸಂಕೇತ U) – ಒಂದು  ವ್ಯವಸ್ಥೆಯಲ್ಲಿನ ಅಣುಗಳು ಹಾಗೂ ಪರಮಾಣುಗಳ ಚಲನಾ ಶಕ್ತಿ ಮತ್ತು ಅಂತಃಶಕ್ತಿಗಳ ಒಟ್ಟು ಮೊತ್ತ.

ಇಂಟರ್ನಲ್ ರೆಜಿಸ್ಟೆನ್ಸ್ – ಆಂತರಿಕ ಪ್ರತಿರೋಧ – ವಿದ್ಯುಚ್ಛಕ್ತಿಯ ಆಕರವೊಂದರಲ್ಲಿರುವ ಪ್ರತಿರೋಧ.

ಇಂಟರ್ ನ್ಯಾಷನಲ್ ಕ್ಯಾಂಡಲ್ – ಇಂಟರ್ ನ್ಯಾಷನಲ್ ಕ್ಯಾಂಡಲ್ – ಪ್ರಕಾಶಮಾನ ತೀಕ್ಷ್ಣತೆಯನ್ನು ಸೂಚಿಸುವ ಹಿಂದಿನ ಕಾಲದ ಒಂದು ಮೂಲಮಾನ.‌ ಇದು ಅಂದಾಜು 1.0183 ಕ್ಯಾಂಡಲಾಗೆ ಸಮ‌. ಮೂಲತಃ ಇದನ್ನು ಒಂದು ನಿರ್ದಿಷ್ಟ ವಿದ್ಯುತ್ ದೀಪದಿಂದ ಒಂದು ಸೆಕೆಂಡ್ ಗೆ ಹೊರಸೂಸಲ್ಪಟ್ಟ ಬೆಳಕು ಎಂದು ವ್ಯಾಖ್ಯಾನಿಸಲಾಗಿತ್ತು.  ನಂತರ, ಎಸ್ ಐ ಮೂಲಮಾನವಾದ ಕ್ಯಾಂಡೆಲಾ ಇದನ್ನು ಸ್ಥಾನಪಲ್ಲಟಿಸಿತು.

ಇಂಟರ್ನ್ಯಾಷನಲ್ ಡೇಟ್ ಲೈನ್ – ಅಂತಾರಾಷ್ಟ್ರೀಯ ದಿನಾಂಕ ರೇಖೆ – ಉತ್ತರ ಮತ್ತು ದಕ್ಷಿಣ ಧ್ರುವಗಳನ್ನು ಸೇರಿಸುವ ಒಂದು ಕಲ್ಪಿತ ರೇಖೆ. ಇದು ಪೆಸಿಫಿಕ್‌ ಸಾಗರದ ಮೂಲಕ ಚಲಿಸುತ್ತಾ 180 ಡಿಗ್ರಿ ಅಕ್ಷಾಂಶವನ್ನು ಅನುಸರಿಸುತ್ತದೆ. ಒಂದು ದಿನದ ಪ್ರಾರಂಭ ಮತ್ತು ಕೊನೆಯನ್ನು ಗುರುತಿಸಲು ಈ‌ ರೇಖೆಯನ್ನು ಇಟ್ಟುಕೊಳ್ಳಬಹುದೆಂದು ಅಂತಾರಾಷ್ಟ್ರೀಯವಾಗಿ ಅಂಗೀಕರಿಸಲಾಗಿದೆ.

ಇಂಟರ್ ಪ್ಲ್ಯಾನೇಟರಿ ಸ್ಪೇಸ್ – ಅಂತರ್ ಗ್ರಹ ಸ್ಥಳಾವಕಾಶ – ಸೌರವ್ಯೂಹದಲ್ಲಿ ಸೂರ್ಯ ಮತ್ತು ಮತ್ತು ಗ್ರಹಗಳ ನಡುವೆ ಇರುವಂತಹ ಸ್ಥಳ. ಇದರಲ್ಲಿ ಅಂತರ್ ಗ್ರಹ ವಸ್ತುಕಣಗಳು ಇರುತ್ತವೆ.

ಇಂಟರಪ್ಟರ್ – ಅಡ್ಡಿಕಾರಕ – ಸ್ಪಂದನೆ(ಪಲ್ಸ್)ಗಳನ್ನು ಸೃಷ್ಟಿಸಲು ನಿರಂತರ ವಿದ್ಯುತ್ ಪ್ರವಾಹವನ್ನು ನಿಯಮಿತವಾಗಿ ಅಡ್ಡಿ ಪಡಿಸುವ ಒಂದು ಉಪಕರಣ.

ಇಂಟರ್ ಸ್ಟೆಲ್ಲಾರ್  ಸ್ಪೇಸ್ – ಅಂತರ್ ನಕ್ಷತ್ರ ಸ್ಥಳಾವಕಾಶ – ನಕ್ಷತ್ರಗಳ ನಡುವೆ ಇರುವಂತಹ ಸ್ಥಳಾವಕಾಶ. ಇದರಲ್ಲಿ ಆಕಾಶಗಂಗೆಗಳ ಒಟ್ಟು ದ್ರವ್ಯರಾಶಿಯ ಬಹು ಶೇಕಡಾ ಭಾಗವಿರುತ್ತದೆ. ಇದರಿಂದಲೇ ಹೊಸ ನಕ್ಷತ್ರಗಳು ರೂಪುಗೊಳ್ಳುವುದು‌. ಮೂಲತಃ ಈ ವಸ್ತವು ಜಲಜನಕವೇ.

ಇಂಟರ್ ಸ್ಟೀಷಿಯಲ್ – ವಸ್ತು ಮಧ್ಯಸ್ಥಳ – ವಸ್ತುಗಳ ಅಥವಾ ಕಟ್ಟೋಣಗಳ ಮಧ್ಯೆ ಇರುವ ಸ್ಥಳ  (ಉದಾಹರಣೆಗೆ ಹರಳುಗಳ ಮಧ್ಯೆ).