ಇನ್ಸ್ಟೆಂಟೇನಿಯಸ್  ವ್ಯಾಲ್ಯೂ – ತಾಕ್ಷಣಿಕ ಮೌಲ್ಯ – ವೇಗೋತ್ಕರ್ಷ, ವಿದ್ಯುತ್, ವಿದ್ಯುತ್ ಬಲ ಮುಂತಾದ ಕ್ಷಣಭಿನ್ನ ಪರಿಮಾಣಕ್ಕೆ ಸಂಬಂಧಿಸಿದಂತೆ ಕಾಲದ ಒಂದು ನಿರ್ದಿಷ್ಟ ಕ್ಷಣದಲ್ಲಿ ಅದರ ಮೌಲ್ಯ.

ಇನ್ಲೈನ್ ಹೋಲೋಗ್ರಫಿ –  ಏಕರೇಖೆಯ ಪೂರ್ಣಚಿತ್ರಗ್ರಹಣ – ಒಂದು ಚಿಕ್ಕ ವಸ್ತುವಿನಿಂದ ಚದುರಿಸಲ್ಪಟ್ಟ ಅಥವಾ ಹಬ್ಬಿಸಲ್ಪಟ್ಟ ಅಲೆಗಳೊಂದಿಗೆ ಲೇಸರ್ ಕಿರಣಗಳು ಅಡ್ಡ ಹಾಯ್ದು ಉತ್ಪತ್ತಿಯಾದ ಪೂರ್ಣಚಿತ್ರ.

ಇನ್ಫ್ರಾರೆಡ್ ಸ್ಟಾರ್ಸ್ – ಅಧೋಕೆಂಪು ನಕ್ಷತ್ರಗಳು – ಅಧೋಕೆಂಪು ವಿಕಿರಣವನ್ನು ತಮ್ಮ ಮುಖ್ಯ ಹೊರಸೂಸುವಿಕೆಯಾಗಿ‌ ಹೊಂದಿರುವ ಆಕಾಶಕಾಯಗಳು. ಧೂಳಿನ ಮೋಡಗಳಿಂದ ಸುತ್ತುವರಿದಿರುವ ನಕ್ಷತ್ರಗಳಿವು ಎನ್ನಲಾಗುತ್ತದೆ.

ಇನ್ಫ್ರಾಸೌಂಡ್ – ಅಧೋಶಬ್ಧ – 16 ಹರ್ಟ್ಝ್ ಗಿಂತ ಕಡಿಮೆ ಆವರ್ತನ ಇರುವ ಮಾಧ್ಯಮವೊಂದರಲ್ಲಿನ ಕಂಪನಗಳು. ಇವನ್ನು ಕಿವಿಯು ಒಂದು ನಿರಂತರವಾದ ಶಬ್ಧ ಎಂದು ಗ್ರಹಿಸುವುದಿಲ್ಲ, ಬದಲಾಗಿ ಶಬ್ಧಮಿಡಿತಗಳ ಸರಣಿಯಾಗಿ ಗ್ರಹಿಸುತ್ತದೆ.

ಇನ್ಫ್ರಾರೆಡ್ ಡಿಟೆಕ್ಟರ್ – ಅಧೋಕೆಂಪು ಪತ್ತೆಯಂತ್ರ – ಅಧೋಕೆಂಪು ವಿಕಿರಣವನ್ನು ಗಮನಿಸಲು‌ ಮತ್ತು ಅಳೆಯಲು ಬಳಸುವಂತಹ ಒಂದು ಉಷ್ಣ ಉಪಕರಣ.

ಇನ್ಫ್ರಾರೆಡ್ ರೇಡಿಯೇಷನ್ – ಅಧೋಕೆಂಪು ವಿಕಿರಣ – ಅಣು ಮಟ್ಟದಲ್ಲಿ ಉಂಟಾಗುವಂತಹ ವಿದ್ಯುದಂಶದ ಚಲನೆಯಿಂದ ಉತ್ಪತ್ತಿಯಾಗುವ ವಿಕಿರಣಗಳಿವು.

ಇನ್ಫ್ರಾರೆಡ್ ( IR) – ಅಧೋಕೆಂಪು – ಕಣ್ಣಿಗೆ ಕಾಣಿಸುವಂತಹ ವರ್ಣಪಟಲದಲ್ಲಿನ ಕೆಂಪು ಬಣ್ಣದ ಆಚೆಯ ವಿಕಿರಣ. 

ಇನರ್ಷಿಯಲ್ ಸಿಸ್ಟಂ – ಜಡತ್ವ ವ್ಯವಸ್ಥೆ – ಒಂದು ವಸ್ತುವು ಯಾವುದೇ ಬಾಹ್ಯ ಬಲಗಳ ಪರಿಣಾಮದ ಗೋಜಿಲ್ಲದೆ ಸ್ಥಿರವಾದ ದಿಕ್ವೇಗದಲ್ಲಿ ಚಲಿಸುತ್ತಿರುವಂತೆ ನೋಡಲು, ಒಬ್ಬ ವೀಕ್ಷಕನಿಗೆ ಸಾಧ್ಯವಾಗುವ ಒಂದು ನಿರ್ದೇಶಕ ಚೌಕಟ್ಟು.

ಇನರ್ಷಿಯಲ್ ಮಾಸ್ – ಜಡತ್ವ ದ್ರವ್ಯರಾಶಿ – ಜಡತ್ವದ ಗುಣಲಕ್ಷಣದ ಆಧಾರದಿಂದ ಅಳೆದಂತಹ, ವಸ್ತುವಿನ ದ್ರವ್ಯರಾಶಿ.

ಇನರ್ಷಿಯಲ್ ಫ್ರೇಮ್ – ಜಡತ್ವ ಚೌಕಟ್ಟು ‌- ನ್ಯೂಟನ್‌ರ ನಿಯಮಗಳು ಪಾಲಿಸಲ್ಪಡುವಂತಹ ನಿರ್ದೇಶಕ ಚೌಕಟ್ಟು.