ಮ್ಯಾಗ್ನಡರ್- ಮ್ಯಾಗ್ನಡರ್ – ಶಾಶ್ವತ ಅಯಸ್ಕಾಂತಗಳನ್ನು ತಯಾರು ಮಾಡಲು ಬಳಸುವ ಒಂದು ಪಿಂಗಾಣಿ ವಸ್ತುವಿನ ವ್ಯಾಪಾರೀ ಹೆಸರು. ಇದು ಮುದ್ದೆಯಾಗಿಸಿದ ಕಬ್ಬಿಣದ ಆಕ್ಸೈಡು ಮತ್ತು ಬೇರಿಯಂ ಆಕ್ಸೈಡುಗಳನ್ನು ಹೊಂದಿರುತ್ತದೆ.

ಮ್ಯಾಗ್ನ್ – ಮ್ಯಾಗ್ನ್ – ಈ ಪದವನ್ನು ವಿದ್ಯುತ್ಕಾಂತೀಯ ಶಾಸ್ತ್ರದಲ್ಲಿ ಬಳಸುತ್ತಾರೆ. ಒಂದು ಮಾಧ್ಯಮದ ಪರಮ ಪ್ರವೇಶಸಾಧ್ಯತೆಯನ್ನು ಅಳೆಯುವಂತಹ ಮೂಲಮಾನ ಇದು. ಅಂದರೆ, ಎಷ್ಟರ ಮಟ್ಟಿಗೆ ವಸ್ತುವೊಂದು ಕಾಂತವಾಗಬಹುದು ಎಂಬ ಅಳತೆಯ ನೆಲೆ.

1 ಮ್ಯಾಗ್ನ್ = 1 ಮೀಟರ್ ಗೆ 1 ಹೆನ್ರಿ.

ಮ್ಯಾಜಿಕ್ ನಂಬರ್ಸ್ – ಮಾಂತ್ರಿಕ ಸಂಖ್ಯೆಗಳು – ಪರಮಾಣುವಿನ ಬೀಜಕೇಂದ್ರದಲ್ಲಿ ತುಂಬ ಸ್ಥಿರವಾದ ರಚನೆಗಳನ್ನು ಉತ್ಪತ್ತಿ ಮಾಡುವ ಪ್ರೋಟಾನು ಅಥವಾ ನ್ಯೂಟ್ರಾನು ಸಂಖ್ಯೆಗಳಿವು.

ಮ್ಯಾಕ್ ಲೈನ್ ಆರ್ ಸರ್ಫೇಸ್ – ಮ್ಯಾಕ್ ರೇಖೆ ಅಥವಾ ಮೇಲ್ಮೈ – ಶಬ್ಧದ ಕೆಳಗಿನ ಹರಿವುಗಳ ಪ್ರದೇಶ ( ಅಧೋಶಬ್ಧ)  ಮತ್ತು ಶಬ್ಧಾತೀತ ಹರಿವುಗಳ ಪ್ರದೇಶವನ್ನು ಪ್ರತ್ಯೇಕಿಸುವ ರೇಖೆ ಅಥವಾ ಮೇಲ್ಮೈ. 

ಮೆಶಿನ್ – ಯಂತ್ರ – ಸಾಮರ್ಥ್ಯ ( power) ವನ್ನು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ವರ್ಗಾಯಿಸುವ ಉಪಕರಣ. ಕಡಿಮೆ ಬಲವನ್ನು ಹಾಕಿ ಹೆಚ್ಚು ಪರಿಣಾಮವನ್ನು ಪಡೆಯುವುದೇ ಯಂತ್ರವನ್ನು ಬಳಸುವ ಮೂಲ ಉದ್ದೇಶ‌ವಾಗಿರುತ್ತದೆ.

ಲಿಕ್ವಿಡ್ ಕ್ರಿಸ್ಟಲ್ – ದ್ರವ ಹರಳು – ದ್ರವದಂತೆ ಹರಿದರೂ ಸಹ ತನ್ನ ಅಣುಗಳ ರಚನೆಯಲ್ಲಿ ಒಂದು ರೀತಿಯ ವ್ಯವಸ್ಥೆಯನ್ನು ಹೊಂದಿರುವ ಒಂದು ವಸ್ತು. ಉದಾಹರಣೆಗೆ, ಸಾಬೂನಿನ‌ ದ್ರಾವಣ‌

ಲ್ಯೂಮಿನಸ್ ಪೈಂಟ್ – ಪ್ರಕಾಶಮಾನ‌ ಬಣ್ಣ – ಕ್ಯಾಲ್ಶಿಯಂ ಸಲ್ಫೈಡ್ ನಂತಹ, ರಾತ್ರಿಯಲ್ಲಿ ಪ್ರಕಾಶ ಸೂಸಬಲ್ಲ ರಾಸಾಯನಿಕ ಸಂಯುಕ್ತಗಳಿಂದ ಮಾಡಲ್ಪಟ್ಟ ಒಂದು ಬಣ್ಣ (ಉದ್ರೇಕಗೊಳಿಸುವ ಆಕರವನ್ನು ದೂರ ಮಾಡಿದ ಮೇಲೂ ಬೆಳಕು ಸೂಸುವಂತಹ, ಕ್ಯಾಲ್ಶಿಯಂ ಸಲ್ಫೈಡ್ ನಂತಹ ವಸ್ತುಗಳನ್ನು phosphorescent ಅಥವಾ ಬೆಳಕುಧಾರಕ ವಸ್ತುಗಳು ಎಂದು ಕರೆಯುತ್ತಾರೆ).

ಲ್ಯೂಮಿನಸ್ ಇಂಟೆನ್ಸಿಟಿ – ಪ್ರವಾಹ ತೀಕ್ಷ್ಣತೆ – ಸಾಮಾನ್ಯ ಅರ್ಥದಲ್ಲಿ ಅಥವಾ ಒಂದು ನಿರ್ದಿಷ್ಟ ದಿಕ್ಕಿನಲ್ಲಿ, ಒಂದು ಬೆಳಕಿನ ಆಕರದ ಬೆಳಕು ಸೂಸುವ ಸಾಮರ್ಥ್ಯ. ಇದನ್ನು ಕ್ಯಾಂಡೆಲ್ ಗಳಲ್ಲಿ ಅಳೆಯುತ್ತಾರೆ