Like us!
Follow us!
ನನ್ನ ಸಾಹಿತ್ಯ ಜೀವನದ ಮರೆಯಲಾಗದ ನೆನಪುಗಳಲ್ಲಿ ಒಂದು ಎಂದರೆ, ಕವಿ ಪುತಿನ ( ಪುರೋಹಿತ ತಿರುನಾರಾಯಣಯ್ಯಂಗಾರ್ ನರಸಿಂಹಾಚಾರ್ – ಕನ್ನಡ ನವೋದಯ ಸಂದರ್ಭದ ಹಿರಿಯ ಕವಿ ಹಾಗೂ ನಾಟಕಕಾರ – ಜೀವಿತ ಕಾಲ : 1905-1998 ) ಅವರನ್ನು ಮುಖತಃ ಭೇಟಿ ಮಾಡಿದ್ದು. 1991 ನೇ ವರ್ಷ ಅದು. ನಾನು ಬೆಂಗಳೂರಿನ ಬಸವೇಶ್ವರ ನಗರದ ‘ವಿದ್ಯಾವರ್ಧಕ ಸಂಘ’ ಕಾಲೇಜಿನಲ್ಲಿ ಬಿ.ಎಸ್ಸಿ. ಅಂತಿಮ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿದ್ದ ಸಮಯ. ರಸಾಯನಶಾಸ್ತ್ರ ಹಾಗೂ ಕನ್ನಡ ಸಾಹಿತ್ಯ ಎರಡರಲ್ಲೂ ಪರಿಣತಿ ಇದ್ದ, […]
ಲೋ ಪಾಸ್ ಫಿಲ್ಟರ್ – ಕೆಳಶ್ರೇಣಿಯನ್ನು ದಾಟಿಸುವ ಅಲೆವಿಂಗಡಕ – ಸೊನ್ನೆ ಆವರ್ತನಗತಿಯಿಂದ ಹಿಡಿದು ಒಂದು ಗರಿಷ್ಠಮಿತಿಯ ಆವರ್ತನಗತಿ ( ಆದರೆ ಅನಂತವಲ್ಲ) ಹೊಂದಿರುವ, ಏಕಪ್ರಸಾರ ಪಟ್ಟಿಯನ್ನು ಇರಿಸಿಕೊಂಡಿರುವ ಅಲೆವಿಂಗಡಕ.
ಲೋ ಫ್ರೀಕ್ವೆನ್ಸಿ – ಕಡಿಮೆ ಆವರ್ತನಗತಿ – 30-300 ಕಿಲೋಹರ್ಟ್ಝ್ ಶ್ರೇಣಿಯಲ್ಲಿನ ರೇಡಿಯೋ ( ತ್ರಿಜ್ಯಾತ್ಮಕ) ಅಲೆಯ ಆವರ್ತನಗತಿ. ಇದು 1-10 ಕಿಲೋಮೀಟರ್ ನಷ್ಟು ಅಲೆಯುದ್ದ (ತರಂಗಾಂತರ) ವನ್ನು ಹೊಂದಿರುತ್ತದೆ.
ಲೋವರಿಂಗ್ ಆಫ್ ವೇಪರ್ ಪ್ರಶರ್ – ಆವಿಯೊತ್ತಡದ ಇಳಿತ – ಒಂದು ಕರಗುವಸ್ತುವನ್ನು ಸೇರಿಸಿದಾಗ ಒಂದು ಶುದ್ಧ ದ್ರವದ ಪರ್ಯಾಪ್ತ ( ಸ್ಯಾಚುರೇಟೆಡ್) ಆವಿಯೊತ್ತಡವು ಕಡಿಮೆಯಾಗುವಂಥದ್ದು.
ಲೌಡ್ ಸ್ಪೀಕರ್ – ಧ್ವನಿವರ್ಧಕ – ವಿದ್ಯುತ್ ಅಲೆಗಳನ್ನು, ಕಿವಿಗೆ ಕೇಳಿಸುವಷ್ಟು ಮಟ್ಟಿಗೆ ಗಟ್ಟಿಯಾಗಿರುವಂತಹ ಶಬ್ಧಕಂಪನಗಳನ್ನಾಗಿ ಪರಿವರ್ತಿಸುವಂತಹ ಉಪಕರಣ.
ಲೌಡ್ ನೆಸ್ ಆಫ್ ಸೌಂಡ್ – ಶಬ್ಧದ ಗಟ್ಟಿತನ – ಶಬ್ಧದ ಒಂದು ಆಕರವು ಕೇಳುಗನಲ್ಲಿ ಉಂಟುಮಾಡುವ ಒಂದು ಇಂದ್ರಿಯ ಸವೇದನೆ. ಇದು ಒಂದು ದತ್ತ ಆವರ್ತನಗತಿಯ ಸಂದರ್ಭದಲ್ಲಿ, ಶಬ್ಧದ ತೀಕ್ಷ್ಣತೆ ಮತ್ತು ಶಬ್ಧದ ಆವರ್ತನಗತಿಯನ್ನು ಸಹ ಅವಲಂಬಿಸಿರುತ್ತದೆ.
ಲಾಸೀ – ನಷ್ಟಕಾಲ – ವಿದ್ಯುತ್ ಶಕ್ತಿವಾಹನೆಯ ಸಂದರ್ಭದಲ್ಲಿ ತುಂಬ ಹೆಚ್ಚಿನ ಪ್ರಮಾಣದಲ್ಲಿ ಶಕ್ತಿಗುಂದಿಸುತ್ತಾ, ಶಕ್ತಿಯನ್ನು ವ್ಯರ್ಥ ಮಾಡುವ ಅವಾಹಕ ಅಥವಾ ವಿದ್ಯುತ್ ಪ್ರಸಾರಪಥಗಳ ಸಂದರ್ಭದಲ್ಲಿ ಬಳಸುವ ಪದ.
ಲಾಸ್ ಫ್ಯಾಕ್ಟರ್ – ನಷ್ಟಾಂಶ – ಒಂದು ವಿದ್ಯುತ್ ಸಂಪರ್ಕ ರೇಖೆ, ಮಂಡಲ ಅಥವಾ ಉಪಕರಣದ ವಿದ್ಯುತ್ ಪೂರಕದ ಅತಿಗರಿಷ್ಠ ಬಿಂದುವಿನಲ್ಲಿ ಉಂಟಾಗುವ ವಿದ್ಯುತ್ ನಷ್ಟಕ್ಕೂ ಸರಾಸರಿ ವಿದ್ಯುತ್ ನಷ್ಟಕ್ಕೂ ಇರುವಂತಹ ಅನುಪಾತ.