ವಿದ್ಯುತ್ಕಾಂತೀಯ ವರ್ಣಪಟಲ – ಒಂದು‌ ವಿಸ್ತಾರವಾದ ಹರಹಿನಲ್ಲಿ ಕ್ರಮವಾಗಿ ಇರಿಸಿದ ವಿದ್ಯುತ್ಕಾಂತೀಯ ವಿಕಿರಣಗಳು‌. ಇದರಲ್ಲಿ ಅತಿನೇರಳೆ, ಅಧೋಕೆಂಪು, ಕಣ್ಣಿಗೆ ಕಾಣುವ ಅಲೆಗಳೇ ಮುಂತಾದ ವಿವಿಧ‌ ರೀತಿಯ ಅಲೆಗಳು ಇರುತ್ತವೆ.

ವಿದ್ಯುತ್ ಕಾಂತೀಯ ವಿಕಿರಣ ಅಥವಾ ವಿದ್ಯುತ್ಕಾಂತೀಯ ಅಲೆ – ವಿದ್ಯುತ್ ಕ್ಷೇತ್ರ ಹಾಗೂ ಕಾಂತಕ್ಷೇತ್ರಗಳನ್ನು ಒಳಗೊಂಡಿರುವ ಮತ್ತು ಚಲಿಸಲು ಯಾವ ಮಾಧ್ಯಮವೂ ಬೇಕಿಲ್ಲದ ಅಲೆಗಳು. ಬೆಳಕು ಸಹ ಇಂತಹ ಒಂದು ಅಲೆಯಾಗಿದೆ.

ವಿದ್ಯುತ್ಕಾಂತೀಯ ರೇಚಕ ಯಂತ್ರ( ಪಂಪು) – ದ್ರವರೂಪೀ ಲೋಹಗಳನ್ನು ಕೊಳವೆಯ ಮೂಲಕ ಮೇಲೆತ್ತಲು ಬಳಸುವ ಒಂದು ಉಪಕರಣ.

ವಿದ್ಯುದಯಸ್ಕಾಂತ ‌- ಮೃದು ಕಬ್ಬಿಣದ ಸುತ್ತ ಒಂದು ತಂತಿಯನ್ನು ಸುತ್ತುವ ಮೂಲಕ ರೂಪಿಸಿದಂತಹ ಒಂದು ಅಯಸ್ಕಾಂತ. ಎಲ್ಲಿಯವರೆಗೆ ತನ್ನಲ್ಲಿ ವಿದ್ಯುತ್ ಹರಿಯುತ್ತದೋ ಅಲ್ಲಿಯವರೆಗೆ ಅದು ಅಯಸ್ಕಾಂತದಂತೆ ವರ್ತಿಸುತ್ತದೆ.

ವಿದ್ಯುತ್ ವಿಭಜಕ – ತನ್ನೊಳಗಿನ ಪರಮಾಣುಗಳನ್ನು ಧನ ಹಾಗೂ ಋಣ ವಿದ್ಯುದಂಶದ ಅಣುಗಳಾಗಿ‌ ವಿಭಜಿತಗೊಳಿಸುವ ಮೂಲಕ ವಿದ್ಯುತ್ತನ್ನು ತನ್ನೊಳಗೆ ಹರಿಯಿಸುವ ವಸ್ತು

ವಿದ್ಯುತ್ ವಿಭಜನೆ – ಒಂದು ವಿದ್ಯುತ್ವಾಹಕ ದ್ರಾವಕದ ಮೂಲಕ ವಿದ್ಯುತ್ತನ್ನು ಹರಿಸಿ ರಾಸಾಯನಿಕ ಕ್ರಿಯೆಯೊಂದನ್ನು ಅಲ್ಲಿ ತೊಡಗಿಸಿ, ಆ ಮೂಲಕ ಧನ ವಿದ್ಯುದಂಶ ಹಾಗೂ ಋಣ ವಿದ್ಯುದಂಶಗಳನ್ನು ಪ್ರತ್ಯೇಕಿಸುವ ಕ್ರಿಯೆ.

ವಿದ್ಯುತ್ ಪ್ರಕಾಶ – ಎಲೆಕ್ಟ್ರಾನುಗಳ ಹೊಡೆತದಿಂದ ತನ್ನ ಕಣಗಳು ಶಕ್ತಿಯನ್ನು ಹೀರಿಕೊಂಡು ಉದ್ರೇಕಿತ ಸ್ಥಿತಿಗೆ ಹೋದಾಗ ವಸ್ತುವೊಂದು ಹೊರಸೂಸುವ ಪ್ರಕಾಶ (ಬೆಳಕು). 

ವಿದ್ಯುತ್ಮೂಲೀ ನಿರ್ಮಾಣ – ವಿದ್ಯುತ್ತನ್ನು ಬಳಸಿಕೊಂಡು ಲೋಹದ ಮೇಲೆ ಪದರ ಕಟ್ಟುವ, ತನ್ಮೂಲಕ ಸೂಕ್ಷ್ಮ ನಿರ್ಮಿತಿಗಳುಳ್ಳ ಲೋಹದ ವಸ್ತುಗಳನ್ನು ಅಥವಾ ವಸ್ತು ಭಾಗಗಳನ್ನು ನಿರ್ಮಿಸುವ ಒಂದು ವಿಧಾನ.

ಮೆದುಳುವಿದ್ಯುತ್ ನ ಜಾಡು ಹಿಡಿಯುವಿಕೆ ಅಥವಾ ಅದರ ಚಿತ್ರ – ಮೆದುಳಿನಲ್ಲಿ ನಡೆಯುವ ವಿದ್ಯುತ್ ಕ್ರಿಯೆಗಳ ಜಾಡು ಹಿಡಿಯುವ ಅಥವಾ ಅವುಗಳನ್ನು ಚಿತ್ರಿಸುವ ಕ್ರಿಯೆ.

ವಿದ್ಯುತ್ ಮಾಪಕ‌ – ನೇರ ಮತ್ತು ಪರ್ಯಾಯ ಎರಡೂ ವಿದ್ಯುತ್ ಮಂಡಲಗಳಲ್ಲಿನ ವಿದ್ಯುತ್ ಅಂತಃಸಾಮರ್ಥ್ಯ ಅಥವಾ ವಿದ್ಯುತ್ ಬಲವನ್ನು ಅಳೆಯುವ ಒಂದು ಉಪಕರಣ.