ಕನ್ನಡ ಕನ್ನಡಿ

ದೃಷ್ಟಿಕ್ಷೇತ್ರದ ಹರಹು‌ – ಛಾಯಾಗ್ರಹಕ‌ ಯಂತ್ರ (ಕ್ಯಾಮೆರಾ) ಅಥವಾ ಅಂತಹ ದೃಶ್ಯಸಂಬಂಧೀ ಉಪಕರಣಗಳು ಒಂದು ವಸ್ತುವಿನ‌ ಸುಸ್ಪಷ್ಟ ಬಿಂಬವನ್ನು ಉತ್ಪಾದಿಸುವಷ್ಡು ವಿಸ್ತಾರದ ಶ್ರೇಣಿ. 

ಆಸ್ಫೋಟನ – ಅತಿ ಹೆಚ್ಚು ವೇಗವುಳ್ಳ ಆಘಾತ ತರಂಗಗಳೊಡನೆ ಆಗುವಂತಹ ಅತಿ‌ ಕ್ಷಿಪ್ರ ದಹನಕ್ರಿಯೆ( ಬಾಂಬುಗಳಲ್ಲಿ ಆಗುವಂತೆ).

ಡ್ಯುಟೇರಿಯಂ‌ – ಜಲಜನಕದ ಒಂದು ಸಮರೂಪಿ ಇದು.‌ ಇದರ ದ್ರವ್ಯರಾಶಿ ಸಂಖ್ಯೆ 2.  ಇದನ್ನು ಭಾರದ ಜಲಜನಕ ಎಂದೂ‌ ಕರೆಯುತ್ತಾರೆ. ಸಹಜ ಜಲಜನಕದಲ್ಲಿ‌ ಡ್ಯುಟೇರಿಯಂನ ಪ್ರಮಾಣ 0.0156%.

ಇಬ್ಬನಿ‌ – ಗಾಳಿಯ ಉಷ್ಣತೆ ಕಡಿಮೆಯಾಗಿ ಅದರಲ್ಲಿನ ಆವಿಯ ಪ್ರಮಾಣವು ಗರಿಷ್ಠ ಆರ್ದ್ರತೆಗೆ ತಲುಪಿದಾಗ ನೀರು ಪಡೆವ ಹನಿರೂಪ.

ಬಲಮುಖೀ ತಿರುಗಣೆ – ಮೇಲ್ಮೈ ಧ್ರುವೀಕೃತ ಬೆಳಕನ್ನು ಎಡದಿಂದ ಬಲಕ್ಕೆ ರಾಸಾಯನಿಕ ಸಂಯುಕ್ತವೊಂದರ ಮೂಲಕ ತಿರುಗಿಸುವುದು.

ಕಾಂತವಿರೋಧಿ‌ ಗುಣ – ತುಂಬಾ ದುರ್ಬಲವಾದ ಕಾಂತಗುಣ ಇದು.‌  ಬಿಸ್ಮತ್ ಮತ್ತು ಸೀಸದಂತಹ ಕೆಲವು ಮೂಲವಸ್ತಗಳು ಅಯಸ್ಕಾಂತ ಗುಣವನ್ನು ವಿರೋಧಿಸುವ ನೆಲೆ. 

ತಡೆಗೋಡೆ – ದೃಶ್ಯೋಪಕರಣಗಳಲ್ಲಿ  ಕ್ಯಾಮರಾ ಕಿಂಡಿಯೊಳಗೆ ಬರುವ ಬೆಳಕಿನ ಪ್ರಮಾಣವನ್ನು ನಿಯಂತ್ರಿಸುವ ಸಾಧನ.

ಚಿತ್ರಯಂತ್ರ – ಅರೆಪಾರದರ್ಶಕ ವಸ್ತುಗಳನ್ನು ಬಿಂಬಿಸಲು ಬಳಸುವ ಒಂದು ದೃಶ್ಯೋಪಕರಣ. 

ದ್ವಿವರ್ಣತೆ – ಟೌರ್ಮಲೈನ್ ತರಹದ  ಕೆಲವು ಹರಳುಗಳಲ್ಲಿ ಕಾಣುವಂತಹ ಒಂದು ಗುಣ, ಬೆಳಕಿನ‌ ಕೆಲವು ಕಿರಣಗಳನ್ನು ಹೀರಿಕೊಂಡು, ಇನ್ನು ಕೆಲವನ್ನು ತಮ್ಮ ಮೂಲಕ ಸಾಗಿಹೋಗಲು ಬಿಡುವಂತಹ ಗುಣ. ಇದರಿಂದಾಗಿ ಒಂದೇ ಹರಳಿನಲ್ಲಿ ಒಂದಕ್ಕಿಂತ ಹೆಚ್ಚು ಬಣ್ಣ ಕಾಣುತ್ತದೆ.

ಅವಾಹಕ – ತನ್ನೊಳಗೆ ವಿದ್ಯುತ್ತನ್ನು ಹರಿಯಲು ಬಿಡದ ವಸ್ತು.