ಕನ್ನಡ ಕನ್ನಡಿ

ಇಮೇಜ್ ಸ್ಪೇಸ್ – ಬಿಂಬ ರೂಪಣಾ ಸ್ಥಳ ( ಜಾಗ) – ಒಂದು ದೃಶ್ಯ ವಿಜ್ಞಾನ ವ್ಯವಸ್ಥೆಯಲ್ಲಿ ನಿಜವಾದ ಅಥವಾ ನಿಜಭಾಸ( ವರ್ಚುಯಲ್)  ಬಿಂಬಗಳನ್ನು ರೂಪಿಸುವಂತಹ ಜಾಗ.

ಇಮ್ಯಾಜಿನರಿ ನಂಬರ್ – ಕಲ್ಪಿತ ಸಂಖ್ಯೆ – -1 ರ ವರ್ಗಮೂಲದ ಗುಣಕವಾಗಿರುವ ಒಂದು‌ ಸಂಖ್ಯೆ‌. ಇದನ್ನು ‘i’ ಯಿಂದ ಸೂಚಿಸಲಾಗುತ್ತದೆ‌.

ಇಮ್ಮರ್ಶನ್ ಆಬ್ಜೆಕ್ಟಿವ್ – ಮುಳುಗಿಸಿಟ್ಟ ಮಸೂರ – ಸೂಕ್ಷ್ಮದರ್ಶಕದಲ್ಲಿ ಇರುವಂತಹ ಹೆಚ್ಚಿನ ಸಾಮರ್ಥ್ಯವುಳ್ಳ ಒಂದು ರೀತಿಯ ವಸ್ತುಮಸೂರ ಇದು. ( ವಸ್ತು ಮಸೂರ = ನೋಡುತ್ತಿರುವ ವಸ್ತುವಿಗೆ ಅತ್ಯಂತ ಹತ್ತಿರ ಇರುವ ಮಸೂರ).

ಇಂಪ್ಯಾಕ್ಟ್ ಸ್ಟ್ರೆಂಗ್ತ್  – ಒಂದು ವಸ್ತುವಿಗೆ ಇರುವ ಆಘಾತಧಾರಣ ಸಾಮರ್ಥ್ಯ ( ಇದ್ದಕ್ಕಿದ್ದಂತೆ ಉಂಟಾಗುವ ಆಘಾತವನ್ನು ತಡೆದುಕೊಳ್ಳುವ ಶಕ್ತಿ).

ಇಂಪ್ಯಾಕ್ಟ್ ಸ್ಟ್ರೆಸ್ – ಆಘಾತಮೂಲೀ ಒತ್ತಡ – ಏಕಘಟಕ ವಿಸ್ತೀರ್ಣದ ಮೇಲೆ ಇದ್ದಕ್ಕಿದ್ದಂತೆ ಬಿದ್ದ ಹೊರೆಯಿಂದಾಗಿ ಅನುಭವಕ್ಕೆ ಬರುವ ಬಲ‌.

 ಇಂಪ್ಯಾಕ್ಟ್ ವೆಲಾಸಿಟಿ – ಅಪ್ಪಳಿಸುವ ವೇಗ – ಮುಂದಕ್ಕೆ ಚಿಮ್ಮಿಸಿದಂತಹ ವಸ್ತುವು( ಉದಾಹರಣೆಗೆ  ಕ್ಷಿಪಣಿ ) ಅಪ್ಪಳುಸುವ ಕ್ಷಣದಲ್ಲಿ ಹೊಂದಿರುವಂತಹ ದಿಶಾವೇಗ.  ಇದನ್ನು ಅಪ್ಪಳಿಸುವ ದಿಕ್ವೇಗ ಎಂದೂ ಕರೆಪದಪ್ರಯೋಗ

 ಇಂಪೀಡೆನ್ಸ್ ( ಸಿಂಬಲ್ Z) – ಅಡ್ಡಿ ( ಸಂಕೇತ Z) – ವಿದ್ಯುನ್ಮಂಡಲವೊಂದು  ಪರ್ಯಾಯ ವಿದ್ಯುತ್ ಗೆ ಒಡ್ಡುವ ಪ್ರತಿರೋಧದ ಅಳತೆ.

ಇಂಪೀಡೆನ್ಸ್ ಬ್ರಿಡ್ಜ್ – ಅಡ್ಡಿಯ ಸೇತುವೆ – ವ್ಹೀಟ್ ಸ್ಟೋನ್ ವಿದ್ಯುನ್ಮಂಡಲಕ್ಕೆ ತುಂಬ ಹೋಲಿಕೆ ಇರುವ ಒಂದು ವಿದ್ಯುತ್ ಉಪಕರಣ. ಇದನ್ನು ಅಡ್ಡಿಗಳನ್ನು ತುಲನೆ ಮಾಡಲು ಬಳಸಲಾಗುತ್ತದೆ.

ಇಂಪೀರಿಯಲ್ ಯೂನಿಟ್ಸ್ – ರಾಜಪ್ರಭುತ್ವದ ಮೂಲಮಾನಗಳು – ಗಜ ( ಯಾರ್ಡ್) ಮತ್ತು ಪೌಂಡ್ ಗಳ ಮೇಲೆ ಆಧಾರಿತವಾದ ಅಳತೆಯ ವ್ಯವಸ್ಥೆ. IPS – ಇಂಚು – ಪೌಂಡ್ – ಸೆಕೆಂಡ್ ವ್ಯವಸ್ಥೆಯು ಈ ರಾಜಪ್ರಭುತ್ವದ ಮೂಲಮಾನಗಳ ಮೇಲೆ ಆಧಾರಿತವಾದ ಅಳತೆ ವ್ಯವಸ್ಥೆಯಾಗಿದೆ.

ಇಂಪಲ್ಸ್ ( ಇಂಪಲ್ಸಿವ್ ಫೋರ್ಸ್) – ಹಠಾತ್ತಾದ ಕ್ರಿಯೆ (ಹಠಾತ್ತಾಗಿ ವರ್ತಿಸುವ ಬಲ) – ಢಿಕ್ಕಿ ಹೊಡೆದಾಗ ಆಗುವಂತೆ ತುಂಬ ಕಡಿಮೆ ಕಾಲದಲ್ಲಿ ವರ್ತಿಸುವ ಬಲ.