ವಿದ್ಯುತ್ ಬಲ ರೇಖೆಗಳು – ತನಗೆ ಲಂಬವಾಗಿರುವ ಪ್ರದೇಶ ಅಥವಾ ಮೇಲ್ಮೈಗೆ ಹರಿಯುವ ವಿದ್ಯುತ್ ಕ್ಷೇತ್ರವೊಂದರ ಬಲದ ರೇಖೆಗಳ ಸಂಖ್ಯೆ.

ವಿದ್ಯುತ್ ಬಿಂಬ – ಒಂದು‌ ವಾಹಕ ಮೇಲ್ಮೈಯಿಂದ ಒಂದಷ್ಟು ದೂರದಲ್ಲಿ ಒಂದು ವಿದ್ಯುದಂಶವನ್ನು ಇಟ್ಟಿದ್ದೇವೆ ಅಂದುಕೊಳ್ಳೋಣ. ಈ ವಿದ್ಯುದಂಶದ ಪರಿಣಾಮವು, ಅದನ್ನು ಆ ವಾಹಕದ ಹಿಂದೆ ಇಟ್ಟರೂ ಮುಂದೆ ಇಟ್ಟರೂ, ದೂರವು ಸಮನಾಗಿದ್ದಾಗ ಒಂದೇ ಆಗಿರುತ್ತದೆ, ಕನ್ನಡಿಯಲ್ಲಿನ ಬಿಂಬವೋ ಎಂಬಂತೆ. ಇದೇ ‘ವಿದ್ಯುತ್ ಬಿಂಬ’. 

ವಿದ್ಯುತ್ ಕ್ಷೇತ್ರ‌- ವಿದ್ಯುದಂಶ ಹೊಂದಿದ ಕಣವೊಂದು ಒಂದು ಬಲವನ್ನು ಅನುಭವಿಸುವಂತಹ ಒಂದು‌ ಕ್ಷೇತ್ರ‌.

ವಿದ್ಯುಚ್ಛಕ್ತಿ ‌-ಒಂದು ವಿದ್ಯುತ್ ಕ್ಷೇತ್ರದಲ್ಲಿ ವಿದ್ಯುದಂಶವುಳ್ಳ ಕಣಗಳಿಗೆ ಸಂಬಂಧಿಸಿದ ಶಕ್ತಿ.

ವಿದ್ಯುತ್ತೀಯ ಬೆಳಕು ವ್ಯವಸ್ಥೆ- ವಿದ್ಯುತ್ತಿನಿಂದ ನೀಡಲಾದಂತಹ ಬೆಳಕಿನ ವ್ಯವಸ್ಥೆ. ಇದಕ್ಕಾಗಿ ಬಳಸುವ ಉಪಕರಣಗಳೆಂದರೆ ವಿದ್ಯುತ್ ‌ಪ್ರಕಾಶ ದೀಪ( ಎಲೆಕ್ಟ್ರಿಕ್ ಆರ್ಕ್ ಲ್ಯಾಂಪ್), ವಿದ್ಯುತ್ ಬುರುಡೆ ದೀಪ( ಬಲ್ಬು) ಹಾಗೂ ಬೆಳಕು ಹೊರಹೊಮ್ಮಿಸುವ ( ಪ್ಲೋರೋಸೆಂಟ್ ಕೊಳವೆಗಳು). 

ವಿದ್ಯುತ್ ಸ್ಥಾನಪಲ್ಲಟ – ವಿದ್ಯುತ್ ನಿರೋಧಕವಾದ ಒಂದು ಮಾಧ್ಯಮದಲ್ಲಿನ ವಿದ್ಯುತ್ ಪ್ರವಾಹದ ( ಹರಿವಿನ) ಸಾಂದ್ರತೆ.

ವಿದ್ಯುತ್ ದ್ವಿಧ್ರುವ – ಪರಸ್ಪರ ಹತ್ತಿರ ಇರುವ ಎರಡು ಸಮಸಮ ಮತ್ತು ವಿರುದ್ಧ ವಿದ್ಯುದಂಶಗಳು.

ವಿದ್ಯುತ್ ಕೋನ – ಪರ್ಯಾಯ ಹರಿವಿನ  ವಿದ್ಯುತ್ತಿನ  ಆವರ್ತನದ ‘ಮುನ್ನೂರ ಅರವತ್ತರಲ್ಲೊಂದು’ ಭಾಗವನ್ನು ಸೂಚಿಸುತ್ತದೆ.