ಕರ‍್ನಾಟ್‌ರ ಸಿದ್ಧಾಂತ – ಯಾವುದೇ ತಾಪಯಂತ್ರದ ಸಾಮರ್ಥ್ಯವು ಅದೇ ತಾಪಮಾನ ಶ್ರೇಣಿಯಲ್ಲಿ ಕೆಲಸ ಮಾಢುತ್ತಿರುವ, ಹಿಮ್ಮರಳಿಸಬಹುದಾದ ತಾಪಯಂತ್ರದ ಸಾಮರ್ಥ್ಯಕ್ಕಿಂತ ಹೆಚ್ಚಾಗಿರಲು ಸಾಧ್ಯ ಇಲ್ಲ.

 ಸಂಗ್ರಾಹಕ ಸರಣಿ – ಒಂದಕ್ಕೊಂದು ಜೋಡಿಸಲ್ಪಟ್ಟ ವಿದ್ಯುತ್ ಸಂಗ್ರಾಹಕಗಳ ಸರಣಿ.

ಮೇಲ್ಮೈಯ ಕಠಿಣಗೊಳಿಸುವಿಕೆ – ಉಪಕರಣಗಳಲ್ಲಿ ಮತ್ತು ಕೆಲವು ಯಂತ್ರಭಾಗಗಳಲ್ಲಿ ಬಳಸುವುದಕ್ಕಾಗಿ ಉಕ್ಕಿನ ಮೇಲ್ಮೈಯನ್ನು ಕಠಿಣಗೊಳಿಸುವುದು.

ಕನ್ನಡಿಯುತ ದೂರದರ್ಶಕ – ತನ್ನ ಕೆಲಸ ಮಾಡಲು ಕನ್ನಡಿಯೊಂದನ್ನು ಬಳಸಿಕೊಳ್ಳುವ ಒಂದು ರೀತಿಯ ಪ್ರತಿಫಲಿಸುವ ದೂರದರ್ಶಕ.

ಎರಕ ಹೊಯ್ದ ಕಬ್ಬಿಣ – ೧.೮-೪.೫% ಇಂಗಾಲವನ್ನು ಹೊಂದಿರುವ ಕಬ್ಬಿಣದ ಮಿಶ್ರಲೋಹಗಳ ಒಂದು ಗುಂಪು. ಇವನ್ನು ನಿರ್ದಿಷ್ಟ ಆಕಾರ ಬರುವಂತೆ ಅಚ್ಚಿನಲ್ಲಿ ಎರಕ ಹೊಯ್ಯಬಹುದಾಗಿದೆ. 

ಪ್ರಧಾನ ಬಿಂದುಗಳು – ಒಂದು ದಪ್ಪ ಮಸೂರದ ಅಥವಾ ಸಮಾನ ಅಕ್ಷವುಳ್ಳ ಮಸೂರಗಳ ವ್ಯವಸ್ಥೆಯಲ್ಲಿನ ಆರು ಮುಖ್ಯ ಬಿಂದುಗಳು.

ಮಿಶ್ರಕ ಕೊಳವೆ – ಆಂತರಿಕ ದಹನವುಳ್ಳ ಕಲ್ಲೆಣ್ಣೆ(ಪೆಟ್ರೋಲ್)ಯ ಚಾಲಕ ಯಂತ್ರದಲ್ಲಿ ವಾಯು ಮತ್ತು ಕಲ್ಲೆಣ್ಣೆಯನ್ನು ಸ್ಫೋಟನಕ್ಕೆ ಮುಂಚೆ ಬೆರೆಸುವ ಉಪಕರಣ.

ಕರ‍್ನಾಟ್ ಚಕ್ರ – ಒಂದು ಪರಿಪೂರ್ಣವಾದ ತಾಪಯಂತ್ರದಲ್ಲಿ ಕಂಡುಬರುವ, ಒಂದು ಇನ್ನೊಂದನ್ನು ಹಿಂಬಾಲಿಸುವAತಹ ನಾಲ್ಕು ಭೌತಿಕ ಕ್ರಿಯೆಗಳ ಒಂದು ಚಕ್ರ.

ಒಯ್ಯಕ – ಒಂದು ಅರೆವಾಹಕದಲ್ಲಿ ಎಲೆಕ್ಟಾçನುಗಳು ಅಥವಾ ರಂಧ್ರಗಳು ತಮ್ಮ ಚಲನೆಯಿಂದಾಗಿ ವಿದ್ಯುತ್ ಉತ್ಪತ್ತಿಯಾಗಲು ಕಾರಣವಾಗುತ್ತವೆ. ಇವುಗಳನ್ನು ಒಯ್ಯಕಗಳು ಎಂದು ಕರೆಯುತ್ತಾರೆ.

ಒಯ್ಯಕ ಅಲೆ – ಆಕಾಶವಾಣಿ(ರೇಡಿಯೋ) ಪ್ರಸಾರಕವು ಸೂಸುವ ಒಂದು ನಿರಂತರ ವಿದ್ಯುತ್ಕಾಂತೀಯ ವಿಕರಣವಿದು. ಇದಕ್ಕೆ ಸ್ಥಿರವಾದ ಅಲೆಯೆತ್ತರ ಮತ್ತು ಆವರ್ತನ ಗತಿಗಳಿರುತ್ತವೆ.