ಲ್ಯಾಂಬ್ ವೇವ್ – ಲ್ಯಾಂಬ್ ಅಲೆ – ಒಂದು ಘನವಸ್ತುವಿನ ಮೇಲ್ಮೈಯ ಮೇಲೆ ಚಲಿಸುತ್ತಿರುವ ವಿದ್ಯುತ್ಕಾಂತೀಯ ಅಲೆ. ಇಲ್ಲಿನ ಅಗತ್ಯತೆ ಏನೆಂದರೆ  ಘನವಸ್ತುವಿನ ದಟ್ಟತೆ ಹಾಗೂ ಅಲೆಯ ತರಂಗಾಂತರಗಳು ಒಂದಕ್ಕೊಂದನ್ನು ಹೋಲಿಸಲಾಗುವಂತೆ ಇರಬೇಕು‌. ( ಲ್ಯಾಂಬ್ = ಸರ್ ಹೊರೇಸ್ ಲ್ಯಾಂಬ್. 27-11-1849 ರಿಂದ 04-12-1934. ಒಬ್ಬ ಬ್ರಿಟಿಷ್ ಗಣಿತ ಶಾಸ್ತ್ರಜ್ಞ ಹಾಗೂ ಲೇಖಕ).

ಲ್ಯಾಗ್ – ಹಿಂದೆ ಬೀಳುವಿಕೆ – ಇನ್ನೊಂದು ನಿಯತಕಾಲಿಕ ಪರಿಮಾಣಕ್ಕೆ ಹೋಲಿಸಿದಾಗ ಒಂದು ನಿಯತಕಾಲಿಕ ಪರಿಮಾಣವು ವಿಳಂಬಗೊಂಡ ಸಮಯ ಅಥವಾ ಕೋನ.

ಲೇವೋರೊಟೇಟರಿ – ಎಡಮುರಿ – ಧ್ರುವೀಕರಣದ ಮೇಲ್ಮೈಯನ್ನು ಎಡದಿಂದ ಬಲಕ್ಕೆ ತಿರುಗಿಸುವುದು‌.

ಲೇಬಲ್ – ಜಾಡುಪತ್ತೆ ಬೀಜಕೇಂದ್ರ – ಒಂದು ರಾಸಾಯನಿಕ ಕ್ರಿಯೆ ಅಥವಾ ಯಾವುದಾದರೂ ಒಂದು ಪ್ರಕ್ರಿಯೆಯನ್ನು ಜಾಡು ಹಿಡಿದು ಪರಿಶೀಲಿಸಲು ಬಳಸುವ ಒಂದು ಸ್ಥಿರ ಅಥವಾ ವಿಕಿರಣೀಯ ಬೀಜಕೇಂದ್ರ.

ಕೈಮೋಗ್ರಾಫ್ – ಅಲೆಮಾಪಕ – ನಿಯತಕಾಲಿಕ ಚಲನೆಗಳನ್ನು ಅದರಲ್ಲೂ ವಿಶೇಷವಾಗಿ ಸ್ನಾಯುಗಳಲ್ಲಿನ ನಿಯತಕಾಲಿಕ ಚಲನೆಗಳನ್ನು ದಾಖಲಿಸಲು ಬಳಸುವ ಒಂದು ಉಪಕರಣ.

ಕೋವಾರ್ – ಕೋವಾರ್ – ಕಬ್ಬಿಣ, ಕೋಬಾಲ್ಟ್ ಮತ್ತು ನಿಕ್ಕಲ್ ಗಳು ಸೇರಿರುವಂತಹ ಒಂದು ಮಿಶ್ರಲೋಹದ ವ್ಯಾಪಾರೀ ಹೆಸರು ಇದು‌.‌ ಈ ಮಿಶ್ರಲೋಹದ ಗುಣವು ಗಾಜಿನಂತೆಯೇ ಇರುತ್ತದೆ. ಉಷ್ಣತೆಯಲ್ಲಿ ತುಂಬ ವ್ಯತ್ಯಾಸಗಳುಂಟಾಗುತ್ತವೆ ಎಂಬ ನಿರೀಕ್ಷೆ ಇರುವ ಸನ್ನಿವೇಶಗಳಲ್ಲಿ ಇದನ್ನು ಬಳಸುತ್ತಾರೆ.‌

ನುಡ್ಸೆನ್ ಫ್ಲೋ‌ – ನುಡ್ಸೆನ್ ಹರಿವು – ತಾನಿರುವ ಪಾತ್ರೆಯ ಅಳತೆಗಿಂತ ಹೆಚ್ಚು ಸರಾಸರಿ ಮುಕ್ತ ಚಲನೆಯುಳ್ಳ ಪರಮಾಣುಗಳ ಹರಿವು ಇದು‌.

ನಾಕ್ ಆನ್ ಕೊಲಿಷನ್ – ನೂಕಿ ತಳ್ಳುವ ಢಿಕ್ಕಿ‌- ತುಂಬ ಹೆಚ್ಚಿನ ಶಕ್ತಿಯುಳ್ಳ ಕಣವು ಢಿಕ್ಕಿ ಹೊಡೆದದ್ದರಿಂದಾಗಿ‌ ಒಂದು ಮೂಲಭೂತ ಕಣ‌, ಅಥವಾ ಪರಮಾಣುವಿನ‌ ಬೀಜಕೇಂದ್ರವು ಚಲಿಸಲು ಪ್ರಾರಂಭಿಸಿದರೆ ಅಂತಹ ಢಿಕ್ಕಿಯನ್ನು ನೂಕಿ ತಳ್ಳುವ ಢಿಕ್ಕಿ ಎಂದು ಕರೆಯುತ್ತಾರೆ. ಎಲೆಕ್ಟ್ರಾನೊಂದು ತನ್ನ ಪಥದಿಂದ ತಳ್ಳಲ್ಪಡುವುದೂ ಇದೇ ಢಿಕ್ಕಿಯಿಂದ.