ಈಕ್ವೇಟರ್ – ಭೂಮಧ್ಯರೇಖೆ – ಭೂಮಿಯ ಸುತ್ತಲೂ ಇರುವ ಮಹಾರೇಖೆ ಇದು, ಭೂಮಿಯ ಮಹಾವರ್ತುಲ. ಇದು ಭೂಮಿಯ ಅಕ್ಷಕ್ಕೆ ಲಂಬವಾಗಿರುವ ಮೇಲ್ಮೈಯಲ್ಲಿರುತ್ತದೆ ಮತ್ತು ಎರಡೂ ಧ್ರುವಗಳಿಂದ ಸಮಾನ ದೂರದಲ್ಲಿರುತ್ತದೆ.

ಎಲೆಕ್ಟ್ರಾನ್ ಪ್ರೋಬ್ ಮೈಕ್ರೋಅನಾಲಿಸಿಸ್ -ಎಲೆಕ್ಟ್ರಾನು‌ ಬಿಂಬಾಧಾರಿತ ವಸ್ತು ವಿಶ್ಲೇಷಣೆ – ಒಂದು ವಸ್ತುವಿನಲ್ಲಿ ಯಾವ ಯಾವ ಮೂಲವಸ್ತುಗಳಿವೆ ಎಂದು ಪತ್ತೆ ಹಚ್ಚಲು, ಆ ವಸ್ತುವಿನೊಳಗೆ ಎಲೆಕ್ಟ್ರಾನು ಕಿರಣಪುಂಜವನ್ನು ಹರಿಸಿ, ಹೊರಬರುವಂತಹ ವಸ್ತುವಿಶಿಷ್ಟ ಕ್ಷಕಿರಣವನ್ನು ಅಳೆಯುವುದು.

ಎಪಿಥರ್ಮಲ್ ನ್ಯೂಟ್ರಾನ್ –  ಹೆಚ್ಚು ತಾಪದ ನ್ಯೂಟ್ರಾನು ‌- ತಾಪ ನ್ಯೂಟ್ರಾನಿನ ಶಕ್ತಿಗಿಂತ ಹೆಚ್ಚಾದ ಮತ್ತು ವೇಗದ ನ್ಯೂಟ್ರಾನಿಗಿಂತ ಕಡಿಮೆ ಶಕ್ತಿಯುಳ್ಳ ನ್ಯೂಟ್ರಾನು. 

ಎಪಿಟ್ಯಾಕ್ಸಿ – ಪದರ ಬೆಳೆಸುವಿಕೆ – ಒಂದು ವಸ್ತುವಿನ ಏಕ ಹರಳಿನ ಮೇಲೆ ಇನ್ನೊಂದು ವಸ್ತುವಿನ ಪದರವೊಂದನ್ನು ಬೆಳೆಸುವುದು.

ಎಪಿಡಿಯಾಸ್ಕೋಪ್  – ಬಿಂಬ ದರ್ಶಕ – ಬೋಧನಾ ವೃತ್ತಿಯಲ್ಲಿರುವವರು ಬಳಸುವ ಒಂದು ದೃಶ್ಯೋಪಕರಣ ಇದು. ಒಂದು ಪಾರದರ್ಶಕ ಅಥವಾ ಅಪಾರದರ್ಶಕ ವಸ್ತುವೊಂದರ  ಹಿಗ್ಗಲಿಸಿದ  ಬಿಂಬವನ್ನು ಪರದೆಯ ಮೇಲೆ ಬೀರಲು ಈ ಉಪಕರಣವನ್ನು ಬಳಸುತ್ತಾರೆ.

ಅಧಿಚಕ್ರ – ಇದು ಒಂದು ಚಿಕ್ಕ ವೃತ್ತ/ಚಕ್ರ. ಇದರ ಕೇಂದ್ರವು ಒಂದು ಸ್ಥಳದಲ್ಲಿ ಸ್ಥಿರವಾಗಿಟ್ಟ ದೊಡ್ಡ ವೃತ್ತವೊಂದರ ಪರಿಧಿಯುದ್ದಕ್ಕೂ ಉರುಳುತ್ತದೆ.

ಎಪಿಸೆಂಟರ್ – ಭೂಕಂಪ ಅಧಿಕೇಂದ್ರ – ಒಂದು ಭೂಕಂಪಸ್ಥಳದ ಕೇಂದ್ರಗಮನ ಬಿಂದುವಿನ‌ ರೇಖೆಯಲ್ಲೇ ಭೂಮಿಯ ಮೇಲ್ಮೈ ಮೇಲೆ ಇರುವ ಒಂದು ಬಿಂದು ಅಥವಾ ಅಣುಸ್ಫೋಟದ ಬಿಂದುವಿನ ರೇಖೆಯಲ್ಲೇ ಅದರ ಮೇಲೆ ಅಥವಾ ಕೆಳಗೆ ಇರುವ ಬಿಂದು. 

ಎಫಿಮೆರಿಸ್ ಟೈಮ್ – ಖಗೋಳ ಪಂಚಾಂಗ ಸಮಯ – ಭೂಮಿ, ಚಂದ್ರ ಮತ್ತು ಗ್ರಹಗಳ ಕಕ್ಷಾ ಚಲನೆಯಿಂದ ಅಳೆಯುವಂತಹ ಸಮಯ.

ಎಮಿಸಿವ್ ಪವರ್ – ಒಂದು ಸೆಕೆಂಡಿಗೆ ವಸ್ತುವಿನ ಏಕಘಟಕ ವಿಸ್ತೀರ್ಣ ಅಳತೆಯ ಮೇಲ್ಮೈಯು ಹೊರಸೂಸುವ ಒಟ್ಟು ಶಕ್ತಿ.

ಎಮಿಷನ್ ಸ್ಪೆಕ್ಟ್ರಮ್ ‌- ಹೊರಸೂಸುವಿಕೆಯ ವರ್ಣಪಟಲ – ಬೆಳಕಿನ ಆಕರವೊಂದರಿಂದ ಹೊರ ಬರುತ್ತಿರುವ ಬೆಳಕನ್ನು ಅದು ಬರುತ್ತಿದ್ದಂತೆಯೇ ವರ್ಣಪಟಲ ದರ್ಶಕ 

( ಸ್ಪೆಕ್ಟ್ರೋಸ್ಕೋಪ್)ದಿಂದ ಪರಿಶೀಲಿಸಿದಾಗ ಕಂಡುಬರುವ ವರ್ಣಪಟಲ.