ಶಕ್ತಿಗುಂದುವಿಕೆ – ಒಂದು ವಸ್ತುವಿನೊಳಗೆ ಹಾದು ಹೋಗುವಾಗ ವಿಕಿರಣದ ಸಾಮರ್ಥ್ಯವು ಕಡಿಮೆಯಾಗುವುದು.

ಉತ್ತರಧ್ರುವ ಅರುಣಜ್ಯೋತಿ – ಉತ್ತರಧ್ರುವದಲ್ಲಿ ಕಾಣಿಸುವ ಬಣ್ಣಬಣ್ಣದ ಬೆಳಕು (ಮುಖ್ಯವಾಗಿ ಕೆಂಪು ಮತ್ತು ಹಸಿರು)

ಕ್ರಿಮಿನಾಶಕ ಪಾತ್ರೆ – ಹೆಚ್ಚಿನ ಉಷ್ಣತೆ ಮತ್ತು ಒತ್ತಡದಲ್ಲಿ ಕ್ರಿಮಿಗಳನ್ನು ನಾಶ ಮಾಡುವ ಗಟ್ಟಿಯಾದ ಪಾತ್ರೆ.

ವಿದ್ಯುದಣು ಸುಗ್ಗಿ – ಕೇವಲ ಒಂದೇ ಬಾರಿಯ ವಿದ್ಯುದಣುಗೊಳಿಸುವಿಕೆಯಿಂದ ವಿಪುಲ ಸಂಖ್ಯೆಯ ವಿದ್ಯುದಣುಗಳು ಸೃಷ್ಟಿಯಾಗುವ ಪ್ರಕ್ರಿಯೆ.

ಅಕ್ಷರೇಖೆ – ಒಂದು ವಸ್ತು ಅಥವಾ ವ್ಯವಸ್ಥೆಯು ಯಾವ ರೇಖೆಯ ಸುತ್ತ ಸುತ್ತುತ್ತದೋ ಆ ರೇಖೆ. 

ಅಸಮದೃಷ್ಟಿ – ಸರ್ವೇಸಾಮಾನ್ಯವಾದ ಒಂದು ದೃಷ್ಟಿದೋಷ ಇದು. ಒಂದೇ ದೂರದಲ್ಲಿರುವ ಉದ್ದುದ್ದಕ್ಕಿರುವ ಹಾಗೂ ಅಡ್ಡಡ್ಡಕ್ಕಿರುವ ವಸ್ತುಗಳನ್ನು ಒಟ್ಟಿಗೇ ನೋಡಿದಾಗ ಅವನ್ನು ಬೇರೆ ಬೇರೆಯಾಗಿ ಗ್ರಹಿಸಲು ಸಾಧ್ಯವಾಗದ ದೃಷ್ಟಿದೋಷ.

ಖಗೋಳ ವಿಜ್ಞಾನ – ಭೂಮಿಯ ವಾತಾವರಣದ ಆಚೆಗೆ ಇರುವ ವಿಶ್ವದ ಅಧ್ಯಯನ.

ವಕ್ರಾಕರ್ಷಿತ ಸರಳರೇಖೆ – ಅನಂತದೆಡೆಗೆ ಸಾಗುತ್ತಿರುವ ವಕ್ರರೇಖೆಯೊಂದನ್ನು ಮುಟ್ಟಲು ಯತ್ನಿಸುತ್ತಿರುವ ಸರಳರೇಖೆ.