ಕನ್ನಡದ ನವ್ಯಕಾವ್ಯದ ಪ್ರವರ್ತಕರು ಎಂದು ಹೆಸರಾದ ಶ್ರೀ ಎಂ.ಗೋಪಾಲಕೃಷ್ಣ ಅಡಿಗರ `ಯಾವ ಮೋಹನ ಮುರಳಿ ಕರೆಯಿತು ಭಾವಗೀತೆಯನ್ನು ಕೇಳದ ಕನ್ನಡಿಗರು ಅಪರೂಪ ಅನ್ನಿಸುತ್ತೆ. ಬಹುಶಃ ಕನ್ನಡದ ಅತ್ಯಂತ ಪ್ರಸಿದ್ಧ ಭಾವಗೀತೆಗಳಲ್ಲಿ ಇದೂ ಒಂದು. ಈ ಭಾವಗೀತೆಯ ಕೊನೆಯ ಸಾಲು ಮೇಲಿನದು. ಭೂಮಿಯ ಮೇಲೆ ಸುಖಭೋಗಗಳ ನಡುವೆ ಬದುಕುತ್ತಿದ್ದರೂ ಮನಸ್ಸು ಎಲ್ಲೋ ಓಡುವ, ಏನನ್ನೋ ಹುಡುಕುವ ಬಗ್ಗೆ ಈ ಕವಿತೆ ಮಾತಾಡುತ್ತದೆ.

ಕೆಲವು ಸಲ ನಾವು ಜೀವನದಲ್ಲಿ ತುಂಬ ಪರಿಶ್ರಮ ಹಾಕಿದರೂ ಪ್ರತಿಫಲವು ನಾವು ಎಣಿಸಿದಷ್ಟು ಬರುವುದಿಲ್ಲ. ಬೆಟ್ಟ ತುಂಬ ದೊಡ್ಡದು, ಅದನ್ನು ಅಗೆಯುವುದು ಸಾಮಾನ್ಯವಾದ ಮಾತಲ್ಲ. ಕೆಲವರು ಸಂಪತ್ತು, ನಿಧಿ ಸಿಗುತ್ತದೆ ಎಂಬ ಆಸೆಯಿಂದ ಬೆಟ್ಟವನ್ನು ಅಗೆಯುವುದುಂಟು. ಆದರೆ ಹಾಗೆ ಅಷ್ಟು ದೊಡ್ಡದಾಗಿರುವ ಬೆಟ್ಟವನ್ನು ಅಗೆದ ಮೇಲೆ ಸಿಕ್ಕಿದ್ದು ಒಂದು ಇಲಿ ಎಂದಾಗ ಅಗೆದವರಿಗೆ `ನಮ್ಮ ಶ್ರಮ ವ್ಯರ್ಥವಾಯಿತಲ್ಲ ಎಂಬ ಭಾವನೆ ಬರುವುದು ಸಹಜ. ಆದರೆ ಜಿವನದಲ್ಲಿ ಹೀಗಾಗುವುದು ಅಪರೂಪವೇನಲ್ಲ. ಆದುದರಿಂದ ನಾವು ಯಾವುದಾದರೂ ಕೆಲಸಕ್ಕೆ ಕೈ ಹಾಕುವಾಗ […]