ಕನ್ನಡ ನಾಡಿನಲ್ಲಿ, ಮಕ್ಕಳನ್ನು ಬೆಳೆಸುವ ಸಂದರ್ಭದಲ್ಲಿ ಬಳಸುವ ಒಂದು ಗಾದೆಮಾತು ಇದು.‌ ಬೀದಿಯಲ್ಲಿ ಆಟ ಆಡಿಕೊಂಡು, ಜನರ ಜೊತೆ ಮಾತಾಡಿಕೊಂಡು, ತಪ್ಪು ಮಾಡಿದಾಗ ಬೈಸಿಕೊಂಡು, ಒಳ್ಳೆಯದನ್ನು ಮಾಡಿದಾಗ ಮೆಚ್ಚುಗೆ ಪಡೆದು….ಒಟ್ಟಿನಲ್ಲಿ ಪ್ರಪಂಚಕ್ಕೆ ತೆರೆದುಕೊಳ್ಳುವ ಮಕ್ಕಳು ಜೀವನದಲ್ಲಿ ಪ್ರಗತಿ ಸಾಧಿಸುತ್ತಾರೆ. ಅದೇ ಹೊತ್ತಿನಲ್ಲಿ, ಸದಾ ಮನೆಯ ನಾಲ್ಕು ಗೋಡೆಗಳಲ್ಲಿ ಬಂಧಿಯಾಗಿ, ಜನರೊಡನೆ ಬೆರೆಯದೆ, ಪ್ರಪಂಚದ ಪರಿಚಯ ಇಲ್ಲದೆ ಹೋಗುವ ಮಕ್ಕಳ ಮನಸ್ಸು ನಿಂತ ನೀರಿನಂತೆ ಕೊಳೆಯುತ್ತದೆ. ಆದುದರಿಂದ ಮಕ್ಕಳನ್ನು ಅವರ ತಾಯ್ತಂದೆಯರು ಮನೆಯಲ್ಲಿ ಕೂಡಿ ಹಾಕದೆ ನಾಲ್ಕು ಜನರೊಡನೆ […]

ಆಧುನಿಕ ಮನಃಶಾಸ್ತ್ರವು ‘ನಮ್ಮ ಒಂದು ಆಲೋಚನೆಯು ಅದೇ ಬಗೆಯ ಇನ್ನೊಂದು ಆಲೋಚನೆಯನ್ನು ಆಕರ್ಷಿಸುತ್ತದೆ’ ಎಂದು ಸೈದ್ಧಾಂತಿಕವಾಗಿ ಹೇಳಿದ್ದನ್ನು ಪ್ರಸ್ತುತ ಗಾದೆಮಾತು ಆಡುನುಡಿಯಲ್ಲಿ ಹೇಳಿದೆ. ನಾವು ದಿನವಿಡೀ ಏನು ಆಲೋಚನೆ ಮಾಡುತ್ತೇವೋ ನಮ್ಮ‌ ಬದುಕು ಅದೇ ಆಗುತ್ತದೆ. ಹಾಡಿ ಹಾಡಿ ಅಭ್ಯಾಸವಾದಾಗ ಧ್ವನಿಯಲ್ಲಿ ರಾಗವು ಚೆನ್ನಾಗಿ ಹುಟ್ಟುವಂತೆ, ಸದಾ ‘ನನಗೆ ಆ ರೋಗ, ಈ ರೋಗ….ಅಯ್ಯೋ…’ ಎಂದು ಗೋಳಾಡುತ್ತಾ ನರಳುತ್ತಾ ಇರುವವರು ಕೊನೆಗೆ ರೋಗವೇ ತಾವಾಗಿಬಿಡುತ್ತಾರೆ! ಹೀಗಾಗಿ ನಾವು ಏನನ್ನು ಪುನರಾವರ್ತಿತವಾಗಿ ಮಾಡುತ್ತೇವೋ, ಯಾವುದರ ಕುರಿತು ಸದಾ ಮಾತಾಡುತ್ತೇವೋ […]